អន្តរជាតិ
×![]()
ដោយ: ថ្មីៗ
មេខ្លោងដែលទទួលបន្ទុកជ្រើសរើសសមាជិកថ្មីនៃក្រុមសកម្មប្រយុទ្ធរដ្ឋឥស្លាមឬក្រុមដែស្ហ ឈ្មោះ Neil Prakash និងដែលមានឈ្មោះមួយទៀតថា Abu Khaled al-Cambodi ត្រូវកងកម្លាំងអាមេរិកសម្លាប់ក្នុងប្រតិបត្តិការវាយប្រហារផ្លូវអាកាសនៅអ៊ីរ៉ាក់កាលពីថ្មីៗនេះ។ Prakash ជាសមាជិកក្រុមភេរវជនម្នាក់ដែលគេតាមប្រមាញ់ខ្លាំងជាងគេ ហើយការស្លាប់របស់ជននេះបង្ហាញពីភាពវិជ្ជមាននៃយុទ្ធនាការកម្ចាត់ក្រុមភេរវជនដែរ។ 
រដ្ឋាភិបាលក្រុងកង់បេរ៉ា បានប្រកាសនៅថ្ងៃ ព្រហស្បតិ៍នេះថា សមាជិកក្រុមរដ្ឋឥស្លាមឬក្រុមដែស្ហនិងជាមេខ្លោងទទួលខុសត្រូវរើសសមាជិកថ្មី Neil Prakash បានស្លាប់ក្នុងការវាយប្រហាររបស់ទាហានអាមេរិកក្នុងទឹកដីអ៊ីរ៉ាក់កាលពីថ្មីៗនេះ។
យោងតាមការផ្សាយរបស់ The Age មេខ្លោងជនជាតិអូស្ត្រាលីរូបនេះ មានជាប់សាច់ឈាមហ្វីជី និងកម្ពុជា ហើយធ្លាប់ជាអ្នកកាន់ព្រះពុទ្ធសាសនា ផងដែរ។ ការស្លាប់របស់ជនម្នាក់នេះត្រូវបានរដ្ឋាភិបាលអូស្ត្រាលីនិងអាមេរិកចាត់ទុកជាជោគជ័យដ៏ធំធេងមួយព្រោះថា Prakash ជាមនុស្សសំខាន់និងមានតួនាទីធំក្នុងការជ្រើសរើសក្រុមសកម្មប្រយុទ្ធថ្មីសម្រាប់ធ្វើសងង្គ្រាមជីហាតនេះ។ វាបង្ហាញពីភាពវិជ្ជមាននៃយុទ្ធសាស្ត្រកម្ចាត់ភេរវជនរបស់សហគមន៍អន្តរជាតិជាពិសេសអាមេរិកនិងសម្ព័ន្ធមិត្តផងដែរ។
បើតាមអគ្គរាជអាជ្ញាអូស្ត្រាលី George Brandis ទាហានអាមេរិកបានសម្លាប់ជនម្នាក់នេះក្នុងយុទ្ធនាការយោធានៅក្នុងតំបន់ Mosul កាលពីថ្ងៃ ២៩ ខែមេសាកន្លងទៅ។
លោកថា៖« Pakash ជាសមាជិកក្រុមដែស្ហដ៏មានឥទ្ធិពលម្នាក់ ហើយជននេះក៏ស្ថិតក្នុងចំណោមសមាជិកជាន់ខ្ពស់នៃក្រុមភេរវជននេះដែរ។ ជាពិសេសគេក៏បានដើរតួនាទីជាអ្នកជ្រើសរើសកម្លាំងថ្មីសម្រាប់ប្រយុទ្ធនៅអូស្ត្រាលីនិងបើកការវាយប្រហារភេរវកម្មនានា។ Prakash ក៏មានជាប់ទាក់ទងជាមួយការវាយប្រហារនៅអូស្ត្រាលីជាច្រើនដងដែរ និងអំពាវនាវឲ្យមានការវាយប្រហារប្រឆាំងសហរដ្ឋអាមេរិកផងដែរ»។
អស់រយៈពេលជាយូរមកហើយ អូស្ត្រាលីបារម្ភពីការកើនឡើងនៃការគំរាមកំហែងពីសំណាក់ក្រុមភេរវជនជាពិសេសក្រុមភេរវជនដែលស្ថិតក្នុងប្រទេសអូស្ត្រាលីតែម្តង។ ចាប់ពីខែកញ្ញាឆ្នាំ ២០១៤មក ប្រទេសអូស្ត្រាលីបានបង្កើនកម្រិតប្រុងប្រយ័ត្នផ្នែកសន្តិសុខដល់កម្រិតខ្ពស់បំផុតរួចទៅហើយ។ ហើយយោងតាមរបាយការណ៍ រដ្ឋាភិបាលអូស្ត្រាលី ក្នុងរយៈពេល ១៨ ខែចុងក្រោយ មានការវាយប្រហារភេរវកម្មយ៉ាងហោចណាស់៦ដងកើតឡើងនៅលើទឹកដីអូស្ត្រាលី៕
រដ្ឋាភិបាលក្រុងកង់បេរ៉ា បានប្រកាសនៅថ្ងៃ ព្រហស្បតិ៍នេះថា សមាជិកក្រុមរដ្ឋឥស្លាមឬក្រុមដែស្ហនិងជាមេខ្លោងទទួលខុសត្រូវរើសសមាជិកថ្មី Neil Prakash បានស្លាប់ក្នុងការវាយប្រហាររបស់ទាហានអាមេរិកក្នុងទឹកដីអ៊ីរ៉ាក់កាលពីថ្មីៗនេះ។
យោងតាមការផ្សាយរបស់ The Age មេខ្លោងជនជាតិអូស្ត្រាលីរូបនេះ មានជាប់សាច់ឈាមហ្វីជី និងកម្ពុជា ហើយធ្លាប់ជាអ្នកកាន់ព្រះពុទ្ធសាសនា ផងដែរ។ ការស្លាប់របស់ជនម្នាក់នេះត្រូវបានរដ្ឋាភិបាលអូស្ត្រាលីនិងអាមេរិកចាត់ទុកជាជោគជ័យដ៏ធំធេងមួយព្រោះថា Prakash ជាមនុស្សសំខាន់និងមានតួនាទីធំក្នុងការជ្រើសរើសក្រុមសកម្មប្រយុទ្ធថ្មីសម្រាប់ធ្វើសងង្គ្រាមជីហាតនេះ។ វាបង្ហាញពីភាពវិជ្ជមាននៃយុទ្ធសាស្ត្រកម្ចាត់ភេរវជនរបស់សហគមន៍អន្តរជាតិជាពិសេសអាមេរិកនិងសម្ព័ន្ធមិត្តផងដែរ។
បើតាមអគ្គរាជអាជ្ញាអូស្ត្រាលី George Brandis ទាហានអាមេរិកបានសម្លាប់ជនម្នាក់នេះក្នុងយុទ្ធនាការយោធានៅក្នុងតំបន់ Mosul កាលពីថ្ងៃ ២៩ ខែមេសាកន្លងទៅ។
លោកថា៖« Pakash ជាសមាជិកក្រុមដែស្ហដ៏មានឥទ្ធិពលម្នាក់ ហើយជននេះក៏ស្ថិតក្នុងចំណោមសមាជិកជាន់ខ្ពស់នៃក្រុមភេរវជននេះដែរ។ ជាពិសេសគេក៏បានដើរតួនាទីជាអ្នកជ្រើសរើសកម្លាំងថ្មីសម្រាប់ប្រយុទ្ធនៅអូស្ត្រាលីនិងបើកការវាយប្រហារភេរវកម្មនានា។ Prakash ក៏មានជាប់ទាក់ទងជាមួយការវាយប្រហារនៅអូស្ត្រាលីជាច្រើនដងដែរ និងអំពាវនាវឲ្យមានការវាយប្រហារប្រឆាំងសហរដ្ឋអាមេរិកផងដែរ»។
អស់រយៈពេលជាយូរមកហើយ អូស្ត្រាលីបារម្ភពីការកើនឡើងនៃការគំរាមកំហែងពីសំណាក់ក្រុមភេរវជនជាពិសេសក្រុមភេរវជនដែលស្ថិតក្នុងប្រទេសអូស្ត្រាលីតែម្តង។ ចាប់ពីខែកញ្ញាឆ្នាំ ២០១៤មក ប្រទេសអូស្ត្រាលីបានបង្កើនកម្រិតប្រុងប្រយ័ត្នផ្នែកសន្តិសុខដល់កម្រិតខ្ពស់បំផុតរួចទៅហើយ។ ហើយយោងតាមរបាយការណ៍ រដ្ឋាភិបាលអូស្ត្រាលី ក្នុងរយៈពេល ១៨ ខែចុងក្រោយ មានការវាយប្រហារភេរវកម្មយ៉ាងហោចណាស់៦ដងកើតឡើងនៅលើទឹកដីអូស្ត្រាលី៕
Tag:
អាមេរិក
Neil Prakash
អូស្ត្រាលី
© រក្សាសិទ្ធិដោយ thmeythmey.com
