អន្តរជាតិ
×![]()
គឺជាព្រឹត្តិការណ៍ប្រវត្តិសាស្ត្រមួយហើយរបស់កូរ៉េខាងជើងក្នុងរយៈពេលជិត៤ទស្សវត្សរ៍ចុងក្រោយនេះដែលរដ្ឋាភិបាលក្រុងព្យុងយ៉ាង បានរៀបចំ ដែលវាមិនមែនជាការបាញ់សាកល្បងមីស៊ីល ឬអាវុធនុយ ក្លេអ៊ែរបរមាណូ តែជាការប្រារព្ធសមាជបក្ស។
សមាជបក្សពលករនៃកូរ៉េខាងជើងដែលដឹកនាំដោយប្រធានាធិបតី និងជាលេខាបក្សកុម្មុយនីសលោក គីម ជុងអ៊ុន បានចាប់ផ្តើមនៅថ្ងៃទី០៦ ខែឧសភានេះហើយ។ សមាជដែលមានការចូលរួមពីសមាជិកបក្សប្រមាណបីនាក់នេះ គឺជាលើកដំបូងហើយដែលបក្សពលកររៀបចំឡើងក្នុងរយៈ៣៦ឆ្នាំចុងក្រោយ នេះ។
លោក គីម ជុងអ៊ុន បានអះអាងថា «ព្រឹត្តិការណ៍ប្រវត្តិសាស្ត្រនៃសមាជបក្ស នឹងសម្រេចបាននូវ ផែនការយុទ្ធសាស្ត្រមេ ដែលវានឹងពង្រឹងបន្ថែមដល់ជ័យជម្នះចុងក្រោយនៃបដិវត្តន៍យើង»។ នេះបើយោងតាមសារព័ត៌មាន CNN ដែលបានដកស្រង់ចេញពីសារព័ត៌មានជាតិកូរ៉េខាងជើង។
បើយោងតាមប្រភពព័ត៌មានដដែល សមាជបក្សពលករ បានប្រារព្ធឡើងនៅឯមជ្ឈមណ្ឌលមហាសន្និ បាតដែលគេស្គាល់ថា ជាវិមានវប្បធម៌ April 25 House of Culture។ វិមាន April 25 House of Culture គឺជាទីកន្លែងដែលអតីតមេដឹកនាំកូរ៉េខាងជើង បានប្រារព្ធសមាជបក្សជាលើកចុងក្រោយក្នុងឆ្នាំ១៩៨០ ។
អ្វីដែលជារឿងដែលគួរឲ្យភ្ញាក់ផ្អើលនោះ កូរ៉េខាងជើង ដែលត្រូវបានគេស្គាល់ថាជារដ្ឋផ្តាច់ការ និង មានការរឹតត្បិតខ្លាំងនោះ ក៏បានអញ្ជើញអ្នកសារព័ត៌មានបរទេសនាឱកាសព្រឹត្តិការណ៍នោះដែរ។ តែ ក្រុមអ្នកសារព័ត៌មានទាំងនោះ មិនត្រូវបានអនុញ្ញាតឲ្យចូលទៅក្នុងវិមាន April 25 House of Culture នោះទេ។
បើទោះបីជាគេមិនទាន់ដឹងថាលទ្ធផលនៃសមាជបក្សសម្រេចបានប៉ុណ្ណាក៏ដោយ មុនពេលនៃការបើក កិច្ចប្រជុំនោះ គណៈកម្មាធិការសម្រាប់ការបង្រួបបង្រួមសន្តិភាពកូរ៉េនៃកូរ៉េខាងជើង ក៏បានចេញ សេចក្តីថ្លែងការណ៍មួយផងដែរ។ សេចក្តីថ្លែងការណ៍នោះ បានបញ្ជាក់ថា « ថ្វីបើមនុស្សមួយចំនួន មិនទាន់ទទួលស្គាល់ឬ ទទួលស្គាល់កូរ៉េខាងជើងជាប្រទេសនុយក្លេអ៊ែរឬអត់ កូរ៉េខាងជើងក្នុងនាមជាប្រទេសនុយក្លេអ៊ែរ នៅតែបំពាក់អាវុធគ្រាប់បែកបរមាណូអ៊ីដ្រូសែនដែលមិនមានការផ្លាស់ប្តូរអ្វីឡើយ»។
ក្នុងក្រសែអ្នកវិភាគ សមាជបក្សពលករដែលដឹកនាំដោយលោក គីម ជុងអ៊ុន គ្មានអ្វីក្រៅពីការពិភាក្សា លើការអភិវឌ្ឍអាវុធនុយក្លេអ៊ែរ និងយុទ្ធសាស្ត្រដើម្បីទប់ទល់ទៅនឹងទណ្ឌកម្មរបស់សហគមន៍អន្តរជាតិដែលបានដាក់ប្រឆាំងកូរ៉េខាងជើងជាបន្តបន្ទាប់នោះ។
សូមរម្លឹកផងដែរថា ក្រុមប្រឹក្សាសន្តិសុខអង្គការសហប្រជាតិនៅថ្ងៃទី០២ ខែមីនាបានអនុម័តជាឯកច្ឆ័នលើសេចក្តីសម្រេចថ្មីមួយទៀតប្រឆាំងសកម្មភាពដ៏គឃ្លើនរបស់កូរ៉េខាងជើងក្នុងការបាញ់សាកល្បងគ្រាប់បែកមីស៊ីលតាំងពីឆ្នាំ២០១៤ និង២០១៥ និងជាពិសេសនោះការបាញ់គ្រាប់បែកបរមាណូនៅថ្ងៃទី០៦ ខែមករា និងនៅថ្ងៃទី០៧ ខែកុម្ភៈ ឆ្នាំ២០១៦នេះ។ សេចក្តីសម្រេចលេខ២២៧០ ដែលបានបញ្ញាត្តិ៥២ចំណុចនោះ ត្រូវបានចាត់ទុកថាជាទណ្ឌកម្មមួយដ៏ធ្ងន់ធ្ងរបន្ថែមលើទណ្ឌកម្មដែលបានអនុម័តដោយក្រុមប្រឹក្សាសន្តិសុខកន្លងមក៕
សមាជបក្សពលករនៃកូរ៉េខាងជើងដែលដឹកនាំដោយប្រធានាធិបតី និងជាលេខាបក្សកុម្មុយនីសលោក គីម ជុងអ៊ុន បានចាប់ផ្តើមនៅថ្ងៃទី០៦ ខែឧសភានេះហើយ។ សមាជដែលមានការចូលរួមពីសមាជិកបក្សប្រមាណបីនាក់នេះ គឺជាលើកដំបូងហើយដែលបក្សពលកររៀបចំឡើងក្នុងរយៈ៣៦ឆ្នាំចុងក្រោយ នេះ។
លោក គីម ជុងអ៊ុន បានអះអាងថា «ព្រឹត្តិការណ៍ប្រវត្តិសាស្ត្រនៃសមាជបក្ស នឹងសម្រេចបាននូវ ផែនការយុទ្ធសាស្ត្រមេ ដែលវានឹងពង្រឹងបន្ថែមដល់ជ័យជម្នះចុងក្រោយនៃបដិវត្តន៍យើង»។ នេះបើយោងតាមសារព័ត៌មាន CNN ដែលបានដកស្រង់ចេញពីសារព័ត៌មានជាតិកូរ៉េខាងជើង។
បើយោងតាមប្រភពព័ត៌មានដដែល សមាជបក្សពលករ បានប្រារព្ធឡើងនៅឯមជ្ឈមណ្ឌលមហាសន្និ បាតដែលគេស្គាល់ថា ជាវិមានវប្បធម៌ April 25 House of Culture។ វិមាន April 25 House of Culture គឺជាទីកន្លែងដែលអតីតមេដឹកនាំកូរ៉េខាងជើង បានប្រារព្ធសមាជបក្សជាលើកចុងក្រោយក្នុងឆ្នាំ១៩៨០ ។
អ្វីដែលជារឿងដែលគួរឲ្យភ្ញាក់ផ្អើលនោះ កូរ៉េខាងជើង ដែលត្រូវបានគេស្គាល់ថាជារដ្ឋផ្តាច់ការ និង មានការរឹតត្បិតខ្លាំងនោះ ក៏បានអញ្ជើញអ្នកសារព័ត៌មានបរទេសនាឱកាសព្រឹត្តិការណ៍នោះដែរ។ តែ ក្រុមអ្នកសារព័ត៌មានទាំងនោះ មិនត្រូវបានអនុញ្ញាតឲ្យចូលទៅក្នុងវិមាន April 25 House of Culture នោះទេ។
បើទោះបីជាគេមិនទាន់ដឹងថាលទ្ធផលនៃសមាជបក្សសម្រេចបានប៉ុណ្ណាក៏ដោយ មុនពេលនៃការបើក កិច្ចប្រជុំនោះ គណៈកម្មាធិការសម្រាប់ការបង្រួបបង្រួមសន្តិភាពកូរ៉េនៃកូរ៉េខាងជើង ក៏បានចេញ សេចក្តីថ្លែងការណ៍មួយផងដែរ។ សេចក្តីថ្លែងការណ៍នោះ បានបញ្ជាក់ថា « ថ្វីបើមនុស្សមួយចំនួន មិនទាន់ទទួលស្គាល់ឬ ទទួលស្គាល់កូរ៉េខាងជើងជាប្រទេសនុយក្លេអ៊ែរឬអត់ កូរ៉េខាងជើងក្នុងនាមជាប្រទេសនុយក្លេអ៊ែរ នៅតែបំពាក់អាវុធគ្រាប់បែកបរមាណូអ៊ីដ្រូសែនដែលមិនមានការផ្លាស់ប្តូរអ្វីឡើយ»។
ក្នុងក្រសែអ្នកវិភាគ សមាជបក្សពលករដែលដឹកនាំដោយលោក គីម ជុងអ៊ុន គ្មានអ្វីក្រៅពីការពិភាក្សា លើការអភិវឌ្ឍអាវុធនុយក្លេអ៊ែរ និងយុទ្ធសាស្ត្រដើម្បីទប់ទល់ទៅនឹងទណ្ឌកម្មរបស់សហគមន៍អន្តរជាតិដែលបានដាក់ប្រឆាំងកូរ៉េខាងជើងជាបន្តបន្ទាប់នោះ។
សូមរម្លឹកផងដែរថា ក្រុមប្រឹក្សាសន្តិសុខអង្គការសហប្រជាតិនៅថ្ងៃទី០២ ខែមីនាបានអនុម័តជាឯកច្ឆ័នលើសេចក្តីសម្រេចថ្មីមួយទៀតប្រឆាំងសកម្មភាពដ៏គឃ្លើនរបស់កូរ៉េខាងជើងក្នុងការបាញ់សាកល្បងគ្រាប់បែកមីស៊ីលតាំងពីឆ្នាំ២០១៤ និង២០១៥ និងជាពិសេសនោះការបាញ់គ្រាប់បែកបរមាណូនៅថ្ងៃទី០៦ ខែមករា និងនៅថ្ងៃទី០៧ ខែកុម្ភៈ ឆ្នាំ២០១៦នេះ។ សេចក្តីសម្រេចលេខ២២៧០ ដែលបានបញ្ញាត្តិ៥២ចំណុចនោះ ត្រូវបានចាត់ទុកថាជាទណ្ឌកម្មមួយដ៏ធ្ងន់ធ្ងរបន្ថែមលើទណ្ឌកម្មដែលបានអនុម័តដោយក្រុមប្រឹក្សាសន្តិសុខកន្លងមក៕
© រក្សាសិទ្ធិដោយ thmeythmey.com
