ជាតិ
×![]()
ដោយ: ម៉ៅ សុផា
រាជរដ្ឋាភិបាលកម្ពុជា នៅតែព្រួយបារម្ភចំពោះគ្រាប់បែកចង្កោម ដែលបន្សល់ពីសម័យសង្គ្រាម។ កាកសំណល់គ្រប់ផ្ទុះទាំងនោះ នៅមិនទាន់ត្រូវបានបោសសម្អាត នោះទេ ដែលជាហេតុបង្កផលប៉ះពាល់ដល់ការរស់នៅរបស់ប្រជាជនកម្ពុជាក្នុងតំបន់មួយចំនួន។ 
លោកឧត្តមសេនីយ៍ឯក ចៅ ភិរុណ អគ្គនាយកនៃអគ្គនាយកដ្ឋានសម្ភារបច្ចេកទេសនៃក្រសួងការពារជាតិ បានលើកឡើងថា គ្រាប់បែកចង្កោម គឺជាប្រភេទអាវុធផ្ទុះ ដែលបានសេសសល់តាំងពីសម័យសង្គ្រាម ជាពិសេសក្នុងអំឡុងឆ្នាំ១៩៧០និងឆ្នាំ១៩៧៥ ។ លោកថា កាកសំណល់នៃគ្រាប់បែកចង្កោម កំពុងរាតត្បាត និងប៉ះពាល់ដល់សន្តិសុខ ព្រមទាំងសុខមាលភាពរបស់ប្រជាជនកម្ពុជា នៅបណ្តាខេត្តមួយចំនួន ជាពិសេសតំបន់ដែលធ្លាប់មានសង្គ្រាមក្នុងអតីតកាល។
លោក ចៅ ភិរុណ បានបញ្ជាក់ដូច្នេះថា៖«រាជរដ្ឋាភិបាលនៅតែមានកង្វល់យ៉ាងខ្លាំង ទាក់ទិនទៅនឹងគ្រាប់បែកចង្កោម។ គ្រាប់បែកចង្កោមយ៉ាងច្រើន ត្រូវបានគេប្រើនៅលើទឹកដីកម្ពុជា ហើយគ្រាប់បែកចង្កោមទាំងនោះក៏មិនទាន់ត្រូវបានបោសសម្អាតឲ្យជ្រះស្រឡះពីភូមិសាស្ត្រ សម្រាប់ប្រកបរកស៊ីរបស់ប្រជាពលរដ្ឋ»។
លោកឧត្តមសេនីយ៍រូបនេះ បានពន្យល់ថា គ្រាប់បែកចង្កោម ជាប្រភេទគ្រាប់បែកដែលមានលក្ខណប្លែក។ លោកថា បើតាមការសិក្សាកន្លងមក គ្រាប់បែកចង្កោមដែលមាននៅកម្ពុជា ភាគច្រើនគឺជាគ្រាប់កាំភ្លើងធំផង និងគ្រាប់ទម្លាក់ផង។
យ៉ាងណាក៏ដោយ លោក ចៅ ភិរុណ មិនអាចបញ្ជាក់ថា ប្រជាពលរដ្ឋកម្ពុជាប៉ុន្មាននាក់ ដែលរងគ្រោះថ្នាក់ឬបាត់បង់អាយុជីវិតក្នុងមួយឆ្នាំៗ ដោយសារតែគ្រាប់បែកចង្កោមនោះទេ។ លោក គ្រាន់តែបកស្រាយថា តំបន់ភាគឦសាន រួមមានខេត្តព្រះវិហារ ខេត្តរតនគិរី និងខេត្តមណ្ឌលគិរី ត្រូវបានគេសន្និដ្ឋានថា ជាតំបន់ដែលមានគ្រាប់បែកចង្កោមច្រើនជាងគេ ដែលបង្កក្តីកង្វល់យ៉ាងខ្លាំងដល់ប្រជាជនក្នុងតំបន់ទាំងនោះ។
ការថ្លែងរបស់លោក ចៅ ភិរុណ ខាងលើ ធ្វើឡើងក្នុងវេទិការសាធារណក្រោមប្រធានបទ «បញ្ហាទូទាំងសាកលលោក ពាក់ព័ន្ធនឹងសំណល់គ្រាប់បែកចង្កោមនិងអនុសញ្ញាស្តីពីគ្រាប់បែកចង្កោម» ដែលប្រារព្ធនៅសណ្ឋាគារ រ៉ាហ្វល ឡឺរ៉ូយ៉ាល នាថ្ងៃទី១២ ឧសភានេះ។ ភាគីពាក់ព័ន្ធជាច្រើន រួមមាន តំណាងស្ថានទូតជប៉ុននិងតំណាងស្ថានទូតឡាវ ព្រមទាំងតំណាងអង្គការអន្តរជាតិមួយចំនួនទៀត បានចូលរួមក្នុងកម្មវិធីនេះ៕
លោកឧត្តមសេនីយ៍ឯក ចៅ ភិរុណ អគ្គនាយកនៃអគ្គនាយកដ្ឋានសម្ភារបច្ចេកទេសនៃក្រសួងការពារជាតិ បានលើកឡើងថា គ្រាប់បែកចង្កោម គឺជាប្រភេទអាវុធផ្ទុះ ដែលបានសេសសល់តាំងពីសម័យសង្គ្រាម ជាពិសេសក្នុងអំឡុងឆ្នាំ១៩៧០និងឆ្នាំ១៩៧៥ ។ លោកថា កាកសំណល់នៃគ្រាប់បែកចង្កោម កំពុងរាតត្បាត និងប៉ះពាល់ដល់សន្តិសុខ ព្រមទាំងសុខមាលភាពរបស់ប្រជាជនកម្ពុជា នៅបណ្តាខេត្តមួយចំនួន ជាពិសេសតំបន់ដែលធ្លាប់មានសង្គ្រាមក្នុងអតីតកាល។
លោក ចៅ ភិរុណ បានបញ្ជាក់ដូច្នេះថា៖«រាជរដ្ឋាភិបាលនៅតែមានកង្វល់យ៉ាងខ្លាំង ទាក់ទិនទៅនឹងគ្រាប់បែកចង្កោម។ គ្រាប់បែកចង្កោមយ៉ាងច្រើន ត្រូវបានគេប្រើនៅលើទឹកដីកម្ពុជា ហើយគ្រាប់បែកចង្កោមទាំងនោះក៏មិនទាន់ត្រូវបានបោសសម្អាតឲ្យជ្រះស្រឡះពីភូមិសាស្ត្រ សម្រាប់ប្រកបរកស៊ីរបស់ប្រជាពលរដ្ឋ»។
លោកឧត្តមសេនីយ៍រូបនេះ បានពន្យល់ថា គ្រាប់បែកចង្កោម ជាប្រភេទគ្រាប់បែកដែលមានលក្ខណប្លែក។ លោកថា បើតាមការសិក្សាកន្លងមក គ្រាប់បែកចង្កោមដែលមាននៅកម្ពុជា ភាគច្រើនគឺជាគ្រាប់កាំភ្លើងធំផង និងគ្រាប់ទម្លាក់ផង។
យ៉ាងណាក៏ដោយ លោក ចៅ ភិរុណ មិនអាចបញ្ជាក់ថា ប្រជាពលរដ្ឋកម្ពុជាប៉ុន្មាននាក់ ដែលរងគ្រោះថ្នាក់ឬបាត់បង់អាយុជីវិតក្នុងមួយឆ្នាំៗ ដោយសារតែគ្រាប់បែកចង្កោមនោះទេ។ លោក គ្រាន់តែបកស្រាយថា តំបន់ភាគឦសាន រួមមានខេត្តព្រះវិហារ ខេត្តរតនគិរី និងខេត្តមណ្ឌលគិរី ត្រូវបានគេសន្និដ្ឋានថា ជាតំបន់ដែលមានគ្រាប់បែកចង្កោមច្រើនជាងគេ ដែលបង្កក្តីកង្វល់យ៉ាងខ្លាំងដល់ប្រជាជនក្នុងតំបន់ទាំងនោះ។
ការថ្លែងរបស់លោក ចៅ ភិរុណ ខាងលើ ធ្វើឡើងក្នុងវេទិការសាធារណក្រោមប្រធានបទ «បញ្ហាទូទាំងសាកលលោក ពាក់ព័ន្ធនឹងសំណល់គ្រាប់បែកចង្កោមនិងអនុសញ្ញាស្តីពីគ្រាប់បែកចង្កោម» ដែលប្រារព្ធនៅសណ្ឋាគារ រ៉ាហ្វល ឡឺរ៉ូយ៉ាល នាថ្ងៃទី១២ ឧសភានេះ។ ភាគីពាក់ព័ន្ធជាច្រើន រួមមាន តំណាងស្ថានទូតជប៉ុននិងតំណាងស្ថានទូតឡាវ ព្រមទាំងតំណាងអង្គការអន្តរជាតិមួយចំនួនទៀត បានចូលរួមក្នុងកម្មវិធីនេះ៕
Tag:
គ្រាប់បែកចង្កោម
ចៅ ភារុណ
© រក្សាសិទ្ធិដោយ thmeythmey.com
