ពីនេះ ពីនោះ
ល្បិច«កំបាំងមេឃឆ្លងសមុទ្រ»ជោគជ័យជាទេវតា បរាជ័យជាអណ្ដើកក្នុងស្នូក
×![]()
ដោយ: ថ្មីៗ
ភ្នំពេញ៖ «កំបាំងមេឃឆ្លងសមុទ្រ» គឺជាល្បិចដែលមានការរៀបចំគម្រោងការល្អិតល្អន់ មានទិសដៅច្បាស់លាស់ដើម្បីប្រលែងលេងនិងអ្នកដទៃ។ ល្បិចនេះ តាមសុភាសិតនិយាយថាៈ ឆ្លងផុតសមុទ្រនិងក្លាយជាទេវតា។
មនុស្សម្នាក់ពេលដែលទទួលរងការគៀបសង្កត់ ឬក៏ថិតនៅក្នុងបរិយាកាសមិនអំណោយផល ហើយមានបំណងដណ្ដើមយកភាពម្ចាស់ការ ផ្លាស់ប្ដូរពីគ្រោះកាចមកគ្រោះជាវិញនោះ គឺងាយនិងកើតមានគំនិតបែប កំបាំងមេឃឆ្លងសមុទ្រនេះណាស់។ ពីព្រោះល្បិចកលនេះ គឺប្រើប្រាស់នៅពេលដែលសត្រូវភ្លេចខ្លួន ធ្វេសប្រហែសតែមួយប៉ព្រិចភ្លែកប៉ុណ្ណោះ ហើយវាមិនប្រាកដថាជាមានការគំរាមគំហែង ឬផ្ដល់គ្រោះថ្នាក់ដោយផ្ទាល់ចំពោះគូរសត្រូវនោះទេ ល្បិចនេះងាយស្រួលក្នុងការអនុវត្ត ហើយក៏ងាយទទួលផលផងដែរ។
ល្បិចនេះផ្ដើមចេញពីការបោកប្រាស ប្រសិនបើធ្វើបានសម្រេច នោះអ្នកនិងក្លាយជាទេវតា(ឈ្នះ) តែបើអនុវត្តមិនបានសម្រេច អ្នកនិងក្លាយជាអណ្ដើកក្នុងស្នូក។
អាស្រ័យហេតុនេះ នៅពេលដែលអនុវត្តល្បិចកលនេះ ត្រូវពិនិត្យឲ្យបានច្បាស់លាស់ ពិចារណាឲ្យបានដិតដល់ ធ្វើឲ្យបានរហ័ស អនុវត្តលាក់ការណ៍បំផុត បើមិនដូច្នេះទេ ពិតជាបំផ្លាញខ្លួនឯងហើយ៕
ដកស្រង់ពីសៀវភៅ៖ ល្បិចទល់មេឃ, ប្រែសម្រួលដោយ លោក គឹម ឃាង
© រក្សាសិទ្ធិដោយ thmeythmey.com
