ជាតិ
USAID សម្ពោធវីដេអូលើកដំបូងស្តីពីការផ្សះផ្សារវាងខ្មែរក្រហមនិងជនរងគ្រោះ
×![]()
ដោយ: ម៉ៅ សុផា
ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) និង អង្គការចិត្តសង្គមអន្តរវប្បធម៌ (PTO) នឹងរៀបចំសម្ភោធវីដេអូឯកសារខ្លីមួយ ស្តីអំពីវីដេអូផ្សះផ្សារវាងសមាជិកអតីតខ្មែរក្រហម និងជនរងគ្រោះនៅថ្ងៃ ទី២៣ ខែឧសភា ឆ្នាំ២០១៦ ។ ខ្សែវីដេអូនេះ នឹងបរិយាយពីដំណើរការទាំងមូលជាពិសេស លទ្ធផលដែលសម្រេចបានពីការចូលរួមរបស់ជនរងគ្រោះ។
អង្គការ PTO បានអនុវត្តកម្មវិធីស្តីពី ការសន្ទនារវាងអតីតខ្មែរក្រហម និងជនរងគ្រោះ ក្រោម គម្រោងមួយដែលមានឈ្មោះថា «ការស្វែងរកការពិត ការផ្សះផ្សា និង ការជាសះស្បើយ» ដែលទទួលបានការជ្រោមជ្រែងនិងជំនួយពីទីភ្នាក់ងារ USAID។ នេះជាលើកទី១ហើយ USAID និង PTO បានសហការគ្នា ដើម្បីផ្សព្វផ្សាយខ្សែវីដេអូ ពាក់ព័ន្ធនឹងប្រវត្តិសាស្ត្រខ្មែរ។
គោលបំណងនៃកម្មវិធី «ការសន្ទនា ការផ្សះផ្សា និងការជាសះស្បោយ» នេះគឺដើម្បីបង្កើតនូវបរិយាកាស ប្រកបដោយសុវត្ថិភាព សម្រាប់សមាជិកអតីតខ្មែរក្រហម និងជនរងគ្រោះ ដែលទំនាក់ទំនងរបស់ពួកគេត្រូវបានកាត់ផ្តាច់និងបែកបាក់ដោយសារសង្គ្រាម និងសម័យកម្ពុជាប្រជាធិបតេយ្យ។ គោលបំណងមួយទៀត គឺដើម្បីពង្រឹងសមត្ថភាពក្នុងការប្រឈមមុខជាមួយនឹងប្រវត្តិអតីតកាល ក៏ដូចជាស្វែងរកវិធីវិជ្ជមានមួយចំនួន ក្នុងការដើរទៅមុខជាមួយគ្នា។
ដូច្នេះ កម្មវិធីនេះមានគោលដៅ ក្នុងការបង្កើតឲ្យមានការយល់ពីគ្នាទៅវិញទៅមក ក៏ដូចជាពង្រឹងទំនាក់ទំនង ឲ្យបានប្រសើរជាងមុន រវាងក្រុមអតីតខ្មែរក្រហម និងជនរងគ្រោះ៕
អង្គការ PTO បានអនុវត្តកម្មវិធីស្តីពី ការសន្ទនារវាងអតីតខ្មែរក្រហម និងជនរងគ្រោះ ក្រោម គម្រោងមួយដែលមានឈ្មោះថា «ការស្វែងរកការពិត ការផ្សះផ្សា និង ការជាសះស្បើយ» ដែលទទួលបានការជ្រោមជ្រែងនិងជំនួយពីទីភ្នាក់ងារ USAID។ នេះជាលើកទី១ហើយ USAID និង PTO បានសហការគ្នា ដើម្បីផ្សព្វផ្សាយខ្សែវីដេអូ ពាក់ព័ន្ធនឹងប្រវត្តិសាស្ត្រខ្មែរ។
គោលបំណងនៃកម្មវិធី «ការសន្ទនា ការផ្សះផ្សា និងការជាសះស្បោយ» នេះគឺដើម្បីបង្កើតនូវបរិយាកាស ប្រកបដោយសុវត្ថិភាព សម្រាប់សមាជិកអតីតខ្មែរក្រហម និងជនរងគ្រោះ ដែលទំនាក់ទំនងរបស់ពួកគេត្រូវបានកាត់ផ្តាច់និងបែកបាក់ដោយសារសង្គ្រាម និងសម័យកម្ពុជាប្រជាធិបតេយ្យ។ គោលបំណងមួយទៀត គឺដើម្បីពង្រឹងសមត្ថភាពក្នុងការប្រឈមមុខជាមួយនឹងប្រវត្តិអតីតកាល ក៏ដូចជាស្វែងរកវិធីវិជ្ជមានមួយចំនួន ក្នុងការដើរទៅមុខជាមួយគ្នា។
ដូច្នេះ កម្មវិធីនេះមានគោលដៅ ក្នុងការបង្កើតឲ្យមានការយល់ពីគ្នាទៅវិញទៅមក ក៏ដូចជាពង្រឹងទំនាក់ទំនង ឲ្យបានប្រសើរជាងមុន រវាងក្រុមអតីតខ្មែរក្រហម និងជនរងគ្រោះ៕
Tag:
USAID
PTO
ប្រវត្តិសាស្រ្តខ្មែរ
© រក្សាសិទ្ធិដោយ thmeythmey.com
