ពីនេះ ពីនោះ
×![]()
ដោយ: ថ្មីៗ
ភិនភាគ៖ កន្ថឹកក្បាលឆ្នូត មានប្រវែងក្បាល និងដងខ្លួនពី ១១៥-១៣៥ម.ម កន្ទុយមានប្រវែងពី១០៥-១៣០ និងមានទម្ងន់ពី ៣៥-៥៥ក្រាម។ ប្រភេទនេះគេអាចសម្គាល់បានដោយសារវាមានច្រមុះស្រួចវែង កន្ទុយវែង និងមានរោមខ្លី។ រោមនៅលើដងខ្លួនខ្លី និងរលោង។ ខ្នងមានសម្បុរប្រផេះចាស់រហូតត្នោតចាស់ ហើយពោះ និងផ្នែកសងខាងដងខ្លួនមានពណ៌ត្នោត។ មានឆ្នូតពណ៌ខ្មៅជាច្រើនលាតចាប់ពីច្រមុះកាត់តាមក្រោមភ្នែករហូតដល់គុម្ពត្រចៀក និងមានឆ្នូតពណ៌សអបសងខាង។ សត្វឈ្មោលមានទំហំធំ និងពណ៌ភ្លឺជាងសត្វញី។ 
ជីវសាស្ត្រ៖ ប្រភេទនេះភាគច្រើនរស់នៅតាមគុម្ពោតព្រៃតូចៗ និងគុម្ពឬស្សី ព្រៃស្រោង និងព្រៃរបោះ។ វាជាសត្វរកស៊ីនៅពេលថ្ងៃ ហើយចំណីអាហាររបស់វាមានដូចជាផ្លែឈើ និងសត្វល្អិត ជាពិសេសពពួកអណ្តើកមាស និងកញ្ចែជាដើម។ ប្រភេទនេះមានការបន្លឺសម្លេងឮខ្លាំង។
រប៉ាយរស់នៅ៖ នៅប្រទេសកម្ពុជា វាមានវត្តមាននៅក្នុងខេត្តកោះកុង មណ្ឌលគីរី និងតំបន់ភូមិភាគខាងជើង។ ប្រភេទនេះក៏មានវត្តមាននៅក្នុងប្រទេសវៀតណាម ឡាវ និងថៃភាគខាងកើតផងដែរ។
ស្ថានភាពអភិរក្ស៖ គេមិនទាន់ដឹងស្ថានភាពអភិរក្ស ពួកវាពិតប្រាកដនៅឡើយទេ ក៏ប៉ុន្តែវាទំនងមិនមែន ជាប្រភេទទទួលរងការគំរាមកំហែងជាសកលនោះទេ។
© រក្សាសិទ្ធិដោយ thmeythmey.com
