ជាតិ
នយោបាយជាតិ
×![]()
ដោយ: ម៉ៅ សុផា
ភ្នំពេញ៖ គណបក្សសង្គ្រោះជាតិ កំពុងព្យាយាមរកច្រកចូលទៅកាន់តុចរចា ជាមួយគណបក្សប្រជាជនកម្ពុជា ដើម្បីដោះស្រាយជម្លោះនយោបាយ។ រីឯគណបក្សប្រជាជនកម្ពុជា ទទួលស្វាគមន៍ជានិច្ច តែទាមទារឲ្យគណបក្សសង្គ្រោះជាតិ រៀបចំសមាសភាព រួមទាំងប្រធានបទនៃការចរចាឲ្យបានច្បាស់លាស់។ 
ប្រធានគណៈកម្មាធិការនាយកនៃគណបក្សសង្គ្រោះជាតិ លោក ប៉ុល ហំម បានលើកឡើងពីគោលជំហរចាស់ថា គណបក្សរបស់លោក នៅតែគាំទ្រឲ្យមានវប្បធម៌សន្ទនា។ លោក ប៉ុល ហំម បានផ្ញើសារទៅកាន់បក្សកាន់អំណាចថា តាំងពីដើមទី រហូតមកដល់ពេលនេះ បក្សប្រឆាំង បានបង្កើតនិងត្រៀមក្រុមការងារជានិច្ច សម្រាប់ការចារចា។
ក្រៅពីអង្គុយជជែកគ្នារវាងបក្សប្រឆាំងនិងបក្សកាន់អំណាច លោក ប៉ុល ហំម ពុំមានជំនឿលើវិធានការផ្សេងឡើយ ដើម្បីធ្វើឲ្យស្ថានភាពនយោបាយ វិលទៅរកប្រក្រតីភាពដូចដើម។ មន្ត្រីជាន់ខ្ពស់បក្សប្រឆាំងរូបនេះ សង្កត់ធ្ងន់ៗថា៖«យើងយល់ថា អ្វីៗទាំងអស់អាចបញ្ចប់ ហើយអាចដំណើរការស្រួលឡើងវិញបាន ដោយការសន្ទនានេះឯង»។ ការថ្លែងរបស់លោក ប៉ុល ហំម ធ្វើឡើងចំពោះមុខអ្នកគាំទ្ររបស់ខ្លួន រួមទាំងក្រុមអ្នកសារព័ត៌មាន នៅទីសា្នក់ការកណ្តាល នាថ្ងៃទី៨ ខែមិថុនានេះ។ មន្ត្រីជាន់ខ្ពស់បក្សប្រឆាំង តែងផ្តល់ព័ត៌មាន ស្តីពីការវិវត្តស្ថានការណ៍នយោបាយ ដល់អ្នកគាំទ្រ និងអ្នកកាសែត ជារៀងរាល់ថ្ងៃ។
ទាក់ទងនឹងការលើកឡើងរបស់លោក ប៉ុល ហំម ខាងលើ លោក សុខ ឥសាន អ្នននាំពាក្យបក្សកាន់អំណាច ឆ្លើយតបបែបបើកផ្លូវថា បក្សខ្លួនមិនដែលចង្អៀតចង្អល់អ្វីឡើយ ប្រសិនបើមានសំណើសុំចរចាពីគណបក្សសង្គ្រោះជាតិ។ ប៉ុន្តែ លោក ទាមទារឲ្យបក្សប្រឆាំង រៀបចំជាលាយលក្ខណ៍អក្សរឲ្យបានត្រឹមត្រូវ ដោយក្នុងនោះត្រូវបញ្ជាក់ពីសមាសភាព និងខ្លឹមសារនៃការចរចា ផងដែរ។
ថ្លែងប្រាប់សារព័ត៌មានថ្មីៗ អ្នកនាំពាក្យបក្សកាន់អំណាចរូបនេះ បន្ថែមថា ការចរចាមិនអាចកើតឡើងទេ ប្រសិនបើបក្សប្រឆាំងប្រើតែមាត់ ដោយគ្មានលិខិតផ្លូវការនោះ។ លោកបញ្ជាក់ថា៖«បើគាត់ (បក្សប្រឆាំង) ដាក់សំណើមក យើងយកទៅពិនិត្យ ហើយឆ្លើយតបវិញភ្លាម។ គាត់និយាយតែមាត់ហ្នឹង ហើយមិនដឹងថាគាត់ចង់ចរចាពីអ្វីផង។ បើថាចរចារឿងវិបត្តិនយោបាយ កម្ពុជាដូចជាគ្មានទេ»។
ជុំវិញបញ្ហានេះ អ្នកវិភាគមួយចំនួន បានទទូចម្តងហើយម្តងទៀត ឲ្យបក្សទាំងពីរ បន្ទាបខ្លួនរកគ្នាបន្តិច ទើបជំនួបអាចកើតឡើង។ ពួកគេ យល់ថា ក្នុងកាលៈទេសៈនេះ គ្មានយន្តការណាមួយ ដែលមានប្រសិទ្ធភាពជាងវប្បធម៌សន្ទនានោះទេ៕
ប្រធានគណៈកម្មាធិការនាយកនៃគណបក្សសង្គ្រោះជាតិ លោក ប៉ុល ហំម បានលើកឡើងពីគោលជំហរចាស់ថា គណបក្សរបស់លោក នៅតែគាំទ្រឲ្យមានវប្បធម៌សន្ទនា។ លោក ប៉ុល ហំម បានផ្ញើសារទៅកាន់បក្សកាន់អំណាចថា តាំងពីដើមទី រហូតមកដល់ពេលនេះ បក្សប្រឆាំង បានបង្កើតនិងត្រៀមក្រុមការងារជានិច្ច សម្រាប់ការចារចា។
ក្រៅពីអង្គុយជជែកគ្នារវាងបក្សប្រឆាំងនិងបក្សកាន់អំណាច លោក ប៉ុល ហំម ពុំមានជំនឿលើវិធានការផ្សេងឡើយ ដើម្បីធ្វើឲ្យស្ថានភាពនយោបាយ វិលទៅរកប្រក្រតីភាពដូចដើម។ មន្ត្រីជាន់ខ្ពស់បក្សប្រឆាំងរូបនេះ សង្កត់ធ្ងន់ៗថា៖«យើងយល់ថា អ្វីៗទាំងអស់អាចបញ្ចប់ ហើយអាចដំណើរការស្រួលឡើងវិញបាន ដោយការសន្ទនានេះឯង»។ ការថ្លែងរបស់លោក ប៉ុល ហំម ធ្វើឡើងចំពោះមុខអ្នកគាំទ្ររបស់ខ្លួន រួមទាំងក្រុមអ្នកសារព័ត៌មាន នៅទីសា្នក់ការកណ្តាល នាថ្ងៃទី៨ ខែមិថុនានេះ។ មន្ត្រីជាន់ខ្ពស់បក្សប្រឆាំង តែងផ្តល់ព័ត៌មាន ស្តីពីការវិវត្តស្ថានការណ៍នយោបាយ ដល់អ្នកគាំទ្រ និងអ្នកកាសែត ជារៀងរាល់ថ្ងៃ។
ទាក់ទងនឹងការលើកឡើងរបស់លោក ប៉ុល ហំម ខាងលើ លោក សុខ ឥសាន អ្នននាំពាក្យបក្សកាន់អំណាច ឆ្លើយតបបែបបើកផ្លូវថា បក្សខ្លួនមិនដែលចង្អៀតចង្អល់អ្វីឡើយ ប្រសិនបើមានសំណើសុំចរចាពីគណបក្សសង្គ្រោះជាតិ។ ប៉ុន្តែ លោក ទាមទារឲ្យបក្សប្រឆាំង រៀបចំជាលាយលក្ខណ៍អក្សរឲ្យបានត្រឹមត្រូវ ដោយក្នុងនោះត្រូវបញ្ជាក់ពីសមាសភាព និងខ្លឹមសារនៃការចរចា ផងដែរ។
ថ្លែងប្រាប់សារព័ត៌មានថ្មីៗ អ្នកនាំពាក្យបក្សកាន់អំណាចរូបនេះ បន្ថែមថា ការចរចាមិនអាចកើតឡើងទេ ប្រសិនបើបក្សប្រឆាំងប្រើតែមាត់ ដោយគ្មានលិខិតផ្លូវការនោះ។ លោកបញ្ជាក់ថា៖«បើគាត់ (បក្សប្រឆាំង) ដាក់សំណើមក យើងយកទៅពិនិត្យ ហើយឆ្លើយតបវិញភ្លាម។ គាត់និយាយតែមាត់ហ្នឹង ហើយមិនដឹងថាគាត់ចង់ចរចាពីអ្វីផង។ បើថាចរចារឿងវិបត្តិនយោបាយ កម្ពុជាដូចជាគ្មានទេ»។
ជុំវិញបញ្ហានេះ អ្នកវិភាគមួយចំនួន បានទទូចម្តងហើយម្តងទៀត ឲ្យបក្សទាំងពីរ បន្ទាបខ្លួនរកគ្នាបន្តិច ទើបជំនួបអាចកើតឡើង។ ពួកគេ យល់ថា ក្នុងកាលៈទេសៈនេះ គ្មានយន្តការណាមួយ ដែលមានប្រសិទ្ធភាពជាងវប្បធម៌សន្ទនានោះទេ៕
Tag:
CPP
CNRP
ប៉ុល ហំម
សុខ ឥសាន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
7 ម៉ោង
