សូក្រាត ជាទស្សនវិទូដែលការពារយុត្តិធម៌ តែស្លាប់ដោយអយុត្តិធម៌

ពីនេះ ពីនោះ

សូក្រាត ជាទស្សនវិទូដែលការពារយុត្តិធម៌ តែស្លាប់ដោយអយុត្តិធម៌

11, Jun 2016 , 2:37 pm

រូបភាព

ដោយ: ថ្មីៗ

សូក្រាត (SOCRATE) ជាទស្សនវិទូដ៏ល្បីម្នាក់ ដែលត្រូវបានមនុស្សទូទៅហៅថា បិតាទស្សនវិជ្ជា។ សូក្រាត ជាមនុស្សម្នាក់ដែលស្រឡាញ់យុត្តិធម៌ និងការពារយុត្តិធម៌។ ប៉ុន្តែ សូក្រា ត្រូវជាប់ពិរុទ្ធពីបទប្រមាមើលងាយសាសនានៅឆ្នាំ ៣៩៩ ។ ហើយគាត់ត្រូវបានតុលាការវិនិច្ឆ័យទោសប្រហារជិវិត។

រយៈពេល៣០ថ្ងៃនៅក្នុងពន្ធធនាគារ សូក្រាតគ្មានទុក្ខព្រួយឡើយ។ ផ្ទុយទៅវិញ គាត់គិតតែប្រមូលអារម្មណ៍ឲ្យមូលទៅលើទស្សនវិជ្ជា។ ពេលប្រហារជិវិតសូក្រាតបានជ្រើសរើសនូវវិធីផឹកថ្នាំបំពុលសម្លាប់ខ្លួនជាជាងឲ្យគេព្យួរក។ ប្រជាជនទាំងអស់នៅក្រុងអាថែន និងសិស្សរបស់គាត់បានថ្កោលទោសចំពោះតុលាការក្រុងអាថែន ដែលបានកាត់ក្តីចំពោះរូបសូក្រាតដោយអយុត្តិធម៌។

សូក្រាត កើតនៅឆ្នាំ៤៦៩ មុនគ្រិស្តសករាជ ជិតក្រុងអាតែននៃប្រទេសក្រិច គឺកើតនៅក្រោយសង្គ្រាមនៅសាឡាមីន ១០ឆ្នាំ។ បិតាលោកឈ្មោះ សូប្រូនីស៍ ជាជាងចម្លាក់នៅអាតែន។ មាតាឈ្មោះ ហ្វេណារ៉ែត ជាឆ្មបជួយសង្គ្រោះជិវិតមនុស្សមិនរើសមុខ។ ដូច្នេះបានជាសូក្រាតតែងនិយាយថា «ម្តាយខ្ញុំជាឆ្មបសម្រាលកូន ឯខ្ញុំជាឆ្មបសម្រាលគំនិត»។
តាមឯកសាររបស់អារីស្តូ បានបញ្ជាក់ថា សូក្រាតមានភរិយាឈ្មោះ សង់ទីប និងកូន៣នាក់។ កូនរបស់សូក្រាតជាជនសាមញ្ញខាងផ្លូវបញ្ញា និងគំនិត តែគ្មានទេព្យកោសល្យដូចជាឪពុកឡើយ។

សូក្រាត ជាយុវជនដ៏ឆ្នើមម្នាក់ ដែលធ្លាប់ចូលប្រយុទ្ធក្នុងឋានៈជាទាហាននៃកងពលថ្មើរជើងនៅសមរភូមិជាច្រើនដូចជា៖ នៅស្រុកសាមួស, នៅទីប៉ូដេ និងនៅដេលីយុងជាដើម។
សូក្រាត មានវិធីបង្រៀនពីរយ៉ាងគឺ «សិល្បៈបង្កើតគំនិត និងការចំអក»។ បង្កើតគំនិត គឺចំពោះមនុស្សសាមញ្ញដែលមិនចេះអួតអាង ហើយដឹងថាខ្លួនគ្មានចេះអ្វីសោះ។ ចំណែក ការប្រើវិធីចំអក គឺចំពោះពួកសូហ្វីស (ពួកទស្សនវិជ្ជាមួយក្រុមដែលប្រឆាំង និងទស្សនវិជ្ជារបស់សូក្រាត) ដែលជាអ្នកអួតអាងមានជំនឿថា ខ្លួនមានចំណេះសកល។ ឃ្លាចំបងរបស់សូក្រាតស្តីពីទស្សនវិជ្ជាគឺ «ខ្ញុំដឹងតែមួយមុខគត់គឺ គ្មានចេះអ្វីសោះ»៕

[ដកស្រង់ពីសៀវភៅ មេរៀនសង្ខេបទស្សនវិជ្ជាថ្នាក់ទី១១ ដែលរៀបរៀងដោយសាស្ត្រាចារ្យ នង ប៊ុនហេង]