ពីនេះ ពីនោះ
×![]()
ដោយ: ថ្មីៗ
ប៉ាកកាខ្មៅ
កំណាព្យបទ ចក្រវាឡ
-គេថាស៊ីត្រាវក្តៅដល់គេ កុំពន្លិចគេ គ្រោះណាស់កុំ
ខ្ញុំចងតាមចាំកុំជេរខ្ញុំ មានរឿងតូចធំពិតជាមាន។
-គិតរឿងស៊ីត្រាវគ្រោះគួរគិត រឿងធ្វើឲ្យមិត្តពិតមានរឿង
កឿងអស់កិច្ចការជាប់គាំងកឿង ជាប់ឈ្លោះរករឿងរុកកួនជាប់។
-មិត្តប្រែជាមារារាំងមិត្ត រាប់អានគ្នាពិតគិតលែងរាប់
ជាប់ដោយគំនុំនៅងំជាប់ ប្រែលែងរករាប់ស្អប់ប្រួលប្រែ។
-ចាក់ចុចឆ្កឹះឆ្កៀលរាលដាលចាក់ កែភ្លឺឲ្យខ្វាក់សែនពូកែ
តែស្ករថែមល្បោយកាហ្វេតែ ទៅក្រុងថាស្រែមិនចង់ទៅ។
-មេនៅឆ្ងាយថាខ្សោយណាស់មេ ចុះក្រោមប្រាប់គេមេមិនចុះ
ប្រុសជួបប្រាប់ថាស្រីមានប្រុស ដឹងថាធ្វើខុសធ្វើមិនដឹង។
ភ្លេចគិតខ្លួនឯងខែងរ៉ែងភ្លេច ប្រឹងណាស់កំទេចគេខំប្រឹង
ខឹងអ្នកស៊ីត្រាវគ្រប់គ្នាខឹង កែទៅបើដឹងខ្លួនប្រឹងកែ៕
កំណាព្យបទ ចក្រវាឡ
-គេថាស៊ីត្រាវក្តៅដល់គេ កុំពន្លិចគេ គ្រោះណាស់កុំ
ខ្ញុំចងតាមចាំកុំជេរខ្ញុំ មានរឿងតូចធំពិតជាមាន។
-គិតរឿងស៊ីត្រាវគ្រោះគួរគិត រឿងធ្វើឲ្យមិត្តពិតមានរឿង
កឿងអស់កិច្ចការជាប់គាំងកឿង ជាប់ឈ្លោះរករឿងរុកកួនជាប់។
-មិត្តប្រែជាមារារាំងមិត្ត រាប់អានគ្នាពិតគិតលែងរាប់
ជាប់ដោយគំនុំនៅងំជាប់ ប្រែលែងរករាប់ស្អប់ប្រួលប្រែ។
-ចាក់ចុចឆ្កឹះឆ្កៀលរាលដាលចាក់ កែភ្លឺឲ្យខ្វាក់សែនពូកែ
តែស្ករថែមល្បោយកាហ្វេតែ ទៅក្រុងថាស្រែមិនចង់ទៅ។
-មេនៅឆ្ងាយថាខ្សោយណាស់មេ ចុះក្រោមប្រាប់គេមេមិនចុះ
ប្រុសជួបប្រាប់ថាស្រីមានប្រុស ដឹងថាធ្វើខុសធ្វើមិនដឹង។
ភ្លេចគិតខ្លួនឯងខែងរ៉ែងភ្លេច ប្រឹងណាស់កំទេចគេខំប្រឹង
ខឹងអ្នកស៊ីត្រាវគ្រប់គ្នាខឹង កែទៅបើដឹងខ្លួនប្រឹងកែ៕
Tag:
កំណាព្យ
© រក្សាសិទ្ធិដោយ thmeythmey.com
