ជាតិ
នយោបាយជាតិ
×![]()
ដោយ: ម៉ៅ សុផា
ភ្នំពេញ៖ លោក គង់ សភា និងលោក ញ៉យ ចំរើន តំណាងរាស្ត្រគណបក្សសង្គ្រោះជាតិ ដែលរងនូវអំពើហិង្សា ពីសំណាក់ជនដៃដល់មួយក្រុម នៅក្បែរវិមានរដ្ឋសភា កាលពីខែតុលា ឆ្នាំ២០១៥ កន្លងទៅ បានបន្តប្តឹងទៅសាលាឧទ្ធរណ៍។ បណ្តឹងឧទ្ធរណ៍នេះ គឺដើម្បីជំទាស់នឹងសាលក្រមរបស់សាលាដំបូងរាជធានីភ្នំពេញ ដែលសម្រេចឲ្យជនល្មើសទាំង៣នាក់ ជាប់ពន្ធនាគារ១ឆ្នាំ ដោយព្យួរទោស៣ឆ្នាំ។
លោក គង់ សភា បានប្រាប់ពីមូលហេតុថា ការសម្រេចចិត្តប្តឹងទៅកាន់សាលាឧទ្ធរណ៍នេះ គឺដោយសារតែរូបលោក និងលោក ញ៉យ ចំរើន មិនអាចទទួលយកបាន ចំពោះសាលក្រមរបស់តុលាការរាជធានីភ្នំពេញ។ លោក គង់ សភា អះអាងថា ក្រុមមេធាវីរបស់លោក បានដាក់ពាក្យប្តឹងទៅសាលាឧទ្ធរណ៍រួចហើយ កាលពីពេលថ្មីៗនេះ។ យ៉ាងណាក៏ដោយ លោក មិនទាន់អាចបញ្ជាក់បានទេថា សាលាឧទ្ធរណ៍នឹងបើកសវនាការ ដើម្បីជំនុំជម្រះលើពាក្យបណ្តឹងរបស់ពួកលោកនៅពេលណា។
ថ្លែងប្រាប់សារព័ត៌មានថ្មីៗ លោក គង់ សភា នៅតែបញ្ជាក់ដូចមុនថា ពួកលោក មិនសុខចិត្តឡើយ ចំពោះសាលក្រមរបស់តុលាការរាជធានីភ្នំពេញ។ តំណាងរាស្ត្របក្សប្រឆាំងរូបនេះ លើកឡើងថា ការផ្តន្ទាទោស មិនសមនឹងទង្វើរបស់ជនល្មើស ដែលបានប្រព្រឹត្តនោះទេ។
លោក គង់ សភា បន្តែមទៀតថា អំពើហិង្សាដែលបង្កឡើងដោយក្រុមជនល្មើស មានលក្ខណសាហាវព្រៃផ្សៃ ប៉ុនែ្តតុលាការបែរជាដាក់ទោសពួកគេ បន្តិចបន្តួចទៅវិញ។ លោកបានបញ្ជាក់បែបនេះថា៖«ការកាត់ទោសនេះ គ្រាន់តែជាការបង្ក្រប់កិច្ច ដើម្បីបិទបាំងអ្នកនៅពីក្រោយខ្នងតែប៉ុណ្ណោះ។ យើងមិនយល់ព្រមទេ»។
បើទោះបីជាព្យាយាមប្តឹងពីតុលាការជាន់ទាប រហូតដល់តុលាការជាន់ខ្ពស់ក៏ដោយ ប៉ុន្តែតំណាងរាស្ត្រទាំង២រូបនេះ ហាក់ដូចជាគ្មានសង្ឃឹមសោះឡើយ ថានឹងអាចទទួលបានយុត្តិធម៌ពីការកាន់ក្តី។ ការបន្តប្តឹងបែបនេះ គឺគ្រាន់តែធ្វើឲ្យអស់ពីលទ្ធភាព ទៅតាមនីតិវិធីប៉ុណ្ណោះ។ នេះជាការបន្ថែមរបស់លោក គង់ សភា ហើយបន្ទាប់មកលោកក៏បានសង្កត់ធ្ងន់ថា៖«ទល់តែផ្លាស់ប្តូរ ទើបយើងអាចទទួលបានយុត្តិធម៌»។
សូមរំឭកថា កាលពីថ្ងៃទី២៧ ខែឧសភា ឆ្នាំ២០១៦ តុលាការរាជធានីភ្នំពេញ បានប្រកាសសាលក្រម ដោយចោទជនទាំង៣នាក់ គឺលោក ចាយ សារិទ្ធ លោកម៉ៅ ហឿន និងលោកសុត វណ្ណនី ដែលប្រើអំពើហិង្សាលើតំណាងរាស្ត្រ ពីបទ «ប្រើអំពើហិង្សាដោយចេតនាមានស្ថានទម្ងន់ទោស» ហើយផ្តន្ទាទោសពួកគេឲ្យជាប់ពន្ធនាការចំនួន៤ឆ្នាំ តែអនុវត្តទោសតែ១ឆ្នាំប៉ុណ្ណោះ ហើយ៣ឆ្នាំទៀត ត្រូវបានព្យួរ។ ជាងនេះទៀត សាលក្រម ក៏បានកំណត់ឲ្យពិរុទ្ធជនទាំងនោះ បង់ប្រាក់ចូលរដ្ឋ (ផ្នែកព្រហ្មទណ្ឌ) ចំនួន៦លានរៀល ក្នុងម្នាក់ៗ ហើយផ្តល់សំណងរួមគ្នា (ផ្នែករដ្ឋប្បវេណី) ចំនួន៨០លានរៀល ជូនលោក គង់ សភា និងលោក ញ៉យ ចំរើន ដែលជាជនរងគ្រោះ៕
លោក គង់ សភា បានប្រាប់ពីមូលហេតុថា ការសម្រេចចិត្តប្តឹងទៅកាន់សាលាឧទ្ធរណ៍នេះ គឺដោយសារតែរូបលោក និងលោក ញ៉យ ចំរើន មិនអាចទទួលយកបាន ចំពោះសាលក្រមរបស់តុលាការរាជធានីភ្នំពេញ។ លោក គង់ សភា អះអាងថា ក្រុមមេធាវីរបស់លោក បានដាក់ពាក្យប្តឹងទៅសាលាឧទ្ធរណ៍រួចហើយ កាលពីពេលថ្មីៗនេះ។ យ៉ាងណាក៏ដោយ លោក មិនទាន់អាចបញ្ជាក់បានទេថា សាលាឧទ្ធរណ៍នឹងបើកសវនាការ ដើម្បីជំនុំជម្រះលើពាក្យបណ្តឹងរបស់ពួកលោកនៅពេលណា។
ថ្លែងប្រាប់សារព័ត៌មានថ្មីៗ លោក គង់ សភា នៅតែបញ្ជាក់ដូចមុនថា ពួកលោក មិនសុខចិត្តឡើយ ចំពោះសាលក្រមរបស់តុលាការរាជធានីភ្នំពេញ។ តំណាងរាស្ត្របក្សប្រឆាំងរូបនេះ លើកឡើងថា ការផ្តន្ទាទោស មិនសមនឹងទង្វើរបស់ជនល្មើស ដែលបានប្រព្រឹត្តនោះទេ។
លោក គង់ សភា បន្តែមទៀតថា អំពើហិង្សាដែលបង្កឡើងដោយក្រុមជនល្មើស មានលក្ខណសាហាវព្រៃផ្សៃ ប៉ុនែ្តតុលាការបែរជាដាក់ទោសពួកគេ បន្តិចបន្តួចទៅវិញ។ លោកបានបញ្ជាក់បែបនេះថា៖«ការកាត់ទោសនេះ គ្រាន់តែជាការបង្ក្រប់កិច្ច ដើម្បីបិទបាំងអ្នកនៅពីក្រោយខ្នងតែប៉ុណ្ណោះ។ យើងមិនយល់ព្រមទេ»។
បើទោះបីជាព្យាយាមប្តឹងពីតុលាការជាន់ទាប រហូតដល់តុលាការជាន់ខ្ពស់ក៏ដោយ ប៉ុន្តែតំណាងរាស្ត្រទាំង២រូបនេះ ហាក់ដូចជាគ្មានសង្ឃឹមសោះឡើយ ថានឹងអាចទទួលបានយុត្តិធម៌ពីការកាន់ក្តី។ ការបន្តប្តឹងបែបនេះ គឺគ្រាន់តែធ្វើឲ្យអស់ពីលទ្ធភាព ទៅតាមនីតិវិធីប៉ុណ្ណោះ។ នេះជាការបន្ថែមរបស់លោក គង់ សភា ហើយបន្ទាប់មកលោកក៏បានសង្កត់ធ្ងន់ថា៖«ទល់តែផ្លាស់ប្តូរ ទើបយើងអាចទទួលបានយុត្តិធម៌»។
សូមរំឭកថា កាលពីថ្ងៃទី២៧ ខែឧសភា ឆ្នាំ២០១៦ តុលាការរាជធានីភ្នំពេញ បានប្រកាសសាលក្រម ដោយចោទជនទាំង៣នាក់ គឺលោក ចាយ សារិទ្ធ លោកម៉ៅ ហឿន និងលោកសុត វណ្ណនី ដែលប្រើអំពើហិង្សាលើតំណាងរាស្ត្រ ពីបទ «ប្រើអំពើហិង្សាដោយចេតនាមានស្ថានទម្ងន់ទោស» ហើយផ្តន្ទាទោសពួកគេឲ្យជាប់ពន្ធនាការចំនួន៤ឆ្នាំ តែអនុវត្តទោសតែ១ឆ្នាំប៉ុណ្ណោះ ហើយ៣ឆ្នាំទៀត ត្រូវបានព្យួរ។ ជាងនេះទៀត សាលក្រម ក៏បានកំណត់ឲ្យពិរុទ្ធជនទាំងនោះ បង់ប្រាក់ចូលរដ្ឋ (ផ្នែកព្រហ្មទណ្ឌ) ចំនួន៦លានរៀល ក្នុងម្នាក់ៗ ហើយផ្តល់សំណងរួមគ្នា (ផ្នែករដ្ឋប្បវេណី) ចំនួន៨០លានរៀល ជូនលោក គង់ សភា និងលោក ញ៉យ ចំរើន ដែលជាជនរងគ្រោះ៕
Tag:
គង់ សភា
ញ៉យ ចំរើន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ម៉ោង
