ក្រសួងដែនដីពិនិត្យលទ្ធភាពសង់អគារប៊ូឌីញស ឡើងវិញ

ជាតិ

ក្រសួងដែនដីពិនិត្យលទ្ធភាពសង់អគារប៊ូឌីញស ឡើងវិញ

17, Jun 2016 , 5:00 pm

រូបភាព

ដោយ: ថ្មីៗ

ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ កំពុងពិនិត្យលទ្ធភាពសង់អគារប៊ូឌីញ ស ឡើងវិញ។ នេះបើតាមទំព័រហ្វេសប៊ុកក្រសួងដែន។

បើតាមទំព័រហ្វេសប៊ុកក្រសួងដែនដី ប្រតិភូក្រសួងដែនដី គមនាគមន៍ និងទេសចរណ៍ជប៉ុន និងប្រតិភូក្រសួងរៀបចំដែនដី នគរូនីយកម្ម និងសំណង់ ព្រមទាំងប្រតិភូសាលារាជធានីភ្នំពេញ បានចុះពិនិត្យទីតាំងអគារបូឌីញស នៅថ្ងៃទី១៧ ខែមិថុនា ឆ្នាំ ២០១៦ ដើម្បីពិនិត្យលទ្ធភាពធ្វើកិច្ចសហប្រតិបត្តការក្នុងការអភិវឌ្ឍន៍សាងសង់អគារឡើងវិញ។ យ៉ាងណា ក្រសួងពុំបញ្ជាក់ពីកាលបរិច្ឆេទជាក់លាក់ ក្នុងសាងសង់អគារចាស់ទ្រុឌទ្រោម ក្នុងរាជធានីភ្នំពេញមួយនេះ ឡើងវិញនៅឡើយ។

អគារប៊ូឌីញសត្រូវបានសង់ឡើងសម្រាប់ពលរដ្ឋមានចំណូលទាប និងមធ្យម នៅរាជធានីភ្នំពេញ កាលពីឆ្នាំ ១៩៦៣។ វាត្រូវបានរចនាដោយស្ថាបត្យករខ្មែរលោក លូ បានហាប់ ជាមួយនឹងស្ថាបត្យករ រុស្ស៊ី លោក Vladminir Bodiansky៕