ក្រុមបាល់ទាត់យុវជនជម្រើសជាតិកម្ពុជាអាយុក្រោម១៦ឆ្នាំ (U-16) ចំនួន២៣រូបដែលមកពីក្លិបចំនួន៣ ចេញដំណើរទៅហ្វឹកហាត់ និងប្រកួតមិត្តភាពនៅប្រទេសថៃ ដើម្បីត្រៀមប្រកួតដណ្តើមពានរង្វាន់ AFF U-16 Championship 2016 ដែលកម្ពុជានឹងធ្វើជាម្ចាស់ផ្ទះ។ ក្រុម U-16 របស់កម្ពុជាចេញដំណើរនៅព្រឹកថ្ងៃទី១៩ ខែមិថុនា នេះ។
យុវជនជម្រើសជាតិកម្ពុជាអាយុក្រោម១៦ឆ្នាំ U-16 ចំនួន២៣នាក់បានចេញដំណើរនៅព្រឹកនេះ ដើម្បីទៅហ្វឹកហាត់ នឹងប្រកួតមិត្តភាពនៅថៃ សម្រាប់ត្រៀមប្រកួតដណ្តើមពានរង្វាន់ជើងឯកអាស៊ានយុវជនអាយុក្រោម១៦ឆ្នាំ ប្រចាំឆ្នាំ២០១៦ AFF U-16 Championship 2016 ដែលកម្ពុជានឹងធ្វើជាម្ចាស់ផ្ទះ។ ក្រុមយុវជនអាយុក្រោម១៦ឆ្នាំ U-16 របស់កម្ពុជា និងធ្វើការប្រកួតមិត្តភាពជាមួយក្រុមយុវជនអាយុក្រោម១៦ឆ្នាំ U-16 ថៃ នាថ្ងៃទី២៤ ខែមិថុនា ខាងមុខនេះ។
ក្រុមយុវជនទាំង២៣នាក់ដែលចេញដំណើរនៅថ្ងៃនេះមកពីក្លិបចំនួន៣ក្នុងនោះ សាលាបាល់ទាត់ជាតិមានចំនួន ១៦នាក់ ក្លិបភ្នំពេញក្រោន៦នាក់ និងក្លិបព្រះខ័នរាជស្វាយរៀងចំនួនម្នាក់។
កីឡាករទាំង២៣នាក់នោះរូមមាន៖
-សាលាបាល់ទាត់ជាតិ៖ (ទេស សម្បត្តិ, ផាច់ សុជាវីឡា, គង់ ចាន់សិរិសា, គង់ រ៉ាហ្វាត, ទុន ស៊ុមឆៃ, សៀង ចាន់ធា, សាន គីមហេង, ទៀត គីមហេង, ឡុង ម៉េងហាវ, ត្រាយ វិចិត្រ, សៀន សុភ័ត្ត្រា, ហុល គឹមហ៊ុយ, រ័ត្ន ប៉ុនណូ, ឈឿង វិស្ណុ, ហេង ទីណា និងកីឡាករ សៀត ម៉ាន់សូត)។
-ភ្នំពេញក្រោន៖ (យ៉ើ សាហ្វី, វ៉ាត សំណាង, ម៉ៅ ពិសិដ្ឋ, យ៉េត ចិត្រា, សុខ បញ្ញា និងកីឡាករស៊ីន កក្កដា)។
-ព្រះខ័នរាជស្វាយរៀង៖ (កីឡាករ តាន់ រិទ្ធិវិវឌ្ឍន៍)៕