អាមេរិក៖ ទិញរថយន្តជជុះមួយគ្រឿង ទទួលបានកាំភ្លើងមួយដើមដោយឥតគិតថ្លៃ

អន្តរជាតិ

អាមេរិក៖ ទិញរថយន្តជជុះមួយគ្រឿង ទទួលបានកាំភ្លើងមួយដើមដោយឥតគិតថ្លៃ

21, Jun 2016 , 8:59 pm

រូបភាព

ដោយ: ធីតា

« ជាវរថយន្តមួយគ្រឿង ទទួលបានកាំភ្លើងមួយដើម » នេះជាពាក្យឃោសនាផ្សព្វផ្សាយដែលត្រូវបានឃ្លាំងលក់រថយន្តជជុះ Hagan’s Motor Pool នៅរដ្ឋ New Hampshire សហរដ្ឋអាមេរិកបង្ហោះនៅផ្នែកខាងលើនៃទំព័រហ្វេសប៊ុករបស់ខ្លួន។ កាំភ្លើងប្រភេទ AR-១៥ នឹងត្រូវផ្តល់ជូនគ្រប់អតិថិជន។ វាគឺជាកាំភ្លើងប្រភេទតែមួយជាមួយនឹងខ្មាំងកាំភ្លើងដែលបានបាញ់រះនៅក្នុងក្លឹបមួយនៃទីក្រុង Orlando រដ្ឋហ្លូរីដា កាលពីថ្ងៃទី ១២ មិថុនាកន្លងទៅនេះ។ ការបាញ់រះនេះបានបណ្តាលឲ្យមនុស្សស្លាប់ ៤៩ នាក់ និងអ្នករងរបួស ៥៣ នាក់។

កម្មវិធីពិសេសនេះបានចាប់ផ្តើមកាលពីដើមខែឧសភា ពោលគឺមុនសោកនាដកម្មនេះ។ ការឃោសនានេះនឹងត្រូវបញ្ចប់នៅដំណាច់ខែសីហានេះ ចំពោះការជាវរថយន្តជជុះម៉ូដមួយចំនួន។ ឃ្លាំងលក់រថយន្តនេះបានសហការជាមួយហាងលក់កាំភ្លើង Renaissance Firearms នៅទីក្រុង Rochester ដោយប្រគល់ភារៈឲ្យហាងនេះក្នុងការផ្តល់កាំភ្លើង ផ្ទៀងផ្ទាត់ប្រវត្តិរបស់អតិថិជន និងបំពេញឯកសារតាមផ្លូវច្បាប់។

ការផ្តល់ជូនកាំភ្លើងដោយងាយៗនេះនាំឲ្យមានមតិគាំទ្រ និងជំទាស់នៅលើទំព័រហ្វេសបុករបស់ Hagan’s Motor Pool ។ អ្នកខ្លះយល់ថា គួរតែមានការរឹតបន្តឹងខ្លាំងជាងមុនចំពោះការប្រើប្រាស់អាវុធ។ លោក Mike Hagan ម្ចាស់ឃ្លាំងបានប្រាប់គេហទំព័រ Fox 25 ថា មកទល់ពេលនេះ មានកាំភ្លើង AR-15s ចំនួន ៤ និងកាំភ្លើងដៃ ៩ មីលីម៉ែត្រមួយដើមត្រូវបានផ្តល់ជូនអតិថិជនហើយ។ គេហទំព័រនេះបានសួរលោកថា តើលោកមិនបារម្ភថា អាវុធទាំងនេះអាចនឹងយកទៅប្រើប្រាស់ក្នុងអំពើឧក្រិដ្ឋកម្មទេឬ។ លោកបានឆ្លើយតបថា អ្វីៗអាស្រ័យលើថា តើមនុស្សមានបំណងធ្វើឬយ៉ាងណាប៉ុណ្ណោះ៕

ប្រភព៖ Boston

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

6 ថ្ងៃ

ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...

7 ថ្ងៃ

«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?

ភ្នំពេញ 1 ថ្ងៃ

តើពាក្យងារជា «សម្តេច» មានន័យដូចម្តេច?

3 ថ្ងៃ

រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា

2 ថ្ងៃ

អត្ថបទពេញនិយមបន្ថែម