ជាតិ
×![]()
ដោយ: ថ្មីៗ
នៅក្នុងក្រមព្រហ្មទណ្ឌរបស់កម្ពុជា បានកំណត់បទល្មើស ៤ ប្រភេទ ដែលចាត់ចូលជាអំពើបំពានផ្លូវភេទ ទី ១ បទល្មើសរំលោភសេធសន្ថវៈ ទី ២ បទល្មើសប្រទូស្តកេរខ្មាស ទី ៣ បទល្មើសបង្ហាញកេរភេទ និងទី ៤ បទរុកកួនខាងផ្លូវភេទ។ ខាងក្រោមនេះ ជាការការពន្យល់ដោយសង្ខេបអំពីបទល្មើសទាំង ៤ ខាងលើ ដែលចាត់ជាទង្វើបំពានផ្លូវភេទ។
ទី ១ បទរំលោភសេពសន្ថវៈ
បទរំលោភសេពសន្ថវៈ គឺសំដៅទៅលើរាល់អំពើបញ្ចូលអង្គជាត(លិង្គ ឬយោនី) តាមបែបណាក៏ដោយ ឬអំពើបញ្ចូលឧបករណ៍ណាមួយទៅក្នុងអង្គជាត ដែលប្រព្រឹត្តទៅលើអ្នកទៃ ទោះបីមានភេទដូចគ្នា ឬមិនដូចគ្នាក៏ដោយ ដោយការប្រើហិង្សា ការបង្ខិតបង្ខំ ការគំរាមកំហែង ឬ ដោយការឆ្មក់ឱកាស គឺជាបទរំលោភសេពសន្ថវៈ។ បទល្មើសនេះ មានចែងនៅក្នុងមាត្រា ២៣៥ ហើយត្រូវផ្តន្ទាទោសពី ៥ ឆ្នាំ ដល់ ១០ ឆ្នាំ។
ទី ២ បទប្រទូស្តកេរខ្មាស
ក្នុងក្រហ្មទណ្ឌកម្ពុជា មាត្រា ២៤៦ ពន្យល់ថា គ្រប់អំពើប៉ះពាល់ ស្ទាប អង្អែរកេរភេទ ឬផ្នែកភេទផ្សេងទៀតរបស់បុគ្គលដទៃ តែបុគ្គលនោះ មិនស្ម័គ្រផងទេ ឬ បង្ខំបង្គលដទៃឲ្យប្រព្រឹត្តអំពើនេះមកលើខ្លួន ឬទៅលើតតិយបុគ្គល ( បុគ្គលទី ៣) ក្នុងគោលបំណងធ្វើឲ្យរំជួល ឬរីករាយដល់ចំណង់ផ្លូវភេទរបស់ជនល្មើស គឺជាអំពើប្រទូស្តកេរខ្មាស។ អំពើប្រទូស្តកេរខ្មាសត្រូវផ្តន្ទាទោសដាក់ពន្ធនាគារពី ១ ឆ្នាំ ទៅ ៣ ឆ្នាំ និងពិន័យជាប្រាក់ពី ពីរលានដល់ ៦ លានរៀល។ ហើយក្នុងករណីខ្លះបទល្មើសនេះ មានស្ថានទម្ងន់ទោសបន្ថែមទៀត ពីពីរឆ្នាំ ដល់ប្រាំឆ្នាំ ដូចជាករណី អំពើនេះប្រព្រឹត្ត ដោយបុគ្គលដែលរំលោភអំណាច ដែលមុខងាររបស់ខ្លួនប្រគល់ឲ្យ ជាដើម។
ទី ៣ បទបង្ហាញកេរភេទ
បទល្មើសនេះ គឺសំដៅទៅលើអំពើបង្ហាញកេរភេទដែលនាំឲ្យអ្នកដទៃមើលឃើញ នៅក្នុងទីកន្លែងមួយដែលសាធារណជនអាចមើលឃើញ ត្រូវផ្តន្ទាទោសពី ៦ ថ្ងៃ ទៅ ៣ ខែ និងពិន័យជាប្រាក់ ពី១ សែនទៅ ៥ សែនរៀល។
ទី ៤ បទរុកកួនខាងផ្លូវភេទ
អំពើរុកកួនខាងផ្លូវភេទ គឺជាអំពើដែលបុគ្គលម្នាក់រំលោភអំណាច ដែលមុខងាររបស់ខ្លួនបុគ្គលឲ្យ ហើយយកអំណាចនោះទៅគាបសង្កត់ម្តងហើយ ម្តងទៀតទៅលើអ្នកដទៃ ក្នុងគោលបំណងទទួលការអនុគ្រោះខាងផ្លូវភេទ។ អំពើរុកកួនខាងផ្លូវភេទ ត្រូវផ្តន្ទាទោស ដាក់ពន្ធនាគារពី ៦ ប្រាំមួយថ្ងៃ ដល់ ៣ ខែ និងពិន័យ១ សែន ដល់ ៥ សែនរៀល។ បទល្មើសនេះ មានចែងនៅក្នុងមាត្រា ២៥០ នៃក្រមដដែល៕
ទី ១ បទរំលោភសេពសន្ថវៈ
បទរំលោភសេពសន្ថវៈ គឺសំដៅទៅលើរាល់អំពើបញ្ចូលអង្គជាត(លិង្គ ឬយោនី) តាមបែបណាក៏ដោយ ឬអំពើបញ្ចូលឧបករណ៍ណាមួយទៅក្នុងអង្គជាត ដែលប្រព្រឹត្តទៅលើអ្នកទៃ ទោះបីមានភេទដូចគ្នា ឬមិនដូចគ្នាក៏ដោយ ដោយការប្រើហិង្សា ការបង្ខិតបង្ខំ ការគំរាមកំហែង ឬ ដោយការឆ្មក់ឱកាស គឺជាបទរំលោភសេពសន្ថវៈ។ បទល្មើសនេះ មានចែងនៅក្នុងមាត្រា ២៣៥ ហើយត្រូវផ្តន្ទាទោសពី ៥ ឆ្នាំ ដល់ ១០ ឆ្នាំ។
ទី ២ បទប្រទូស្តកេរខ្មាស
ក្នុងក្រហ្មទណ្ឌកម្ពុជា មាត្រា ២៤៦ ពន្យល់ថា គ្រប់អំពើប៉ះពាល់ ស្ទាប អង្អែរកេរភេទ ឬផ្នែកភេទផ្សេងទៀតរបស់បុគ្គលដទៃ តែបុគ្គលនោះ មិនស្ម័គ្រផងទេ ឬ បង្ខំបង្គលដទៃឲ្យប្រព្រឹត្តអំពើនេះមកលើខ្លួន ឬទៅលើតតិយបុគ្គល ( បុគ្គលទី ៣) ក្នុងគោលបំណងធ្វើឲ្យរំជួល ឬរីករាយដល់ចំណង់ផ្លូវភេទរបស់ជនល្មើស គឺជាអំពើប្រទូស្តកេរខ្មាស។ អំពើប្រទូស្តកេរខ្មាសត្រូវផ្តន្ទាទោសដាក់ពន្ធនាគារពី ១ ឆ្នាំ ទៅ ៣ ឆ្នាំ និងពិន័យជាប្រាក់ពី ពីរលានដល់ ៦ លានរៀល។ ហើយក្នុងករណីខ្លះបទល្មើសនេះ មានស្ថានទម្ងន់ទោសបន្ថែមទៀត ពីពីរឆ្នាំ ដល់ប្រាំឆ្នាំ ដូចជាករណី អំពើនេះប្រព្រឹត្ត ដោយបុគ្គលដែលរំលោភអំណាច ដែលមុខងាររបស់ខ្លួនប្រគល់ឲ្យ ជាដើម។
ទី ៣ បទបង្ហាញកេរភេទ
បទល្មើសនេះ គឺសំដៅទៅលើអំពើបង្ហាញកេរភេទដែលនាំឲ្យអ្នកដទៃមើលឃើញ នៅក្នុងទីកន្លែងមួយដែលសាធារណជនអាចមើលឃើញ ត្រូវផ្តន្ទាទោសពី ៦ ថ្ងៃ ទៅ ៣ ខែ និងពិន័យជាប្រាក់ ពី១ សែនទៅ ៥ សែនរៀល។
ទី ៤ បទរុកកួនខាងផ្លូវភេទ
អំពើរុកកួនខាងផ្លូវភេទ គឺជាអំពើដែលបុគ្គលម្នាក់រំលោភអំណាច ដែលមុខងាររបស់ខ្លួនបុគ្គលឲ្យ ហើយយកអំណាចនោះទៅគាបសង្កត់ម្តងហើយ ម្តងទៀតទៅលើអ្នកដទៃ ក្នុងគោលបំណងទទួលការអនុគ្រោះខាងផ្លូវភេទ។ អំពើរុកកួនខាងផ្លូវភេទ ត្រូវផ្តន្ទាទោស ដាក់ពន្ធនាគារពី ៦ ប្រាំមួយថ្ងៃ ដល់ ៣ ខែ និងពិន័យ១ សែន ដល់ ៥ សែនរៀល។ បទល្មើសនេះ មានចែងនៅក្នុងមាត្រា ២៥០ នៃក្រមដដែល៕
Tag:
ផ្លូវភេទ
រំលោភពសេពសន្ថវៈ
ច្បាប់
© រក្សាសិទ្ធិដោយ thmeythmey.com
