Euro 2016៖ អាល្លឺម៉ង់ឈ្នះអ៊ីតាលីលើកដំបូងបំផុតក្នុងការប្រកួតព្រឹត្តិការណ៍ធំ

កីឡាអន្តរជាតិ

អន្តរជាតិ

Euro 2016៖ អាល្លឺម៉ង់ឈ្នះអ៊ីតាលីលើកដំបូងបំផុតក្នុងការប្រកួតព្រឹត្តិការណ៍ធំ

03, Jul 2016 , 10:39 am

រូបភាព

ដោយ: ថ្មីៗ

ក្រុមកីឡាបាល់ទាត់ជម្រើសជាតិអាល្លឺម៉ង់បានឈានទៅវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ Euro 2016 បន្ទាប់ពីពួកគេទទួលបានជ័យជម្នះដ៏តឹងតែងមួយលើអ៊ីតាលី នៅទីក្រុង Bordeaux កាលពីរាត្រីថ្ងៃសៅរ៍។ ជំនួបរវាងក្រុមទាំងពីរបានបញ្ចប់ក្នុងលទ្ធផលស្មើ ១-១ ហើយអាល្លឺម៉ង់ឈ្នះ ៦-៥ ក្រោយការទាត់បាល់ប៉េណាល់ទីម្ខាងចំនួន៩គ្រាប់។

--
ការប្រកួតឈានដល់នាទី៦៥ Mesut Ozil រកគ្រាប់បញ្ចូលទីនាំមុខសម្រាប់អាល្លឺម៉ង់ ប៉ុន្តែនៅនាទី៧៨ Leonardo Bonucci បានស៊ុតបាល់ប៉េណាល់ទីតាមស្មើ ១-១ សម្រាប់អ៊ីតាលី។ ការប្រកួតឈានដល់ការបន្ថែមម៉ោង១៥នាទីពីរដង ប៉ុន្តែមិនមានការស៊ុតបញ្ចូលទីថែមនោះឡើយ។

ឈានដល់គ្រាប់បាល់ប៉េណាល់ទីសម្រេចក្តី ក្រុមទាំងពីរបានស៊ុតគ្នាទៅវិញទៅមកដោយម្ចាងមានរហូតដល់ទៅ៩លើក។ អាល្លឺម៉ង់បានជោគជ័យជាមួយលទ្ធផល ៦-៥ ។ សម្រាប់អាល្លឺម៉ង់ Toni Kroos, Julian Draxler, Mats Hummels, Joshua Kimmich, Jerome Boateng និង Jonas Hector ធ្វើបានសម្រេច ខណៈ Thomas Muller, Mesut Ozil និង Bastian Schweinsteiger បានខកឱកាស។ សម្រាប់អ៊ីតាលី Lorenzo Insigne, Andrea Barzagli, Emanuele Giaccherini, Marco Parolo និង Mattia De Sciglio បានសម្រេចផល ប៉ុន្តែកីឡាករ៤រូប រួមមាន Simone Zaza, Graziano Pelle, Leonardo Bonucci និង Matteo Darmian ស៊ុតមិនចូលទី។

នេះជាជ័យជម្នះលើកដំបូងរបស់អាល្លឺម៉ង់ក្នុងចំណោមការប្រកួតក្នុងព្រឹត្តិការណ៍ធំៗចំនួន៩លើកជាមួយអ៊ីតាលី។ អាល្លឺម៉ង់ឡើងទៅកាន់វគ្គពាក់កណ្តាលផ្តាច់ព្រ័ត្រដោយរង់ចាំមើលលទ្ធផលនៃជំនួបរវាងម្ចាស់ផ្ទះបារាំង និងអ៊ីស្លង់ នារាត្រីនេះ៕

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

7 ថ្ងៃ

ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...

1 សប្តាហ៍

«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?

ភ្នំពេញ 2 ថ្ងៃ

តើពាក្យងារជា «សម្តេច» មានន័យដូចម្តេច?

4 ថ្ងៃ

រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា

3 ថ្ងៃ

អត្ថបទពេញនិយមបន្ថែម