អន្តរជាតិ
អ្នកឆ្ពិនភ្នែកម្នាក់ភ្លាត់ស្នៀតធ្វើឲ្យពិធីការិនីត្រូវរបួសក្នុងកម្មវិធីផ្សាយបន្តផ្ទាល់
×![]()
ដោយ: ធីតា
ក្នុងលោកនេះ តើពិតជាមានមនុស្សចេះវេទមន្តមែនឬ ? បើចេះប្រើវេទមន្ត ពិតជាមិនអាចមានការភ្លាត់ស្នៀតទេ ប៉ុន្តែ បើជាវិជ្ជាឆ្ពិនភ្នែក គឺពិតជាអាចភ្លាត់ស្នៀត។ បុរសម្នាក់ដែលចេះវិជ្ជាឆ្ពិនភ្នែក ត្រូវបានស្ថានីយ៍ទូរទស្សន៍មួយរបស់ប៉ូឡូញអញ្ជើញឲ្យមកសម្តែងនៅក្នុងកម្មវិធីផ្សាយបន្តផ្ទាល់មួយ។ ជាអកុសកល នៅថ្ងៃនោះ វិជ្ជាឆ្ពិនភ្នែករបស់គាត់ហាក់ដូចជាប្រើការមិនបានទេ ទើបធ្វើឲ្យពិធីការិនីម្នាក់ត្រូវរបួសបាតដៃយ៉ាងធ្ងន់ធ្ងរ។
វាជាការសម្តែងមួយដ៍មានគ្រោះថ្នាក់។ បុរសបានដាក់ដែកដ៏មុតស្រួចមួយនៅក្នុងថង់ក្រដាសមួយក្នុងចំណោមថង់ចំនួន ៤ ដែលដាក់នៅលើតុ។ គាត់អះអាងថា អាចធ្វើឲ្យដែកស្រួចនោះបាត់ពីក្នុងថង់បាន ដោយមិនចាំបាច់ប៉ះថង់ទេ។ គាត់បានស្នើឲ្យពិធីការិនីយកដៃវ៉ៃថង់នោះ។ ពិធីការិនីស្ទាក់ស្ទើរ តែនៅទីបំផុតក៏យល់ព្រមធ្វើតាមសំណូមពរ។ នាងយកបាតដៃវ៉ៃថង់ពេញមួយទំហឹង។ រំពេចនោះ ពិធីការិនីស្រែកថ្ងូរដោយការឈឺចាប់ ឈាមក៏ហូរចេញមក។ ដែកគោលបានមុតយ៉ាងជ្រៅចូលក្នុងបាតដៃរបស់នាង។
កម្មវិធីត្រូវផ្អាកទាំងស្រុងភ្លាមៗ ដោយសារតែពិធីការិនីត្រូវបញ្ជូនទៅកាន់មន្ទីរពេទ្យ។ ភ្លាត់ស្នៀតពេលណាមិនភ្លាត់ បែរជាមកចំពេលផ្សាយបន្តផ្ទាល់ទៅវិញ៕
ប្រភព៖ Direct Matin
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
12 ម៉ោង
