អន្តរជាតិ
×![]()
ដោយ: ធីតា
សម្រាប់វប្បធម៌ចិន លេខ ៨ គឺជាលេខនាំសំណាង។ ពាណិជ្ជករជនជាតិចិនម្នាក់បានចំណាយប្រាក់ដ៏ច្រើនដើម្បីទិញស្លាកលេខដែលមានលេខ ៨ ទាំងអស់ ដោយជឿថា លេខនេះនឹងនាំឲ្យអាជីវកម្មរបស់គាត់ដំណើរការទៅមុខកាន់តែប្រសើរ។ ប៉ុន្តែ ស្លាកលេខនាំសំណាង Gui K 88888 បែរជាទាក់ទាញប៉ូលិសចរាចរណ៍ឲ្យហៅគាត់ដល់ទៅ ៨ ដងក្នុងថ្ងៃតែមួយ។
លោក Kai Long មកពីក្រុង Zhenzhou ប្រទេសចិន ជាម្ចាស់ក្រុមហ៊ុនដឹកជញ្ជូនផ្លែឈើ ហ៊ានចំណាយលុយដល់ទៅជាង ១០ ម៉ឺនដុល្លារទិញស្លាកលេខនាំសំណាងនេះសម្រាប់រថយន្តថ្មីរបស់គាត់ដែលមានតម្លៃប្រមាណត្រឹមតែ ៤ ៤០០ ដុល្លារប៉ុណ្ណោះ។ គ្រាន់តែបំពាក់ស្លាកលេខនេះនៅថ្ងៃដំបូង គាត់ត្រូវប៉ូលិសហៅម្តង ដោយសង្ស័យថា ស្លាកលេខដែលមានលេខ ៨ ទាំងអស់នោះ គឺជាស្លាកលេខក្លែងក្លាយ ព្រោះថាវាមិនងាយចៃដន្យបានលេខល្អយ៉ាងនេះទេ។ ម្យ៉ាងទៀត ភាគច្រើនលេខល្អគឺសម្រាប់តែរថយន្តទំនើបមានតម្លៃថ្លៃ។ លេខនោះមិនសក្តិសមនឹងរថយន្តរបស់គាត់ទេ។
ថ្ងៃបន្ទាប់ រឹតតែអស្ចារ្យ គាត់ត្រូវប៉ូលិសចរាចរណ៍ហៅឲ្យឈប់ដល់ទៅ ៨ ដង នៅទីកន្លែងខុសៗគ្នា ដោយសារហេតុផលដូចខាងលើនេះ។ ឈប់ម្តងៗ គាត់ត្រូវចំណាយពេលដល់ទៅកន្លះម៉ោង ព្រោះថាប៉ូលិសសុំមើលកាតគ្រីរថយន្តផង ពិនិត្យលេខម៉ាស៊ីនផង និងសួរសំណួរជាច្រើនទៀត។ តើលេខ ៨ ពិតជាលេខនាំសំណាងមែនឬ ?
ប្រភព៖ Daily Mail
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
7 ម៉ោង
