សុខភាព៖ ផ្លែចេក អាចជួយសម្រួល ដល់អាការៈរាករូសបាន

ព័ត៍មានសុខភាព

សុខភាព៖ ផ្លែចេក អាចជួយសម្រួល ដល់អាការៈរាករូសបាន

10, Jul 2016 , 6:59 am

រូបភាព

ដោយ: ថ្មីៗ

ផ្លែចេកទាំងឆៅ និងទុំ សុទ្ធតែអាចជួយព្យាបាល បញ្ហារាករូសបាន ដោយសារតែវាផ្ទុកទៅដោយ សារធាតុ Pectin ដែលជាជាតិសរសៃរលាយក្នុងទឹក និងជួយឲ្យជាតិទឹកបឺតស្រូប ចូលទៅក្នុងពោះវៀនបានច្រើន ដូច្នេះ លាមកនឹងក្លាយទៅជារឹងធម្មតាវិញ។

ដោយសារតែផ្លែចេក សម្បូរជាតិប៉ូតាស្យូម វាពិតជាជួយបំពេញបន្ថែមវិញ នូវជាតិអេឡិចត្រូលីត្រ ដែលបាត់បង់ក្នុងពេលរាកបាន។

កាសិក្សាមួយដែលបានចុះផ្សាយ ក្នុងសារព័ត៌មាន Gastroenterology កាលពីឆ្នាំ ២០០១ បានរកឃើញថា សារធាតុ Pectin ក្នុងចេកពណ៌បៃតង គឺមានប្រយោជន៍សម្រាប់គ្រប់គ្រង របបអាហារលើករណីមានជំងឺរាករូសរយៈពេលយូរ។ វាអាចកាត់បន្ថយចំនួនលាមក ក្អួតញឹកញាប់ និងរយៈពេលនៃការរាក ព្រមទាំងកាត់បន្ថយ តម្រូវការញ៉ាំទឹកអូរ៉ាលីត្រ ឬចាក់សេរ៉ូមតាមសរសៃទៀតផង។

ការសិក្សាមួយផ្សេងទៀត ដែលចុះផ្សាយក្នុងសាព័ត៌មាន Pharmacognosy and Phytochemistry កាលពីឆ្នាំ២០១២ ក៏បានបញ្ជាក់ទៀតថា ការញ៉ាំផ្លែចេកច្រើន គឺមានប្រយោជន៍ចំពោះអ្នកជំងឺកំពុងតែរាក។

• នៅពេលព្យាបាលជំងឺរាក ចូរញ៉ាំផ្លែចេកទុំមួយផ្លែ ជារៀងរាល់ពីរបីម៉ោងម្តង

• អ្នកអាចញ៉ាំចេកទុំ និងទឹកដោះគោយ៉ាអួរ ពីរទៅបីដងក្នុងមួយថ្ងៃ

• ជម្រើសផ្សេងមួយទៀត គឺញ៉ាំចេកស្ងោរមួយផ្លែ មុនពេលញ៉ាំអាហារ។

គន្លឹះបន្ថែម

• ចូរចៀសវាងការញ៉ាំជាតិកាហ្វេអ៊ីន គ្រឿងស្រវឹង ព្រោះវាអាចធ្វើឲ្យខ្សោះជាតិទឹកក្នុងខ្លួនកាន់តែខ្លាំង

• មិនត្រូវញ៉ាំអាហារ ធ្វើពីទឹកដោះគោ អាហារសម្បូរខ្លាញ់ ឬមានជាតិសរសៃខ្ពស់ រយៈពេលពីរបីថ្ងៃ

• ឧស្សាហ៍លាងសម្អាតដៃ និងសាប៊ូ

• មិនត្រូវចេញទៅញ៉ាំអាហារក្រៅផ្ទះឡើយ លុះត្រាតែអាការៈជំងឺស្រួលបួលសិន៕

ត្រួតពិនិត្យដោយ www.health.com.kh