អន្តរជាតិ
នយោបាយអន្តរជាតិ
×![]()
ដោយ: តន ចាន់រិទ្ធារ៉ា
ការប្រើប្រាស់ពាក្យរ៉ូហ៊ីងយ៉ា នៅតែបញ្ហាប្រឈមមិនដាច់ស្រេច និងស្មុគស្មាញ នៅមីយ៉ាន់ម៉ា។ ក្រុមអ្នកជាតិនិយមមីយ៉ាន់ម៉ា ដែលមាននិន្នាការរើសអើងក្រុមមូស្លីមភាគតិចនេះ បានធ្វើបាតុកម្ម ដើម្បីដាក់សម្ពាធឲ្យរដ្ឋាភិបាលមីយ៉ាន់ម៉ា ប្រើប្រាស់ពាក្យថ្មីជំនួស ក្នុងពេលនិយាយសំដៅដល់សហគមន៍ជនមូស្លីមរ៉ូហ៊ីងយ៉ា ដែលរស់នៅក្នុងរដ្ឋ Rakhine។
ក្រុមជាតិនិយមនៅមីយ៉ាន់ម៉ា បានទាមទារឲ្យរដ្ឋាភិបាល ដែលដឹកនាំដោយគណបក្សសម្ព័ន្ធជាតិដើម្បីប្រជាធិបតេយ្យ ប្រើប្រាស់ពាក្យ «បេងហ្កាលី (Bengalis)» ជំនួសពាក្យរ៉ូហ៊ីងយ៉ា ដែលសំដៅដល់ជនមូស្លីមភាគតិច របស់នៅក្នុងរដ្ឋ Rakhine។ ក្នុងបាតុកម្ម ដែលធ្វើនៅថ្ងៃទី១០ ខែកកក្កដា ក្រុមបាតុករទាំងនោះ ក៏ព្រមានដែរថា ប្រសិនបើរដ្ឋាភិបាលមិនធ្វើតាមខ្លួនទេ ការតវ៉ានេះ នឹងបន្តធ្វើរហូត។
ក្រុមបាតុករ ក៏បានទាមទារឲ្យរដ្ឋាភិបាលលោកស្រី អ៊ុងសាន ស៊ូជី ប្រកាសជាសារធាណៈថា រដ្ឋាភិបាល នឹងស្ដាប់តាមប្រជាជន។ លោក Win Ko Ko Latt ដែលប្រធានបណ្ដាញជាតិមីយ៉ាន់ម៉ា និយាយថា បាតុករកំពុងជួយរដ្ឋាភិបាល ហើយមិនបានបង្កបញ្ហាអ្វីទេ។ យ៉ាងណាក្ដី បាតុកម្ម ដែលធ្វើនៅក្រុងយ៉ាំងហ្គោន បានប្រទះការតានតឹងជាមួយមន្ត្រីប៉ូលិសផងដែរ មុននឹងត្រូវបានអនុញ្ញាតឲ្យបន្តបាតុកម្មទៀត។
កន្លងមក ទីប្រឹក្សារដ្ឋលោកស្រី អ៊ុងសាន ស៊ូជី ក៏បានស្នើឲ្យប្រជាជនមីយ៉ាន់ម៉ា ចៀស វាង ការប្រើប្រាស់ពាក្យ «រ៉ូហ៊ីងយ៉ា» ឬ «បេងហ្កាលី» ដើម្បីរៀបរាប់ពីជនមូស្លីមនៅរដ្ឋ Rakhine ដ្បិតពាក្យនេះ មានន័យអាចធ្វើឲ្យមានស្ថានការរំជើបរំជួល។ ប៉ុន្តែលោកស្រី ចង់ឲ្យហៅពួកគេទាំងនោះថា «អ្នកដែលជឿលើសាសនាឥស្លាមរស់នៅក្នុងរដ្ឋ Rakhine។
ជាងនេះទៅទៀត នៅអំឡុងពេលទស្សនកិច្ចរបស់អ្នករាយការណ៍ពិសេសសិទ្ធិមនុស្ស លោកស្រី ស៊ូជី ក៏បានហាមមន្ត្រីមីយ៉ាន់ម៉ា ប្រើប្រាស់ពាក្យដែលមានលក្ខណៈប្រមាថមើលងាយនេះផងដែរ។ នេះក៏ដើម្បីចៀសវាង ការបង្កការរើសអើងណាមួយ ក្នុងប្រទេសដែលមានជនជាតិផ្សេងៗជាច្រើន។ នេះបើយោងតាមទូរទស្សន៍សិង្ហបុរី Channel NewsAsia។
ការប្រើប្រាស់រ៉ូហ៊ីងយ៉ា ធ្វើឲ្យរដ្ឋាភិបាលមីយ៉ាន់ម៉ាក្រពុលខ្លាំង ខណៈដែលក្រុមជាតិនិយម ដែលភាគច្រើនជាពុទ្ធសាសនិក ក៏ដាក់បន្ទុកធ្ងន់ៗផងដែរ។ ក្រៅពីនេះ មន្ត្រីសិទ្ធិមនុស្ស ទាំងក្នុងស្រុក និងអន្តរជាតិ ក៏បានរិះគន់រដ្ឋាភិបាលមីយ៉ាន់ម៉ា ចំពោះសកម្មភាពខ្លួនលើជនជាតិមូស្លីមរ៉ូហ៊ីងយ៉ា ជាពិសេសពេលប៉ះទង្គិចគ្នានាពេលកន្លងមក។
ជនមូស្លីមភាគតិចដែលរស់នៅរដ្ឋ Rakhine ដែលមានប្រភពមកពីបង់ក្លាដែស ត្រូវបានរដ្ឋាភិបាលមីយ៉ាន់ម៉ាអាណត្តិមុនៗ ចាត់ទុកថា ជាជនគ្មានរដ្ឋ គ្មានទឹកដី។ លើសពីនេះ ជនមូស្លីមទាំងនោះ ក៏មិនត្រូវបានចាត់ចូលក្នុងបញ្ជីជនភាគតិច រស់នៅក្នុងទឹកដីមីយ៉ាន់ម៉ាដែរ។ ពួកគេ រស់នៅដោយលំបាក ក្នុងជំរំ និងខ្លះទៀតរត់ភៀសខ្លួនទៅរដ្ឋដទៃទៀត៕
ក្រុមជាតិនិយមនៅមីយ៉ាន់ម៉ា បានទាមទារឲ្យរដ្ឋាភិបាល ដែលដឹកនាំដោយគណបក្សសម្ព័ន្ធជាតិដើម្បីប្រជាធិបតេយ្យ ប្រើប្រាស់ពាក្យ «បេងហ្កាលី (Bengalis)» ជំនួសពាក្យរ៉ូហ៊ីងយ៉ា ដែលសំដៅដល់ជនមូស្លីមភាគតិច របស់នៅក្នុងរដ្ឋ Rakhine។ ក្នុងបាតុកម្ម ដែលធ្វើនៅថ្ងៃទី១០ ខែកកក្កដា ក្រុមបាតុករទាំងនោះ ក៏ព្រមានដែរថា ប្រសិនបើរដ្ឋាភិបាលមិនធ្វើតាមខ្លួនទេ ការតវ៉ានេះ នឹងបន្តធ្វើរហូត។
ក្រុមបាតុករ ក៏បានទាមទារឲ្យរដ្ឋាភិបាលលោកស្រី អ៊ុងសាន ស៊ូជី ប្រកាសជាសារធាណៈថា រដ្ឋាភិបាល នឹងស្ដាប់តាមប្រជាជន។ លោក Win Ko Ko Latt ដែលប្រធានបណ្ដាញជាតិមីយ៉ាន់ម៉ា និយាយថា បាតុករកំពុងជួយរដ្ឋាភិបាល ហើយមិនបានបង្កបញ្ហាអ្វីទេ។ យ៉ាងណាក្ដី បាតុកម្ម ដែលធ្វើនៅក្រុងយ៉ាំងហ្គោន បានប្រទះការតានតឹងជាមួយមន្ត្រីប៉ូលិសផងដែរ មុននឹងត្រូវបានអនុញ្ញាតឲ្យបន្តបាតុកម្មទៀត។
កន្លងមក ទីប្រឹក្សារដ្ឋលោកស្រី អ៊ុងសាន ស៊ូជី ក៏បានស្នើឲ្យប្រជាជនមីយ៉ាន់ម៉ា ចៀស វាង ការប្រើប្រាស់ពាក្យ «រ៉ូហ៊ីងយ៉ា» ឬ «បេងហ្កាលី» ដើម្បីរៀបរាប់ពីជនមូស្លីមនៅរដ្ឋ Rakhine ដ្បិតពាក្យនេះ មានន័យអាចធ្វើឲ្យមានស្ថានការរំជើបរំជួល។ ប៉ុន្តែលោកស្រី ចង់ឲ្យហៅពួកគេទាំងនោះថា «អ្នកដែលជឿលើសាសនាឥស្លាមរស់នៅក្នុងរដ្ឋ Rakhine។
ជាងនេះទៅទៀត នៅអំឡុងពេលទស្សនកិច្ចរបស់អ្នករាយការណ៍ពិសេសសិទ្ធិមនុស្ស លោកស្រី ស៊ូជី ក៏បានហាមមន្ត្រីមីយ៉ាន់ម៉ា ប្រើប្រាស់ពាក្យដែលមានលក្ខណៈប្រមាថមើលងាយនេះផងដែរ។ នេះក៏ដើម្បីចៀសវាង ការបង្កការរើសអើងណាមួយ ក្នុងប្រទេសដែលមានជនជាតិផ្សេងៗជាច្រើន។ នេះបើយោងតាមទូរទស្សន៍សិង្ហបុរី Channel NewsAsia។
ការប្រើប្រាស់រ៉ូហ៊ីងយ៉ា ធ្វើឲ្យរដ្ឋាភិបាលមីយ៉ាន់ម៉ាក្រពុលខ្លាំង ខណៈដែលក្រុមជាតិនិយម ដែលភាគច្រើនជាពុទ្ធសាសនិក ក៏ដាក់បន្ទុកធ្ងន់ៗផងដែរ។ ក្រៅពីនេះ មន្ត្រីសិទ្ធិមនុស្ស ទាំងក្នុងស្រុក និងអន្តរជាតិ ក៏បានរិះគន់រដ្ឋាភិបាលមីយ៉ាន់ម៉ា ចំពោះសកម្មភាពខ្លួនលើជនជាតិមូស្លីមរ៉ូហ៊ីងយ៉ា ជាពិសេសពេលប៉ះទង្គិចគ្នានាពេលកន្លងមក។
ជនមូស្លីមភាគតិចដែលរស់នៅរដ្ឋ Rakhine ដែលមានប្រភពមកពីបង់ក្លាដែស ត្រូវបានរដ្ឋាភិបាលមីយ៉ាន់ម៉ាអាណត្តិមុនៗ ចាត់ទុកថា ជាជនគ្មានរដ្ឋ គ្មានទឹកដី។ លើសពីនេះ ជនមូស្លីមទាំងនោះ ក៏មិនត្រូវបានចាត់ចូលក្នុងបញ្ជីជនភាគតិច រស់នៅក្នុងទឹកដីមីយ៉ាន់ម៉ាដែរ។ ពួកគេ រស់នៅដោយលំបាក ក្នុងជំរំ និងខ្លះទៀតរត់ភៀសខ្លួនទៅរដ្ឋដទៃទៀត៕
Tag:
មីយ៉ាន់ម៉ា
រ៉ូហ៊ីងយ៉ា
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
5 ម៉ោង
