អន្តរជាតិ
ការដណ្តើមអំណាចនៅស៊ូដង់ខាងត្បូងអាចជំរុញឲ្យរដ្ឋថ្មីថ្មោងនេះធា្លក់ចូលសង្គ្រាមជាថ្មី
×![]()
មនុស្សប្រមាណជាង៣០០នាក់ ត្រូវបានរាយការណ៍ថា ត្រូវបានសម្លាប់ នៅក្នុងការប៉ះទង្គិចគ្នាជាថ្មីនៅរដ្ឋធានី Juba នៃប្រទេសស៊ូដង់ខាងត្បូង។ ក្រុមប្រឹក្សាសុខអង្គការសហប្រជាជាតិ បានទទូចឲ្យបញ្ឈប់ការបាញ់ប្រហារនោះជាបន្ទាន់។
កងកម្លាំងខាងប្រធានាធិបតីស៊ូដង់ខាងត្បូងលោក Salva Kiir និងកងកម្លាំងនៃបដិបក្ខរបស់លោកគឺលោកអនុប្រធានាធិបតី Riek Machar បានចាប់ផ្តើមប៉ះទង្គិចគ្នាតាំងពីថ្ងៃព្រហស្បតិ៍ដល់សុក្រ និងបានរីករាលកាន់តែធ្ងន់ធ្ងរខ្លាំងនៅថ្ងៃទី១០ ខែកក្កដា ម្សិលមិញនៅកណ្តាលរដ្ឋធានី Juba។ ការផ្ទុះអាវុធនេះមិនទាន់ដឹងពីមូលហេតុច្បាស់នោះទេ ដ្បិតភាគីទាំងសងខាង បានចោទគ្នាទៅវិញទៅមកថា បានបើកការវាយប្រហារមុន។ គេ កំពុងព្រួយបារម្ភថា សង្គ្រាមស៊ីវិល នឹងវិលត្រលប់មករកប្រទេសដែលទើបតែទទួលបានឯករាជ្យថ្មីថ្មោងមួយនេះ។
សូមរំលឹកបន្តិចដែរថា ស៊ូដង់ខាងត្បូង បានប្រកាសឯករាជ្យពីប្រទេសស៊ូដង់នៅថ្ងៃ ៩ខែកក្កដាឆ្នាំ ២០១១ ក្រោយមានការប្រយុទ្ធបង្ហូរឈាមគ្នាក្នុងសង្គ្រាមស៊ីវិលអស់រាប់ទសវត្សរ៍រវាងក្រុមជនជាតិអារ៉ាប់-ស៊ូដង់ដែលស្ថិតនៅភាគខាងជើង និងប្រជាជនស៊ូដង់ភាគខាងត្បូង។
ក្រោយការប្រកាសឯករាជ្យប្រហែលជា២ឆ្នាំ សង្គ្រាមស៊ីវិលផ្ទុះឡើង បន្ទាប់ពីអនុប្រធានាធិបតី Riek Machar បានរៀបចំរដ្ឋប្រហារមួយដើម្បីទម្លាក់លោក Salva Kiir ប៉ុន្តែបរាជ័យ។ សង្គ្រាមបានអូសបន្លាយប្រហែល៣ ឆ្នាំដោយបណ្តាលឲ្យជនស៊ីវិលរាប់ម៉ឺននាក់ស្លាប់ និងច្រើនជាង ២លាននាក់នេះទៀតត្រូវភៀសខ្លួន។ ប៉ុន្តែក្តីសង្ឃឹមតិចតួចមួយផុសរូបរាង ឡើង ព្រោះរដ្ឋាភិបាលនិងក្រុមឧទ្ទាម បានចរចាគ្នានិងបង្កើតកិច្ចព្រមព្រៀងសន្តិភាពមួយនៅឆ្នាំមុន។ ក្នុងខែមេសា មេដឹកនាំក្រុមឧទ្ទាម លោក Riek Machar បានត្រលប់មកស្បថចូលកាន់តំណែងជាអនុប្រធានាធិបតីដើម្បីដឹកនាំរដ្ឋាភិបាលរួបរួមជាតិមួយដើម្បីកសាងសន្តិភាពនិងកសាងប្រទេស។
យ៉ាងណាក៏ដោយ ការប៉ះទង្គិចគ្នា បានវិលត្រលប់មកវិញទៀតហើយរវាងភាគីទាំងពីរ។ ហើយការប៉ះទង្គិច កំពុងតែរីករាលពីមួយថ្ងៃទៅមួយថ្ងៃ។ មានការរាយការណ៍នៅថ្ងៃទី១១ ខែកក្កដានេះ ថា រថគ្រោះជាគ្រឿងត្រូវបានដាក់ពង្រាយនៅតាមវិថីនៅកណ្តាលរដ្ឋធានី Juba និងការប៉ះទង្គិចគ្នានៅក្បែរព្រលានយន្តហោះ និងបន្ទាយអង្គការសហប្រជាជាតិទៀតផងដែរ។
ឆ្លើយតបបញ្ហានេះ ក្រុមប្រឹក្សាសន្តិសុខអង្គការសហប្រជាជាតិ បានតក់ស្លុតយ៉ាងខ្លាំង និងបានទាមទារឲ្យភាគីទាំងពីរ អនុវត្តកិច្ចព្រមព្រៀងសន្តិភាពឲ្យបានពេញលេញដែលរាប់បញ្ចូលទាំងបទឈប់បាញ់អចិន្ត្រៃយ៍ និងការពង្រាយកម្លាំងនៅរដ្ឋធានី Juba ផងដែរ៕
កងកម្លាំងខាងប្រធានាធិបតីស៊ូដង់ខាងត្បូងលោក Salva Kiir និងកងកម្លាំងនៃបដិបក្ខរបស់លោកគឺលោកអនុប្រធានាធិបតី Riek Machar បានចាប់ផ្តើមប៉ះទង្គិចគ្នាតាំងពីថ្ងៃព្រហស្បតិ៍ដល់សុក្រ និងបានរីករាលកាន់តែធ្ងន់ធ្ងរខ្លាំងនៅថ្ងៃទី១០ ខែកក្កដា ម្សិលមិញនៅកណ្តាលរដ្ឋធានី Juba។ ការផ្ទុះអាវុធនេះមិនទាន់ដឹងពីមូលហេតុច្បាស់នោះទេ ដ្បិតភាគីទាំងសងខាង បានចោទគ្នាទៅវិញទៅមកថា បានបើកការវាយប្រហារមុន។ គេ កំពុងព្រួយបារម្ភថា សង្គ្រាមស៊ីវិល នឹងវិលត្រលប់មករកប្រទេសដែលទើបតែទទួលបានឯករាជ្យថ្មីថ្មោងមួយនេះ។
សូមរំលឹកបន្តិចដែរថា ស៊ូដង់ខាងត្បូង បានប្រកាសឯករាជ្យពីប្រទេសស៊ូដង់នៅថ្ងៃ ៩ខែកក្កដាឆ្នាំ ២០១១ ក្រោយមានការប្រយុទ្ធបង្ហូរឈាមគ្នាក្នុងសង្គ្រាមស៊ីវិលអស់រាប់ទសវត្សរ៍រវាងក្រុមជនជាតិអារ៉ាប់-ស៊ូដង់ដែលស្ថិតនៅភាគខាងជើង និងប្រជាជនស៊ូដង់ភាគខាងត្បូង។
ក្រោយការប្រកាសឯករាជ្យប្រហែលជា២ឆ្នាំ សង្គ្រាមស៊ីវិលផ្ទុះឡើង បន្ទាប់ពីអនុប្រធានាធិបតី Riek Machar បានរៀបចំរដ្ឋប្រហារមួយដើម្បីទម្លាក់លោក Salva Kiir ប៉ុន្តែបរាជ័យ។ សង្គ្រាមបានអូសបន្លាយប្រហែល៣ ឆ្នាំដោយបណ្តាលឲ្យជនស៊ីវិលរាប់ម៉ឺននាក់ស្លាប់ និងច្រើនជាង ២លាននាក់នេះទៀតត្រូវភៀសខ្លួន។ ប៉ុន្តែក្តីសង្ឃឹមតិចតួចមួយផុសរូបរាង ឡើង ព្រោះរដ្ឋាភិបាលនិងក្រុមឧទ្ទាម បានចរចាគ្នានិងបង្កើតកិច្ចព្រមព្រៀងសន្តិភាពមួយនៅឆ្នាំមុន។ ក្នុងខែមេសា មេដឹកនាំក្រុមឧទ្ទាម លោក Riek Machar បានត្រលប់មកស្បថចូលកាន់តំណែងជាអនុប្រធានាធិបតីដើម្បីដឹកនាំរដ្ឋាភិបាលរួបរួមជាតិមួយដើម្បីកសាងសន្តិភាពនិងកសាងប្រទេស។
យ៉ាងណាក៏ដោយ ការប៉ះទង្គិចគ្នា បានវិលត្រលប់មកវិញទៀតហើយរវាងភាគីទាំងពីរ។ ហើយការប៉ះទង្គិច កំពុងតែរីករាលពីមួយថ្ងៃទៅមួយថ្ងៃ។ មានការរាយការណ៍នៅថ្ងៃទី១១ ខែកក្កដានេះ ថា រថគ្រោះជាគ្រឿងត្រូវបានដាក់ពង្រាយនៅតាមវិថីនៅកណ្តាលរដ្ឋធានី Juba និងការប៉ះទង្គិចគ្នានៅក្បែរព្រលានយន្តហោះ និងបន្ទាយអង្គការសហប្រជាជាតិទៀតផងដែរ។
ឆ្លើយតបបញ្ហានេះ ក្រុមប្រឹក្សាសន្តិសុខអង្គការសហប្រជាជាតិ បានតក់ស្លុតយ៉ាងខ្លាំង និងបានទាមទារឲ្យភាគីទាំងពីរ អនុវត្តកិច្ចព្រមព្រៀងសន្តិភាពឲ្យបានពេញលេញដែលរាប់បញ្ចូលទាំងបទឈប់បាញ់អចិន្ត្រៃយ៍ និងការពង្រាយកម្លាំងនៅរដ្ឋធានី Juba ផងដែរ៕
Tag:
ស៊ូដង់ខាងត្បូង
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
4 ម៉ោង
