ជាតិ
នយោបាយជាតិ
សភាស៊ើបសួរសាលាឧទ្ធរណ៍បើកសវនាករណី លោក អ៊ុំ សំអាន
× នៅព្រឹកនេះ សភាស៊ើបសួររបស់សាលាឧទ្ធរណ៍ បានបើកសវនាការលើសំណើសុំមោឃភាពនីតិវិធីការឃុំខ្លួននៃករណីតំណាងរាស្រ្តគណបក្សសង្គ្រោះជាតិ ដែលល្បីខាងរិះគន់រឿងព្រំដែន លោក អ៊ុំ សំអាន។
ពេលទៅដល់តុលាការនៅព្រឹកនេះ លោក អ៊ុំ សំអាន នៅតែស្រែកប្រាប់អ្នកកាសែតដូចលើកមុនថា «អ្នកស្នេហាជាតិ អ្នកការពារព្រំដែន ត្រូវជាប់គុគ ហើយអ្នកកាត់ដីឲ្យយួនបែរជារួចខ្លួន និងមានឈ្មោះថា ជាអ្នកស្នេហាជាតិ»។ លោក អ៊ុំ សំអាន ក៏បញ្ជាក់ថា លោក បានដឹងពីមរណភាពរបស់លោក កែម ឡី ផងដែរ។
សូមបញ្ជាក់ថា លោក អ៊ុំ សំអាន ត្រូវបានអាជ្ញាធរបញ្ជូនខ្លួនទៅកាន់ពន្ធនាគារព្រៃស នៅថ្ងៃទី១២ខែមេសា ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ និងបទញុះញង់ឲ្យមានការរើសអើងតាមមាត្រា៤៩៥និង៤៩៦ នៃក្រមព្រហ្មទណ្ឌ។ លោក អ៊ុំ សំអាន ត្រូវបានប៉ូលីសចាប់ខ្លួនកាលពីម៉ោង១២រំលងអាធ្រាត ឈានចូលថ្ងៃទី១១មេសា នៅក្នុងខេត្តសៀមរាប៕
© រក្សាសិទ្ធិដោយ thmeythmey.com