ពីនេះ ពីនោះ
របបនយោបាយបែប«សមស្ដនិយម» មានលក្ខណៈបែបណា?
× សមស្ដនិយម គឺជាប្រព័ន្ធគ្រប់គ្រងរដ្ឋដែលមានការត្រួតពិនិត្យយ៉ាងម៉ឹងម៉ាត់ទៅលើគ្រប់វិស័យ នៃជីវភាពសង្គម។ សមស្ដនិយម មានចរឹតលក្ខណៈដូចតទៅ៖
• បុគ្គលម្នាក់ៗពុំមានសេរីភាពក្នុងការជ្រើសរើស និងបញ្ចេញមតិឡើយ ពោលគឺគេជាអ្នកបម្រើឥតលក្ខខណ្ឌ។
• រដ្ឋាភិបាលដឹកនាំដោយគណបក្សនយោបាយតែមួយ។ គណបក្សគឺជាអ្នករៀបចំរចនាសម្ព័ន្ធចាត់តាំងលើវិស័យសេដ្ឋកិច្ច និងសង្គម។ មិនអនុញ្ញាតឲ្យមានការប្រឆាំងទៅនឹងទិសដៅរបស់គណបក្សឡើយ។
• គ្មានសហជីព ឬសមាគមនៅក្នុងរដ្ឋ។
• ហាមឃាត់សាសនាដែលមិនបម្រើឲ្យគោលនយោបាយរបស់រដ្ឋ។
• ប្រើភ្នាក់ងារសម្ងាត់ដើម្បីទប់ស្កាត់រាល់សកម្មភាពប្រឆាំងនឹងរដ្ឋ។
• ត្រួតពិនិត្យយ៉ាងតឹងរ៉ឹង លើប្រព័ន្ធផ្សព្វផ្សាយ និងប្រព័ន្ធអប់រំ។
របបនេះត្រូវបានប្រើប្រាស់ដោយពួកហ្វាស៊ីស អ៊ីតាលី ដឹកនាំដោយលោបេនីតូ មូសូលីនី និងពួកអាល្លឺម៉ង់ ណាស៊ីសក្រោមការគ្រប់គ្រងរបស់ អាដុលហ៊ីត្លែរ។
ដកស្រង់ពីសៀវភៅ ចំណុចផ្ដើមវិទ្យាសាស្ត្រនយោបាយ រៀបរៀងដោយ បណ្ឌិត អ៊ុំ ប៉ុម
© រក្សាសិទ្ធិដោយ thmeythmey.com