ជាតិ
ឧបការីរដ្ឋមន្ត្រីការបរទេសអាមេរិកមកបញ្ជាក់ពីសារសំខាន់នៃសិទ្ធិមនុស្សក្នុងទំនាក់ទំនងជាមួយកម្ពុជា
×![]()
ដោយ: ថ្មីៗ
លោក Tom Malinowski ឧបការីរដ្ឋមន្ត្រីក្រសួងការបរទេសសហរដ្ឋអាមេរិក ទទួលបន្ទុកផ្នែកលទ្ធិប្រជាធិបតេយ្យ សិទ្ធិមនុស្ស និងការងារ (DRL) នឹងធ្វើទស្សនកិច្ចនៅកម្ពុជា រយៈពេល២ថ្ងៃ គឺនៅថ្ងៃទី ១៨ និង ១៩ ខែកក្កដាខាងមុខ។ ដំណើរទស្សនកិច្ចនេះ គឺដើម្បីបញ្ជាក់ពីសារសំខាន់នៃសិទ្ធិមនុស្ស នៅក្នុងទំនាក់ទំនងរវាងសហរដ្ឋអាមេរិក និង កម្ពុជា។ នេះបើផ្អែកតាមសេចក្តីប្រកាសព័ត៌មាន របស់ស្ថានទូតអាមេរិកប្រចាំកម្ពុជា។
បើតាមសេចក្តីប្រកាសព័ត៌មានដដែល លោកឧបការីរដ្ឋមន្ត្រី Malinowski នឹងជួបជាមួយមន្ត្រី រដ្ឋាភិបាល សមាជិកនៃគណបក្សប្រឆាំង ក្រុមសង្គមស៊ីវិលក្នុងស្រុក និងតំណាងទីភ្នាក់ងារអន្តរជាតិ នៅថ្ងៃទី ១៨ កក្កដា ដើម្បីពិភាក្សាពីសារៈសំខាន់នៃការបោះឆ្នោតដែលមានភាពសេរី និងយុត្តិធម៌ នៅកម្ពុជា។ លោក Malinowski ក៏នឹងរំលឹកឲ្យកម្ពុជាលើកកម្ពស់បទដ្ឋានសិទ្ធិមនុស្សអន្តរជាតិ ហើយធានាការការពារអង្គការសិទ្ធិមនុស្ស។ លោកឧបការីរដ្ឋមន្ត្រី នឹងទៅទស្សនាសារមន្ទីរប្រល័យពូជសាសន៍ទួលស្លែង ដើម្បីស្វែងយល់បន្ថែមទៀតពីប្រវត្តិសាស្ត្រ នៃអតីតពន្ធនាគារ និងមជ្ឈមណ្ឌលសួរចម្លើយនេះ។
ចំណែកឯ នៅថ្ងៃទី ១៩ កក្កដា លោក Malinowski នឹងចូលរួមនៅក្នុងការសំណេះសំណាលជាមួយយុវជនកម្ពុជា លើប្រធានបទនៃការបោះឆ្នោតនៅសហរដ្ឋអាមេរិក នៅបណ្ណាល័យនៃស្ថានទូតអាមេរិក នៅក្នុងសាកលវិទ្យាល័យបញ្ញាសាស្ត្រក្នុងបរិវេណខាងត្បូង។ អ្នកចូលរួមមាន សមាជិកនៃក្រុមប្រឹក្សាយុវជនឯកអគ្គរដ្ឋទូតអាមេរិក សមាជិកនៃកម្មវិធីរបស់លោកប្រធានាធិបតី Obama ដែលមានឈ្មោះថា គំនិតផ្តួចផ្តើម ស្តីពីមេដឹកនាំយុវជននៅអាស៊ីអា គ្នេយ៍ (YSEALI) ក្នុងបំណងពង្រឹងការអភិវឌ្ឍភាពជាអ្នកដឹកនាំ និងការទំនាក់ទំនងគ្នាជា បណ្តាញ នៅក្នុងចំណោមយុវជននៅអាស៊ីអាគ្នេយ៍៕
បើតាមសេចក្តីប្រកាសព័ត៌មានដដែល លោកឧបការីរដ្ឋមន្ត្រី Malinowski នឹងជួបជាមួយមន្ត្រី រដ្ឋាភិបាល សមាជិកនៃគណបក្សប្រឆាំង ក្រុមសង្គមស៊ីវិលក្នុងស្រុក និងតំណាងទីភ្នាក់ងារអន្តរជាតិ នៅថ្ងៃទី ១៨ កក្កដា ដើម្បីពិភាក្សាពីសារៈសំខាន់នៃការបោះឆ្នោតដែលមានភាពសេរី និងយុត្តិធម៌ នៅកម្ពុជា។ លោក Malinowski ក៏នឹងរំលឹកឲ្យកម្ពុជាលើកកម្ពស់បទដ្ឋានសិទ្ធិមនុស្សអន្តរជាតិ ហើយធានាការការពារអង្គការសិទ្ធិមនុស្ស។ លោកឧបការីរដ្ឋមន្ត្រី នឹងទៅទស្សនាសារមន្ទីរប្រល័យពូជសាសន៍ទួលស្លែង ដើម្បីស្វែងយល់បន្ថែមទៀតពីប្រវត្តិសាស្ត្រ នៃអតីតពន្ធនាគារ និងមជ្ឈមណ្ឌលសួរចម្លើយនេះ។
ចំណែកឯ នៅថ្ងៃទី ១៩ កក្កដា លោក Malinowski នឹងចូលរួមនៅក្នុងការសំណេះសំណាលជាមួយយុវជនកម្ពុជា លើប្រធានបទនៃការបោះឆ្នោតនៅសហរដ្ឋអាមេរិក នៅបណ្ណាល័យនៃស្ថានទូតអាមេរិក នៅក្នុងសាកលវិទ្យាល័យបញ្ញាសាស្ត្រក្នុងបរិវេណខាងត្បូង។ អ្នកចូលរួមមាន សមាជិកនៃក្រុមប្រឹក្សាយុវជនឯកអគ្គរដ្ឋទូតអាមេរិក សមាជិកនៃកម្មវិធីរបស់លោកប្រធានាធិបតី Obama ដែលមានឈ្មោះថា គំនិតផ្តួចផ្តើម ស្តីពីមេដឹកនាំយុវជននៅអាស៊ីអា គ្នេយ៍ (YSEALI) ក្នុងបំណងពង្រឹងការអភិវឌ្ឍភាពជាអ្នកដឹកនាំ និងការទំនាក់ទំនងគ្នាជា បណ្តាញ នៅក្នុងចំណោមយុវជននៅអាស៊ីអាគ្នេយ៍៕
© រក្សាសិទ្ធិដោយ thmeythmey.com
