គ.ជ.ប ប្រកាសជ្រើសរើសមន្ត្រីជាប់កិច្ចសន្យារយៈពេលខ្លីជាង ៦ពាន់នាក់

ជាតិ

គ.ជ.ប ប្រកាសជ្រើសរើសមន្ត្រីជាប់កិច្ចសន្យារយៈពេលខ្លីជាង ៦ពាន់នាក់

26, Jul 2016 , 10:59 pm

រូបភាព

លោក ស៊ិក ប៊ុនហុក ប្រធាន គ.ជ.ប

ដោយ: ថ្មីៗ

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) ត្រូវការជ្រើសរើសក្រុមចុះឈ្មោះបោះឆ្នោត (ក.ច.ប) ចំនួន ១.៦៣៣ក្រុម ស្មើនឹង ៦.១០៣នាក់ ជាមន្ត្រីជាប់កិច្ចសន្យា ដើម្បីបម្រើការងារនៅតាមឃុំ សង្កាត់ នៃរាជធានី ខេត្ត សម្រាប់ការចុះឈ្មោះបោះឆ្នោត ដើម្បីរៀបចំបញ្ជីបោះឆ្នោតថ្មី ឆ្នាំ២០១៦ ។

បើតាមសេចក្តីជូនដំណឹង គ.ជ.ប ចុះថ្ងៃទី២៦ ខែកក្កដានេះ គ.ជ.ប ជ្រើសរើសមន្ត្រីក្នុងមុខតំណែងជាប្រធានក្រុមចុះឈ្មោះបោះឆ្នោត, សមាជិកក្រុមចុះឈ្មោះបោះឆ្នោត ជាជំនួយការអនុប្រធាន និងសមាជិកក្រុមចុះឈ្មោះបោះឆ្នោត ជាការីកុំព្យូទ័រ។

បេក្ខជនមានបំណងដាក់ពាក្យសុំបម្រើការងារតាមមុខតំណែងខាងលើ ត្រូវទៅមើលលក្ខខណ្ឌ ជ្រើសរើស ទទួលពាក្យ និងដាក់ពាក្យដោយឥតគិតថ្លៃ ពីថ្ងៃទី២៦ ខែកក្កដា ឆ្នាំ២០១៦ នៅតាមសាលាឃុំ សង្កាត់ និងទីកន្លែងសាធារណៈក្នុងឃុំសង្កាត់ដែល គ.ជ.ប បានកំណត់។

គ.ជ.ប នឹងចាប់ទទួលពាក្យចាប់ពីព្រឹកថ្ងៃទី៥ រហូតដល់ម៉ោង៥កន្លះល្ងាចថ្ងៃទី៩ ខែសីហា ឆ្នាំ២០១៦ ៕