ក្រសួងនឹងចុះស្រង់ទិន្នន័យសហគ្រាស ដើម្បីផ្ទៀងផ្ទាត់ការចុះបញ្ជីពន្ធដារ

ជាតិ

សេដ្ឋកិច្ច

ក្រសួងនឹងចុះស្រង់ទិន្នន័យសហគ្រាស ដើម្បីផ្ទៀងផ្ទាត់ការចុះបញ្ជីពន្ធដារ

30, Jul 2016 , 7:19 pm

រូបភាព

ដោយ:

ភ្នំពេញ៖ អគ្គនាយកដ្ឋានពន្ធដារ នឹងចាប់ផ្ដើមប្រមូលទិន្នន័យសហគ្រាស ដល់ទីតាំងផ្ទាល់ ចាប់ពីខែសីហា តទៅ ដើម្បីផ្ទៀងផ្ទាត់ការចុះបញ្ជីពន្ធដារបានត្រឹមត្រូវរបស់សហគ្រាសទាំងនោះ។

សេចក្ដីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុ បញ្ជាក់ថា ការចុះប្រមូលទិន្នន័យនេះ នឹងត្រូវធ្វើចំពោះសហគ្រាសទាំងអស់ ទាំងចុះបញ្ជីពន្ធដាររួច និងមិនទាន់ចុះបញ្ជី នៅទូទាំងរាជធានីភ្នំពេញ ក្នុងបំណងលែលម្អបរិយាកាសវិនិយោគនៅកម្ពុជា, ការរៀបចំគោលនយោបាយលើទឹកចិត្តពន្ធ, ការផ្សព្វផ្សាយពីបទបញ្ញត្តិស្ដីពីពន្ធដារ, ការផ្ដល់សេវាចុះបញ្ជី និងសេវាពន្ធដារផ្សេងៗទៀត ជូនម្ចាស់សហគ្រាសឲ្យបានកាន់តែប្រសើរ។

សេចក្ដីជូនដំណឹងដដែលនេះ ឲ្យដឹងទៀតថា ដើម្បីបង្ករភាពងាយស្រួល និងចំណេញពេលវេលា ក្រសួងស្នើម្ចាស់សហគ្រាសទាំងអស់ ដែលមានទីតាំងក្នុងរាជធានីភ្នំពេញ ត្រូវត្រៀមឯកសារចាំបាច់មួយចំនួន ដែលរួមមាន ប័ណ្ណពន្ធប៉ាតង់ និងវិញ្ញបនបត្រអាករលើតម្លៃបន្ថែម, បង្កាន់ដៃបង់ប្រាក់ពន្ធប្រចាំឆ្នាំ និងប្រចាំខែ និងលិខិតអនុញ្ញាតឲ្យប្រកបអាជីវកម្មជាដើម៕