ពីនេះ ពីនោះ
ពាក្យ«ភរិយាដ» មានន័យថា បុរសបណ្ដោយប្រពន្ធធ្វើស្ត្រីពេស្យា
× តើមានបុរសណាខ្លះដែលស្ម័គ្រឲ្យប្រពន្ធខ្លួនធ្វើជាស្ត្រីពេស្យា? បុរសដែលព្រមឲ្យប្រពន្ធប្រព្រឹត្តបែបនេះ គេហៅថាបុរសបែបណា? វចនានុក្រមសម្ដេចព្រះសង្ឃរាជ ជួន ណាត បានឲ្យឈ្មោះបុរសប្រភេទនោះថា ជាភរិយាដ។
ពាក្យ «ភរិយាដ» មានថ្នាក់ពាក្យជានាម មានន័យថា បុរសដែលព្រមឲ្យភរិយារបស់ខ្លួន ស្វែងរកប្រយោជន៍ ដោយបែបបទជាស្ត្រីពេស្យា, មនុស្សអ្នកបណ្ដោយប្រពន្ធឲ្យធ្វើជាស្ត្រីផ្កាមាស។ ឧទាហរណ៍ នែអ្នកភរិយាដ ចូរខំខ្មីឃ្មាត បំពេញមុខការ ចូរកុំរវាត ចាកសីលាចារ ធ្វើស្រែចម្ការ លក់ដុរវិញទៅ។
ដកស្រង់ពីវចនានុក្រមសម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com