កីឡាជាតិ
ជាតិ
U14៖ ធ្លាប់យកឈ្នះទីម័រខាងកើត ១២-០ តែមុនមកផ្ទះវិញ កម្ពុជាចាញ់ឡាវ ១៣-០
×![]()
ដោយ: ថ្មីៗ
ក្រុមកីឡាបាល់ទាត់ជម្រើសជាតិអាយុក្រោម១៤ឆ្នាំកម្ពុជា បានរងបរាជ័យដោយសារក្រុមឡាវរហូតដល់ទៅ ១៣-០ នាជំនួបចុងក្រោយនៃព្រឹត្តិការណ៍ AFC U14 Regional Festival of Football 2016 នៅទីក្រុងបង់ដាសិរិបេហ្គាវ៉ាន ប្រទេសព្រុយណេ នារសៀលថ្ងៃទី៣០ ខែកក្កដា។
នៅក្នុងទិវាបាល់ទាត់នេះ កម្ពុជាបើកឆាកជាមួយនឹងជ័យជម្នះ ៣-១ លើហ្វីលីពីន ហើយបន្តឈ្នះទីម័រខាងកើត ១២-០ ប៉ុន្តែពួកគេធ្វើមិនបានល្អឡើយសម្រាប់ការប្រកួតពីរលើកចុងក្រោយ ដោយបានចាញ់ម៉ាឡេស៊ី ៥-១ និងចុងក្រោយចាញ់ឡាវរហូតដល់ទៅ ១៣-០ ។
នៅក្នុងពូល B ក្រុម U14 ឡាវ ប្រកួតឈ្នះទាំង៤ប្រកួតជាប់លេខ១ ដោយឈរលើម៉ាឡេស៊ីដែលឈ្នះ៣ប្រកួតចាញ់១ប្រកួត។ កម្ពុជាស្ថិតនៅលេខ៣ ក្រោយឈ្នះ២ប្រកួត និងចាញ់២ប្រកួត។ ហ្វីលីពីនឈ្នះ១ប្រកួត និងចាញ់៣ប្រកួតស្ថិតនៅលេខ៤ ខណៈទីម័រខាងកើតចាញ់ទាំង៤ប្រកួតស្ថិតនៅបាតតារាង។
សម្រាប់ពូល A ថៃជាប់លេខ១ ដោយឈរពីលើវៀតណាម និងមីយ៉ាន់ម៉ា រីឯម្ចាស់ផ្ទះព្រុយណេ និងសិង្ហបុរី ដែលចាញ់៣ប្រកួត និងស្មើ១ប្រកួតដូចគ្នាស្ថិតនៅបាតតារាង។ នេះជាការប្រកួតដើម្បីពង្រឹងស្មារតីកីឡា មិនមែនជាការប្រកួតប្រជែងយកពានរង្វាន់ជើងឯកនោះឡើយ៕
នៅក្នុងទិវាបាល់ទាត់នេះ កម្ពុជាបើកឆាកជាមួយនឹងជ័យជម្នះ ៣-១ លើហ្វីលីពីន ហើយបន្តឈ្នះទីម័រខាងកើត ១២-០ ប៉ុន្តែពួកគេធ្វើមិនបានល្អឡើយសម្រាប់ការប្រកួតពីរលើកចុងក្រោយ ដោយបានចាញ់ម៉ាឡេស៊ី ៥-១ និងចុងក្រោយចាញ់ឡាវរហូតដល់ទៅ ១៣-០ ។
នៅក្នុងពូល B ក្រុម U14 ឡាវ ប្រកួតឈ្នះទាំង៤ប្រកួតជាប់លេខ១ ដោយឈរលើម៉ាឡេស៊ីដែលឈ្នះ៣ប្រកួតចាញ់១ប្រកួត។ កម្ពុជាស្ថិតនៅលេខ៣ ក្រោយឈ្នះ២ប្រកួត និងចាញ់២ប្រកួត។ ហ្វីលីពីនឈ្នះ១ប្រកួត និងចាញ់៣ប្រកួតស្ថិតនៅលេខ៤ ខណៈទីម័រខាងកើតចាញ់ទាំង៤ប្រកួតស្ថិតនៅបាតតារាង។
សម្រាប់ពូល A ថៃជាប់លេខ១ ដោយឈរពីលើវៀតណាម និងមីយ៉ាន់ម៉ា រីឯម្ចាស់ផ្ទះព្រុយណេ និងសិង្ហបុរី ដែលចាញ់៣ប្រកួត និងស្មើ១ប្រកួតដូចគ្នាស្ថិតនៅបាតតារាង។ នេះជាការប្រកួតដើម្បីពង្រឹងស្មារតីកីឡា មិនមែនជាការប្រកួតប្រជែងយកពានរង្វាន់ជើងឯកនោះឡើយ៕
Tag:
បាល់ទាត់
U14 កម្ពុជា
© រក្សាសិទ្ធិដោយ thmeythmey.com
