បឹងកេតរំពឹងបង្កើនគម្លាតនាំមុខគេលើតារាងនាជំនួបជាមួយថាយហ្គឺរ បន្ទាប់ពីប៉ូលិស ជួប ស៊ីម៉ាក់

កីឡាជាតិ

ជាតិ

បឹងកេតរំពឹងបង្កើនគម្លាតនាំមុខគេលើតារាងនាជំនួបជាមួយថាយហ្គឺរ បន្ទាប់ពីប៉ូលិស ជួប ស៊ីម៉ាក់

31, Jul 2016 , 10:39 am

រូបភាព

រូបថត ហ្វេសប៊ុក ក្លិបបឹងកេតអង្គរ

ដោយ:

ការប្រកួតកីឡាបាល់ទាត់ដណ្តើមពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៦ ក្នុងសប្តាហ៍ទី១៤ នៅពហុកីឡដ្ឋានជាតិល្ងាចនេះ ក្រុមឈរលំដាប់លេខ១ក្នុងតារាង បឹងកេតអង្គរ ត្រូវជួបប្រកួតជាមួយក្រុមខេមបូឌានថាយហ្គឺរ ក្រោយក្រុមអគ្គស្នងការនគរបាលជាតិ(ប៉ូលិស) ជួប ក្រុមមជ្ឈមណ្ឌលកំចាត់មីនកម្ពុជា(ស៊ីម៉ាក់)។

បឹងកេតអង្គរក្រោយពីរក្សាលទ្ធផលស្មើ ២-២ កាលពីសប្តាហ៍ទី១៣ ក្រុមនេះត្រូវជួបប្រកួតជាមួយក្រុមខេមបូឌានថាយហ្គឺរ នាវេលាម៉ោង៦ល្ងាច នៅពហុកីឡដ្ឋានជាតិ ដើម្បីបាន៣ពិន្ទុបន្ថែមសម្រាប់បន្តឈរលេខ១ក្នុងតារាងជាបណ្តោះអាសន្នក្នុងសប្តាហ៍ទី១៤នេះ។ ចំណែកក្រុមខេមបូឌានថាយហ្គឺរដែលកំពុងឈរលំដាប់លេខ៥ ត្រូវការឈ្នះបឹងកេតផងដែរ ដើម្បីបាន៣ពិន្ទុសម្រាប់ឈរលំដាប់លេខ៤។

មុនការប្រកួតរវាងបឹងកេតអង្គរ និង ខេមបូឌានថាយហ្គឺរ ក្រុមអគ្គស្នងការនគរបាលជាតិ(ប៉ូលិស) ត្រូវជួបប្រកួតជាមួយក្រុមមជ្ឈមណ្ឌលកំចាត់មីនកម្ពុជា(ស៊ីម៉ាក់) នាវេលាម៉ោង៣និង៣០នាទីរសៀលនៅពហុកីឡដ្ឋានជាតិផងដែរ។ ប៉ូលិសកំពុងឈរលំដាប់លេខ៧ ដោយមាន១១ពិន្ទុ ខណៈស៊ីម៉ាក់ ឈរលេខ៨ ដោយមាន៨ពិន្ទុ៕

កម្មវិធីប្រកួតនៅពហុកីឡដ្ឋានជាតិល្ងាចនេះ
- ម៉ោង១៥:៣០នាទី៖ អគ្គស្នងការនគរបាលជាតិ ជួប មជ្ឈមណ្ឌលកំចាត់មីនកម្ពុជា
- ម៉ោង១៨:៣០នាទី៖ បឹងកេតអង្គរ ជួប ខេមបូឌានថាយហ្គឺរ