ពីនេះ ពីនោះ
កេងកងតូច ធ្វើសំបុកក្នុងរន្ធនៃដើមឈើធំៗ
× កេងកងតូច គឺជាឈ្មោះបក្សីមួយប្រភេទ ដែលបក្សីឈ្មោល មានមាឌតូចជាងកេងកងដទៃ។ បក្សីនេះ មានពោះពណ៌ស ចុងកន្ទុយ និងឆ្នូតគែមក្រោមនៃស្លាបមានពណ៌ស ចំណែកផ្នែកខ្នង ស្លាប និងក្បាលខ្មៅ ព្រមទាំងមានដៅខ្មៅមួយដុំនៅចុងស្នែងលើជំពុះ។
ចំណែកបក្សីញីវិញ មានស្នែងលើចំពុះតូចជាងឈ្មោល និងមានដៅពណ៌ខ្មៅប្រឡាក់ពាសពេញចំពុះ។ បក្សីនេះរស់នៅតាមព្រៃស្រោង ព្រៃល្បោះ និងដំណុះព្រៃក្មេង ជាទូទៅនៅតាមដងទន្លេ និងលើកោះ។ ការរស់នៅរបស់បក្សីនេះ គឺ ធ្វើសំបុកក្នុងរន្ធនៃដើមឈើធំៗរកទ្រនំជាងហ្វូង។
ចំណែករបាយរស់នៅវិញ គឺមានពេញមួយឆ្នាំ មានសំបុកគ្រប់ទីកន្លែង តាមតំបន់សំខាន់ៗខាងលើ។ រីឯរដូវបន្តពូជ គឺចាប់ពីខែមករា ដល់ខែ មិថុនា និងមានពងពី១ ដល់៣ ពងក្នុងមួយរដូវ៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com