ក្រសួងពាណិជ្ជកម្ម គ្រោងនាំឯកអគ្គរដ្ឋទូតអាមេរិក ទៅទីក្រុងហុងកុង ដើម្បីទាក់ទាញអ្នកវិនិយោគវិស័យកាបូប

ជាតិ

ក្រសួងពាណិជ្ជកម្ម គ្រោងនាំឯកអគ្គរដ្ឋទូតអាមេរិក ទៅទីក្រុងហុងកុង ដើម្បីទាក់ទាញអ្នកវិនិយោគវិស័យកាបូប

31, Jul 2016 , 11:38 am

រូបភាព

ដោយ:

ភ្នំពេញ៖ រដ្ឋមន្ត្រីក្រសួងពាណិជ្ជកម្ម លោក ប៉ាន សូរស័ក្តិ បានថ្លែងថា លោកនឹងដឹកនាំគណៈប្រតិភូដែលរួមមាន ឯកអគ្គរដ្ឋទូតសហរដ្ឋអាមេរិក និងប្រធានសមាគមរោងចក្រកាត់ដេរនៅកម្ពុជា ទៅទីក្រុងហុងកុង ដើម្បីទាក់ទាញអ្នកវិនិយោគបន្ថែមទៀត លើវិស័យកាបូបធ្វើដំណើរ។

បន្ទាប់សហរដ្ឋអាមេរិកធ្វើការលើកលែងពន្ធលើវិស័យការបូបធ្វើដំណើររបស់កម្ពុជា លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម គ្រោងដឹកនាំគណៈប្រតិភូ រួមមាន ឯកអគ្គរដ្ឋទូតសហរដ្ឋអាមេរិក និងសមាគមរោងចក្រកាត់ដេរនៅកម្ពុជា ទៅទីក្រុងហុងកុង ដើម្បីទាក់ទាញអ្នកវិនិយោគវិស័យកាបូបធ្វើដំណើររបស់កម្ពុជាបន្ថែមទៀត។

នៅក្នុងពិធីសំណេះសំណាល ជាមួយមន្ត្រីនៃមន្ទីរពាណិជ្ជកម្ម និងមន្ត្រីសាខាកាំកុងត្រូល ខេត្តកោះកុង កាលពីល្ងាចថ្ងៃទី៣០ កក្កដា លោករដ្ឋមន្ត្រីបានថ្លែងយ៉ាងដូច្នេះ៖«ខ្ញុំនឹងដឹកនាំប្រតិភូមួយ ដែលមានឯកអគ្គរដ្ឋទូតសហរដ្ឋអាមេរិក និងប្រធានសមាគមរោងចក្រកាត់ដេរនៅកម្ពុជា ទៅកាន់ទីក្រុងហុងកុង ដើម្បីទាក់ទាញអ្នកវិនិយោគបន្ថែម ទៅលើវិស័យកាបូបធ្វើដំណើរ ដែលកម្ពុជាទើបតែទទួលបានការលើកលែងពន្ធ ដោយសហរដ្ឋអាមេរិក ក្រោមប្រព័ន្ធអនុគ្រោះពាណិជ្ជកម្ម»។

ក្រៅពីការដឹកនាំគណៈប្រតិភូទៅទីក្រុងហុងកុង ក្រសួងពាណិជ្ជកម្ម ក៏កំពុងរៀបចំចូលរួមពិពណ៌នៅទីក្រុងណាននីង និងទីក្រុងយូណាន ប្រទេសចិនផងដែរ។
យ៉ាងណាក៏ដោយ ក្រសួងពាណិជ្ជកម្ម មិនទាន់បានកំណត់កាលបរិច្ឆេទច្បាស់លាស់នៅឡើយទេ ទាក់ទងនឹងការដឹកនាំគណៈប្រតិភូទៅទីក្រុងហុងកុង៕