ជាតិ
សិល្បះ
×![]()
មហោស្រពជាតិភាពយន្តខ្នាតខ្លីកម្ពុជាលើកទី១ នឹងប្រព្រឹត្តទៅនៅដើមឆ្នាំ២០១៧ ខាងមុខ។ នេះបើយោងតាមសេចក្ដីជូនដំណឹងរបស់ក្រសួងវប្បធម៌ និងវិចិត្រសិល្បៈ ចុះថ្ងៃទី២៩ ខែកក្កដា ដោយអំពាវនាវអ្នកដែលមានស្នាដៃចូលរួមប្រកួតប្រជែង។ មហោស្រពជាតិភាពយន្តខ្នាតខ្លីលើកទី១នេះ ធ្វើឡើងក្នុងគោលបំណងលើកកម្ពស់ និងបង្កើនសមត្ថភាពប្រកួតប្រជែង បង្កើតនូវបរិស្ថានបណ្ដុះពន្លកថ្មី ផ្ដល់ការលើកទឹកចិត្ត ការសម្របសម្រួល និងការគាំទ្រ ក្នុងការអភិវឌ្ឍសមត្ថភាព ការបញ្ចេញគំនិតច្នៃប្រឌិត និងសម្លេងរបស់យុវផលិតករវ័យក្មេងកម្ពុជា ដើម្បីរួមចំណែកអភិវឌ្ឍឧស្សាហកម្មភាពយន្តជាតិ។ 
សម្រាប់ខ្លឹមសារគោលនៃរឿង មហោស្រពជាតិភាពយន្តខ្នាតខ្លីកម្ពុជាឆ្នាំ២០១៦ (1stCNSFF) នឹងជ្រើសរើសខ្លឹមសារគោលចំនួនពីរ ចំពោះការផលិតស្នាដៃសម្រាប់ការចូលរួមប្រកួត គឺទី១ ផ្ដោតទៅលើ ប្រធានបទដែលមានមូលដ្ឋានលើខ្លឹមសារគោល (វប្បធម៌ និងសង្គម) និងទី២ ប្រធានបទដែលមានមូលដ្ឋានលើខ្លឹមសារគោល (សង្គម និងការអភិវឌ្ឍ)។
ម្យ៉ាងវិញទៀត សម្រាប់ខ្លឹមសារគោលទី១ ផ្ដោតលើចំណេះដឹង ឥរិយាបថនិងអាកប្បកិរិយា ដែលទាក់ទងទៅនឹងជីវិតរស់នៅប្រចាំថ្ងៃ និងបទពិសោធន៍របស់មនុស្សវ័យក្មេង។ ទាក់ទងនឹងនេះ ខ្លឹមសារគោលនៃរឿងវប្បធម៌ឆ្លុះបញ្ចាំងពីអារម្មណ៍ សេចក្ដីស្រលាញ់ សេចក្តីទុក្ខព្រួយនៃជីវិត ឬជាការឆ្លុះបញ្ចាំងនៃលក្ខណៈសង្គមពីជីវិតគ្រួសារជំនឿសាសនា និងមិត្តភាព។
បន្ថែមលើនេះ ចំពោះខ្លឹមសារគោលទី២ ផ្ដោតទៅលើបញ្ហាសំខាន់ដែលប្រជាជន ជាពិសេសយុវជនកម្ពុជា នឹងអាចប្រឈម ដំណោះស្រាយ និងការរួមចំណែករបស់ខ្លួនទៅនឹងការអភិវឌ្ឍសេដ្ឋកិច្ច សង្គម ឬជាការឆ្លុះបញ្ចាំងពីព្រឹត្តការណ៍សង្គម និងការអភិវឌ្ឍសហគមន៍។
ជាមួយគ្នានេះ សម្រាប់ពេលវេលានៃការរៀបចំបពិធីបើកមហោស្រព (1stCNSFF) ប្រារព្ធឡើងនៅថ្ងៃទី០៩ ខែមករា ឆ្នាំ២០១៧ និងពិធីបិទមហោស្រពនៅថ្ងៃទី១៤ ខែមករា ឆ្នាំ២០១៧ នៅសាលសន្និសីទចុតមុខ។ ដោយឡែក កាលបរិច្ឆេទចុងក្រោយនៃការទទួលស្នាដៃភាពយន្តខ្នាតខ្លីដែលចូលរួមប្រកួតប្រជែងសម្រាប់អ្នកមិនឆ្លងកាត់ថ្នាក់តែងនិពន្ធរឿង (Script Lab) និងស្នាដៃភាពយន្តខ្នាតខ្លីដែលចូលរួមបញ្ចាំងបង្ហាញ នៅថ្ងៃទី១៥ខែវិច្ឆិកា ឆ្នាំ២០១៦។ ចំណែកឯ កាលបរិច្ឆេទចុងក្រោយ សម្រាប់អ្នកឆ្លងកាត់ថ្នាក់តែងនិពន្ធរឿង (Script Lab) នៅថ្ងៃទី៣០ ខែវិច្ឆិកា ឆ្នាំ២០១៦។
គួរបញ្ជាក់ដែរថា សម្រាប់ជ័យលាភីលេខ១ ទទួលបានពានមាស អមដោយថវិកា ៣.០០០ ដុល្លាអាមេរិក។ ចំណែកឯជ័យលាភីលេខ២ ទទួលបានពានប្រាក់ អមដោយថវិកា ២.០០០ ដុល្លាអាមេរិក និងជ័យលាភីលេខ៣ ទទួលបានពានសំរិទ្ធ អមដោយថវិកា ១.០០០ ដុល្លាអាមេរិក។
សូមបញ្ជាក់ថា ដើម្បីជ្រាបព័ត៌មានកាន់តែច្បាស់ លោកអ្នកអាចទាក់ទងតាមអាសយដ្ឋាន លេខាធិការដ្ឋាននៃគណៈកម្មការរៀបចំមហោស្រពជាតិភាពយន្តខ្នាតខ្លីកម្ពុជាលើកទី១ ឆ្នាំ២០១៦ សិត្ថនៅក្នុងនាយកដ្ឋានសិល្បភាពយន្ត និងផ្សព្វផ្សាយវប្បធម៌ អាគារលេខ ៧០ ផ្លូវលេខ ២០០ សង្កាត់ បឹងរាំង ខណ្ឌដូនពេញ រាជធានីភ្នំពេញ។ គេហទំព័រ www.cambodiafilm.gov.kh ៕
សម្រាប់ខ្លឹមសារគោលនៃរឿង មហោស្រពជាតិភាពយន្តខ្នាតខ្លីកម្ពុជាឆ្នាំ២០១៦ (1stCNSFF) នឹងជ្រើសរើសខ្លឹមសារគោលចំនួនពីរ ចំពោះការផលិតស្នាដៃសម្រាប់ការចូលរួមប្រកួត គឺទី១ ផ្ដោតទៅលើ ប្រធានបទដែលមានមូលដ្ឋានលើខ្លឹមសារគោល (វប្បធម៌ និងសង្គម) និងទី២ ប្រធានបទដែលមានមូលដ្ឋានលើខ្លឹមសារគោល (សង្គម និងការអភិវឌ្ឍ)។
ម្យ៉ាងវិញទៀត សម្រាប់ខ្លឹមសារគោលទី១ ផ្ដោតលើចំណេះដឹង ឥរិយាបថនិងអាកប្បកិរិយា ដែលទាក់ទងទៅនឹងជីវិតរស់នៅប្រចាំថ្ងៃ និងបទពិសោធន៍របស់មនុស្សវ័យក្មេង។ ទាក់ទងនឹងនេះ ខ្លឹមសារគោលនៃរឿងវប្បធម៌ឆ្លុះបញ្ចាំងពីអារម្មណ៍ សេចក្ដីស្រលាញ់ សេចក្តីទុក្ខព្រួយនៃជីវិត ឬជាការឆ្លុះបញ្ចាំងនៃលក្ខណៈសង្គមពីជីវិតគ្រួសារជំនឿសាសនា និងមិត្តភាព។
បន្ថែមលើនេះ ចំពោះខ្លឹមសារគោលទី២ ផ្ដោតទៅលើបញ្ហាសំខាន់ដែលប្រជាជន ជាពិសេសយុវជនកម្ពុជា នឹងអាចប្រឈម ដំណោះស្រាយ និងការរួមចំណែករបស់ខ្លួនទៅនឹងការអភិវឌ្ឍសេដ្ឋកិច្ច សង្គម ឬជាការឆ្លុះបញ្ចាំងពីព្រឹត្តការណ៍សង្គម និងការអភិវឌ្ឍសហគមន៍។
ជាមួយគ្នានេះ សម្រាប់ពេលវេលានៃការរៀបចំបពិធីបើកមហោស្រព (1stCNSFF) ប្រារព្ធឡើងនៅថ្ងៃទី០៩ ខែមករា ឆ្នាំ២០១៧ និងពិធីបិទមហោស្រពនៅថ្ងៃទី១៤ ខែមករា ឆ្នាំ២០១៧ នៅសាលសន្និសីទចុតមុខ។ ដោយឡែក កាលបរិច្ឆេទចុងក្រោយនៃការទទួលស្នាដៃភាពយន្តខ្នាតខ្លីដែលចូលរួមប្រកួតប្រជែងសម្រាប់អ្នកមិនឆ្លងកាត់ថ្នាក់តែងនិពន្ធរឿង (Script Lab) និងស្នាដៃភាពយន្តខ្នាតខ្លីដែលចូលរួមបញ្ចាំងបង្ហាញ នៅថ្ងៃទី១៥ខែវិច្ឆិកា ឆ្នាំ២០១៦។ ចំណែកឯ កាលបរិច្ឆេទចុងក្រោយ សម្រាប់អ្នកឆ្លងកាត់ថ្នាក់តែងនិពន្ធរឿង (Script Lab) នៅថ្ងៃទី៣០ ខែវិច្ឆិកា ឆ្នាំ២០១៦។
គួរបញ្ជាក់ដែរថា សម្រាប់ជ័យលាភីលេខ១ ទទួលបានពានមាស អមដោយថវិកា ៣.០០០ ដុល្លាអាមេរិក។ ចំណែកឯជ័យលាភីលេខ២ ទទួលបានពានប្រាក់ អមដោយថវិកា ២.០០០ ដុល្លាអាមេរិក និងជ័យលាភីលេខ៣ ទទួលបានពានសំរិទ្ធ អមដោយថវិកា ១.០០០ ដុល្លាអាមេរិក។
សូមបញ្ជាក់ថា ដើម្បីជ្រាបព័ត៌មានកាន់តែច្បាស់ លោកអ្នកអាចទាក់ទងតាមអាសយដ្ឋាន លេខាធិការដ្ឋាននៃគណៈកម្មការរៀបចំមហោស្រពជាតិភាពយន្តខ្នាតខ្លីកម្ពុជាលើកទី១ ឆ្នាំ២០១៦ សិត្ថនៅក្នុងនាយកដ្ឋានសិល្បភាពយន្ត និងផ្សព្វផ្សាយវប្បធម៌ អាគារលេខ ៧០ ផ្លូវលេខ ២០០ សង្កាត់ បឹងរាំង ខណ្ឌដូនពេញ រាជធានីភ្នំពេញ។ គេហទំព័រ www.cambodiafilm.gov.kh ៕
© រក្សាសិទ្ធិដោយ thmeythmey.com
