ជាតិ
×![]()
ក្រសួងពាណិជ្ជកម្ម គ្រោងរៀបចំពិព័រណ៍ពាណិជ្ជកម្មផលិតផលខ្មែរ លើកទី៤ នៅរាជធានីភ្នំពេញ នាខែតុលា ហើយបន្តរៀបចំនៅខេត្តផ្សេងៗ ទៀត នៅឆ្នាំខាងមុខ។ នេះជាការលើកឡើងរបស់រដ្ឋមន្ត្រីក្រសួងពាណិជ្ជកម្ម ក្នុងពិធីសម្ពោធពិព័រណ៍ពាណិជ្ជកម្មផលិតផលខ្មែរលើកទី៣ នៅក្នុងខេត្តព្រះសីហនុកន្លងទៅ។
ទីភ្នាក់ងារសារព័ត៌មានកម្ពូជាAKP បានដកស្រង់សម្ដីលោក ប៉ាន់ សូរស័ក្កិ រដ្ឋមន្ត្រីក្រសួងពាណិជ្ជកម្មថា ការបើកដាក់តាំងពិព័រណ៍ ពាណិជ្ជកម្មផលិតផលខ្មែរនេះ គឺសិត្ថនៅក្នុងដំណាក់កាលការប្រកួតប្រជែងទាំងក្នុងតំបន់ និងសកលលោក ដើម្បីជួយដល់រោងចក្រ សហគ្រាស សិប្បកម្ម និងផលិតកម្មទាំងឡាយនៅកម្ពុជា។ ក្រសួងពាណិជ្ជកម្មរៀបចំ យុទ្ធនាការទិញផលិតផលខ្មែរ ក្នុងគោលបំណងក្រើនរម្លឹកស្មារតីដល់អ្នកប្រើប្រាស់ទាំងឡាយ ឲ្យងាកមកប្រើប្រាស់ទំនិញក្នុងស្រុក ដើម្បីកាត់បន្ថយការហូរចូលទំនិញពីបរទេស និងជំរុញការនាំចេញផលិតផលខ្មែរទៅក្រៅប្រទេស។ ម្យ៉ាងវិញទៀត ចូលរួមចំណែកជួយពង្រឹងសមត្ថភាពផលិត និងបង្កើនការងារធ្វើជូនប្រជាជនក្នុងស្រុក។
រដ្ឋមន្ត្រីក្រសួងពាណិជ្ជកម្មបានបន្តថា ផលិតផល និងសេវាជាច្រើនប្រភេទ ត្រូវបានដាក់បង្ហាញ ក្នុងព្រឹត្តិការណ៍ពាណិជ្ជកម្មផលិតផលនេះ មានផលិតផលកសិពាណិជ្ជកម្ម ផលិតផលសិប្បកម្មជាវត្ថុអនុស្សារីយ៌ ផលិតផលម្ហូបអាហារ និងភេសជ្ជៈ ផលិតផលសុខភាពនិងសម្រស់ សេវាទេសចរណ៍ និងអប់រំ។ បន្ថែមលើនេះ មានផលិតផលសំណង់ និងផលិតផលប្រើប្រាស់ទូទៅផ្សេងៗទៀត ដើម្បីទាក់ទាញអ្នកចូលមកទស្សនាពិព័រណ៍ ឲ្យកាន់តែច្រើន ព្រោះផលិតផលរបស់ខ្មែរក្នុងស្រុក មិនចាញ់ផលិតផល ដែលនាំចូលពីបរទេសឡើយ។
សូមបញ្ជាក់ដែរថា ក្រសួងពាណិជ្ជកម្មបានកំពុថរៀបចំព្រឹត្តិការណ៍លើកទី៣ នៅលើទឹកដីតំបន់ឆ្នេរសមុទ្រ មានរយៈពេល៤ថ្ងៃ គឺពីថ្ងៃទី២៨ ដល់ថ្ងៃទី៣១ ខែកក្កដា ឆ្នាំ២០១៦នេះ។ ទន្ទឹមនឹងនេះ កាលពីលើកទី១ ពិព័រណ៍ពាណិជ្ជកម្មផលិតផលខ្មែរ បានរៀបចំនៅខេត្តសៀមរាប និងទី២ ធ្វើនៅខេត្តកំពង់ចាម ហើយត្រៀមរៀបចំ ព្រឹត្តិការណ៍ ពិព័រណ៍ពាណិជ្ជកម្មផលិតផលខ្មែរ លើកទី៤ នៅរាជធានីភ្នំពេញនាពេលខាងមុខបន្តទៀតនេះ៕
ទីភ្នាក់ងារសារព័ត៌មានកម្ពូជាAKP បានដកស្រង់សម្ដីលោក ប៉ាន់ សូរស័ក្កិ រដ្ឋមន្ត្រីក្រសួងពាណិជ្ជកម្មថា ការបើកដាក់តាំងពិព័រណ៍ ពាណិជ្ជកម្មផលិតផលខ្មែរនេះ គឺសិត្ថនៅក្នុងដំណាក់កាលការប្រកួតប្រជែងទាំងក្នុងតំបន់ និងសកលលោក ដើម្បីជួយដល់រោងចក្រ សហគ្រាស សិប្បកម្ម និងផលិតកម្មទាំងឡាយនៅកម្ពុជា។ ក្រសួងពាណិជ្ជកម្មរៀបចំ យុទ្ធនាការទិញផលិតផលខ្មែរ ក្នុងគោលបំណងក្រើនរម្លឹកស្មារតីដល់អ្នកប្រើប្រាស់ទាំងឡាយ ឲ្យងាកមកប្រើប្រាស់ទំនិញក្នុងស្រុក ដើម្បីកាត់បន្ថយការហូរចូលទំនិញពីបរទេស និងជំរុញការនាំចេញផលិតផលខ្មែរទៅក្រៅប្រទេស។ ម្យ៉ាងវិញទៀត ចូលរួមចំណែកជួយពង្រឹងសមត្ថភាពផលិត និងបង្កើនការងារធ្វើជូនប្រជាជនក្នុងស្រុក។
រដ្ឋមន្ត្រីក្រសួងពាណិជ្ជកម្មបានបន្តថា ផលិតផល និងសេវាជាច្រើនប្រភេទ ត្រូវបានដាក់បង្ហាញ ក្នុងព្រឹត្តិការណ៍ពាណិជ្ជកម្មផលិតផលនេះ មានផលិតផលកសិពាណិជ្ជកម្ម ផលិតផលសិប្បកម្មជាវត្ថុអនុស្សារីយ៌ ផលិតផលម្ហូបអាហារ និងភេសជ្ជៈ ផលិតផលសុខភាពនិងសម្រស់ សេវាទេសចរណ៍ និងអប់រំ។ បន្ថែមលើនេះ មានផលិតផលសំណង់ និងផលិតផលប្រើប្រាស់ទូទៅផ្សេងៗទៀត ដើម្បីទាក់ទាញអ្នកចូលមកទស្សនាពិព័រណ៍ ឲ្យកាន់តែច្រើន ព្រោះផលិតផលរបស់ខ្មែរក្នុងស្រុក មិនចាញ់ផលិតផល ដែលនាំចូលពីបរទេសឡើយ។
សូមបញ្ជាក់ដែរថា ក្រសួងពាណិជ្ជកម្មបានកំពុថរៀបចំព្រឹត្តិការណ៍លើកទី៣ នៅលើទឹកដីតំបន់ឆ្នេរសមុទ្រ មានរយៈពេល៤ថ្ងៃ គឺពីថ្ងៃទី២៨ ដល់ថ្ងៃទី៣១ ខែកក្កដា ឆ្នាំ២០១៦នេះ។ ទន្ទឹមនឹងនេះ កាលពីលើកទី១ ពិព័រណ៍ពាណិជ្ជកម្មផលិតផលខ្មែរ បានរៀបចំនៅខេត្តសៀមរាប និងទី២ ធ្វើនៅខេត្តកំពង់ចាម ហើយត្រៀមរៀបចំ ព្រឹត្តិការណ៍ ពិព័រណ៍ពាណិជ្ជកម្មផលិតផលខ្មែរ លើកទី៤ នៅរាជធានីភ្នំពេញនាពេលខាងមុខបន្តទៀតនេះ៕
© រក្សាសិទ្ធិដោយ thmeythmey.com
