ជាតិ
សម្តេច ហ៊ុន សែន៖ តើសិទ្ធិមនុស្ស និងប្រជាធិបតេយ្យនៅមជ្ឈឹមបូព៌ាកើតជារូបរាងហើយឬនៅ?
×![]()
ដោយ: ថ្មីៗ
សម្តេចនាយករដ្ឋមន្ត្រី ហ៊ុន សែន បានវាយតម្លៃថា អន្តរាគមន៍របស់បរទេស ជាពិសេសសហរដ្ឋអាមេរិក និងសម្ព័ន្ធមិត្តនៅមជ្ឈឹមបូព៌ា ក្រោមហេតុផលលទ្ធិប្រជាធិបតេយ្យ និងសិទ្ធិមនុស្ស ហាក់មិនទទួលបានសមិទ្ធផលអ្វីនោះឡើយ។ សម្តេចបានថ្លែងបែបនេះ នាពិធីចែករង្វាន់ដល់ជ័យលាភីក្នុងកម្មវិធី «ខ្ញុំជាយុវជនគំរូកម្ពុជា» នៅវិមានសន្តិភាព កាលពីព្រឹកថ្ងៃអាទិត្យ ទី៣១ ខែកក្កដា។
ការជ្រៀតជ្រែករបស់បរទេស រួមទាំងការបង្កើតឲ្យមានបដិវត្តពណ៌ ដូចជានៅលីប៊ី ស៊ីរី យ៉េមែន អេហ្ស៊ីប ឬអ៊ីរ៉ាក់ ជាដើមនោះ មិនបានធ្វើឲ្យប្រទេសនៅតំបន់មជ្ឈឹមបូព៌ាទាំងនោះ ទទួលបាននូវផលវិជ្ជមាននោះឡើយ។ សម្តេច ហ៊ុន សែន បានចោទជាសំណួរថា៖ «តើអ្នកទាំងនោះ បានទទួលសមិទ្ធផលអីទៅ ក្រោមហេតុផលលទ្ធិប្រជាធិបតេយ្យ និងសិទ្ធិមនុស្ស? តើសិទ្ធិមនុស្ស និងប្រជាធិបតេយ្យនៅមជ្ឍឹមបូព៌ា បានកើតជារូបរាងហើយ ឬនៅ? »។
នៅចំពោះមុខយុវជននាពិធីចែករង្វាន់ដល់ជ័យលាភីក្នុងកម្មវិធី «ខ្ញុំជាយុវជនគំរូកម្ពុជា» នៅវិមានសន្តិភាព កាលពីព្រឹកថ្ងៃអាទិត្យ ទី៣១ ខែកក្កដា នេះ សម្តេចនាយករដ្ឋមន្ត្រី ហ៊ុន សែន មើលឃើញថា មនុស្សរាប់រយ រាប់ពាន់ បន្តស្លាប់ជារៀងរាល់ថ្ងៃ ក្រោយមានការជ្រៀតជ្រែករបស់បរទេសទៅលើតំបន់មជ្ឈឹមបូព៌ា។
សម្តេច បាននិយាយចំៗថា៖ «នេះហើយជាលទ្ធផលនៃការធ្វើនយោបាយខុស ហើយអ្នកដែលខុសគឺអាមេរិកាំងតែម្តង ឥលូវ សូម្បីតែ Donald Trump ដែលជាបេក្ខជនប្រធានាធិបតីបក្សសាធារណរដ្ឋ ក៏បានចេញមកអះអាងថា ជាការខុសឆ្គងមួយដែលទម្លាក់គ្រាប់បែក បានត្រឹមតែសម្លាប់សាដាម ហ៊ូសេន ទីចុងបំផុតតើអឺរ៉ាក់បានសេចក្តីសុខហើយនៅ? អត់ទេ ឥលូវទឹកដីមួយចំនួនពួក ISIS កំពុងកាន់កាប់នៅឡើយទេ ហើយចាប់ផ្តើមវាយដណ្តើមយកកន្លែងនេះ កន្លែងនោះ តម្រូវឲ្យមានអន្តារគមន៍ជាប់រហូតរវាងសហរដ្ឋអាមេរិក និងសម្ព័ន្ធមិត្ត »។
សម្តេច ហ៊ុន សែន ក៏បានកត់សម្គាល់ផងដែរថា ប្រទេសនៅតំបន់អឺរ៉ុប ក៏កំពុងតែមានស្ថានភាពពិបាកផងដែរ ដោយសារការតាមវាយប្រហាររបស់ក្រុមភេរវកម្ម ហើយលំហូរអន្តោរប្រវេសន៍ពីមជ្ឈឹមបូព៌ាទៅកាន់អឺរ៉ុបក៏មានចំនួនកាន់តែរីកធំ។ ទោះបីជាយ៉ាងណាក៏ដោយ សម្តេចបានថ្កោលទោសរាល់សកម្មភាពភេរវកម្ម។
ភ្ជាប់មកកម្ពុជា សម្តេចនាយករដ្ឋមន្ត្រី បានលើកឡើងពីសន្តិភាពពេញលេញនាពេលបច្ចុប្បន្ន ហើយសម្តេចបានប្រៀបធៀបពីស្ថានភាពលំបាករបស់កម្ពុជានៅសម័យលន់ ណុល ដែលនោះកាលនោះ យុវជន សិស្ស និស្សិត ក៏ដូចជាគ្រូបង្រៀនត្រូវបានចាប់ឲ្យធ្វើទាហាន ហើយរស់នៅដោយការភិតភ័យ៕
ការជ្រៀតជ្រែករបស់បរទេស រួមទាំងការបង្កើតឲ្យមានបដិវត្តពណ៌ ដូចជានៅលីប៊ី ស៊ីរី យ៉េមែន អេហ្ស៊ីប ឬអ៊ីរ៉ាក់ ជាដើមនោះ មិនបានធ្វើឲ្យប្រទេសនៅតំបន់មជ្ឈឹមបូព៌ាទាំងនោះ ទទួលបាននូវផលវិជ្ជមាននោះឡើយ។ សម្តេច ហ៊ុន សែន បានចោទជាសំណួរថា៖ «តើអ្នកទាំងនោះ បានទទួលសមិទ្ធផលអីទៅ ក្រោមហេតុផលលទ្ធិប្រជាធិបតេយ្យ និងសិទ្ធិមនុស្ស? តើសិទ្ធិមនុស្ស និងប្រជាធិបតេយ្យនៅមជ្ឍឹមបូព៌ា បានកើតជារូបរាងហើយ ឬនៅ? »។
នៅចំពោះមុខយុវជននាពិធីចែករង្វាន់ដល់ជ័យលាភីក្នុងកម្មវិធី «ខ្ញុំជាយុវជនគំរូកម្ពុជា» នៅវិមានសន្តិភាព កាលពីព្រឹកថ្ងៃអាទិត្យ ទី៣១ ខែកក្កដា នេះ សម្តេចនាយករដ្ឋមន្ត្រី ហ៊ុន សែន មើលឃើញថា មនុស្សរាប់រយ រាប់ពាន់ បន្តស្លាប់ជារៀងរាល់ថ្ងៃ ក្រោយមានការជ្រៀតជ្រែករបស់បរទេសទៅលើតំបន់មជ្ឈឹមបូព៌ា។
សម្តេច បាននិយាយចំៗថា៖ «នេះហើយជាលទ្ធផលនៃការធ្វើនយោបាយខុស ហើយអ្នកដែលខុសគឺអាមេរិកាំងតែម្តង ឥលូវ សូម្បីតែ Donald Trump ដែលជាបេក្ខជនប្រធានាធិបតីបក្សសាធារណរដ្ឋ ក៏បានចេញមកអះអាងថា ជាការខុសឆ្គងមួយដែលទម្លាក់គ្រាប់បែក បានត្រឹមតែសម្លាប់សាដាម ហ៊ូសេន ទីចុងបំផុតតើអឺរ៉ាក់បានសេចក្តីសុខហើយនៅ? អត់ទេ ឥលូវទឹកដីមួយចំនួនពួក ISIS កំពុងកាន់កាប់នៅឡើយទេ ហើយចាប់ផ្តើមវាយដណ្តើមយកកន្លែងនេះ កន្លែងនោះ តម្រូវឲ្យមានអន្តារគមន៍ជាប់រហូតរវាងសហរដ្ឋអាមេរិក និងសម្ព័ន្ធមិត្ត »។
សម្តេច ហ៊ុន សែន ក៏បានកត់សម្គាល់ផងដែរថា ប្រទេសនៅតំបន់អឺរ៉ុប ក៏កំពុងតែមានស្ថានភាពពិបាកផងដែរ ដោយសារការតាមវាយប្រហាររបស់ក្រុមភេរវកម្ម ហើយលំហូរអន្តោរប្រវេសន៍ពីមជ្ឈឹមបូព៌ាទៅកាន់អឺរ៉ុបក៏មានចំនួនកាន់តែរីកធំ។ ទោះបីជាយ៉ាងណាក៏ដោយ សម្តេចបានថ្កោលទោសរាល់សកម្មភាពភេរវកម្ម។
ភ្ជាប់មកកម្ពុជា សម្តេចនាយករដ្ឋមន្ត្រី បានលើកឡើងពីសន្តិភាពពេញលេញនាពេលបច្ចុប្បន្ន ហើយសម្តេចបានប្រៀបធៀបពីស្ថានភាពលំបាករបស់កម្ពុជានៅសម័យលន់ ណុល ដែលនោះកាលនោះ យុវជន សិស្ស និស្សិត ក៏ដូចជាគ្រូបង្រៀនត្រូវបានចាប់ឲ្យធ្វើទាហាន ហើយរស់នៅដោយការភិតភ័យ៕
Tag:
សម្តេច ហ៊ុន សែន
មជ្ឈឹមបូព៌ា
© រក្សាសិទ្ធិដោយ thmeythmey.com
