ជាតិ
នយោបាយជាតិ
×![]()
ភ្នំពេញ៖ មេធាវីការពារក្តីឲ្យប្រធានគណបក្សសង្គ្រោះជាតិលោក សំ សុខគង់ បានប្តឹងជំទាស់សាលក្រមសាលាដំបូងរាជធានីភ្នំពេញដែលបង្គាប់កូនក្តីលោកឲ្យបង់ថវិកាចំនួន ១០លានរៀលជូនរដ្ឋ និង ១៥០លានរៀលទៀត សងជំងឺចិត្តសម្តេច ហេង សំរិន ទៅសាលាឧទ្ធរណ៍ នៅរសៀលថ្ងៃទី១ ខែសីហា ឆ្នាំ២០១៦។
លោក សំ សុខគង់ ពុំសុខចិត្តទទួលយកសាលក្រមសាលាដំបូងរាជធានីភ្នំពេញដែលសម្រេចឲ្យកូនក្តីលោក ចាញ់ក្តីប្រធានរដ្ឋសភា ពាក់ព័ន្ធនឹងសំណុំរឿងបរិហារកេរ្តិ៍ជាសាធារណៈឡើយ។
មេធាវីការពារក្តីឯកឧត្តម សម រង្ស៊ី តំណាងរាស្ត្រមានអភ័យឯកសិទ្ធិសភាដែលកំពុងនិរទេសខ្លួន នៅក្រៅប្រទេសរូបនេះ បាននិយាយនៅថ្ងៃទី១ សីហានេះ ក្រោយពីលោកបានដាក់ពាក្យប្តឹងជំទាស់ នៅតុលាការក្រុងភ្នំពេញថា សេចក្តីសម្រេចរបស់តុលាការដំបូង ពុំអាចទទួលយកបានឡើយ ខណៈពេលមេធាវី និងឯកឧត្តម សម រង្ស៊ី អវត្តមានក្នុងសវនាការ។
យ៉ាងណា មេធាវីការពារមេបក្សប្រឆាំងខាងលើ ហាក់ពុំជឿជាក់លើឯករាជ្យភាពរបស់តុលាការកម្ពុជាឡើយ។ «តែយើងរង់ចាំមើលសាលាឧទ្ធរណ៍ពិនិត្យផ្លូវច្បាប់សិន»។ លោក សំ សុខគង់ បញ្ជាក់យ៉ាងខ្លី បន្ថែមលើសេចក្តីសម្រេចពិន័យ ឯកឧត្តម សម រង្ស៊ី ឲ្យបង់ថវិកាចំនួន១០លានរៀលជូនរដ្ឋ និងសងសំណងជំងឺចិត្តចំនួន ១៥០លានរៀលជូនសម្តេច ហេង សំរិន តាមមាត្រា ៣០៥ នៃក្រមព្រហ្មទណ្ឌ។
ពាក់ព័ន្ធករណីនេះ មេធាវីតំណាងរបស់សម្តេច ហេង សំរិន លោក គី តិច ពុំទាន់គិតពីការប្តឹងឯកឧត្តម សម រង្ស៊ី ដោយចោទថា ការផ្សព្វផ្សាយនេះពុំបានឆ្លុះបញ្ចាំងពីការពិត និងគ្មានឯកសារច្បាស់លាស់ បន្តទៅសាលាឧទ្ធរណ៍នោះទេ។
លោកបានប្រាប់អ្នកសារព័ត៌មាន ក្រោយលោកដាក់ពាក្យឯកឧត្តម សម រង្ស៊ី មួយករណីទៀត ដែលចោទសម្តេច ហ៊ុន សែន ថា ជាអ្នកសម្លាប់លោក កែម ឡី នៅថ្ងៃទី១ សីហានេះ មុខតុលាការភ្នំពេញថា លោកនឹងសួរសម្តេច ហេង សំរិន យល់ព្រមទទួលសាលក្រមនេះបានទេ? មុនពេលលោកប្តឹង ទាស់ឧទ្ធរណ៍ថែមទៀត។
ចៅក្រមសាលាដំបូងរាជធានីភ្នំពេញ បានសម្រេចភ្លាមៗនៅថ្ងៃទី២៨ ខែកក្កដា ឆ្នាំ២០១៦ ឲ្យឯកឧត្តម សម រង្ស៊ី ចាញ់ក្តីសម្តេច ហេង សំរិន ក្រោយបើកសវនាការជិត ១ម៉ោង។ លោក រស់ ពិសិដ្ឋ បានបង្គាប់ប្រធានគណបក្សប្រឆាំងឲ្យបង់ថវិកាចំនួន ១០ លានរៀលជូនរដ្ឋ និង ១៥០ លានរៀល ស្មើនឹងជាង ៣ម៉ឺនដុល្លារជូនប្រធានរដ្ឋសភា។ លោកសំអាងថា ឯកឧត្តម សម រង្ស៊ី គ្មានភស្តុតាងច្បាស់លាស់ជូនតុលាការ។ ការសម្រេចនេះធ្វើឡើងតាមពាក្យបណ្តឹងប្តឹងទារជំងឺចិត្ត ៣០០ លានរៀលរបស់លោក គី តិច មេធាវីការពារក្តីសម្តេច ហេង សំរិន។
ឯកឧត្តម សម រង្ស៊ី បានរិះគន់របបការកើតថ្ងៃ៧មករា ១៩៧៩ តាមរយៈទំព័រហ្វេសប៊ុករបស់លោកកាលពីថ្ងៃទី១៧ ខែវិច្ឆិកា ឆ្នាំ២០១៥ថា របបរដ្ឋកម្ពុជា ដឹកនាំដោយសម្តេច ហេង សំរិន បានបង្គាប់តុលាការឲ្យកាត់ទោសប្រហារជីវិតសម្តេចព្រះ នរោត្តម សីហនុ ដោយចោទព្រះអង្គជាជនក្បត់ជាតិ។
គួរជម្រាបជូនថា ក្រៅពីបទចោទខាងលើ ឯកឧត្តម សម រង្ស៊ី ដែលកំពុងស្ថិតនៅក្រៅប្រទេសនោះ មានក្តីក្តាំនៅតុលាការនូវសំណុំរឿង ៣ ផ្សេងទៀត មិនទាន់ចប់ផងដែរ ក្នុងនោះ រួមមាន ទី១. បទសមគំនិតក្នុងអំពើបន្លំឯកសារសាធារណៈ ប្រើប្រាស់ឯកសារសាធារណៈក្លែង និងញុះញង់ឲ្យមានភាពវឹកវរដល់សង្គម។ ទី២. បទបរិហារកេរ្តិ៍ លោក ហោ ណាំហុង អតីតរដ្ឋមន្ត្រីក្រសួងការបរទេស ដែលឯកឧត្តម សម រង្ស៊ី ចោទប្រកាន់លោក ហោ ណាំហុង ថា បានឃុបឃិតជាមួយក្រុមខ្មែរក្រហម ពេលដែលលោក ហោ ណាំហុង នៅជាប់ក្នុងពន្ធនាគារបឹងត្របែក។ ទី ៣ រឿងក្តីក្តាំទាក់នឹងបទបរិហារកេរ្តិ៍ ដែលប្តឹងដោយលោក សោម សឿន រដ្ឋមន្ត្រីអមនាយករដ្ឋមន្ត្រី ដោយសារឯកឧត្តម សម រង្ស៊ី លើកឡើងថា លោក សម សឿន ឲ្យមន្ត្រីរាជការ កងកម្លាំងប្រដាប់អាវុធ បង្កើតហ្វេសប៊ុកសប្បនិមិត្តចុច Like ទំព័រហ្វេសប៊ុកសម្តេច ហ៊ុន សែន៕
លោក សំ សុខគង់ ពុំសុខចិត្តទទួលយកសាលក្រមសាលាដំបូងរាជធានីភ្នំពេញដែលសម្រេចឲ្យកូនក្តីលោក ចាញ់ក្តីប្រធានរដ្ឋសភា ពាក់ព័ន្ធនឹងសំណុំរឿងបរិហារកេរ្តិ៍ជាសាធារណៈឡើយ។
មេធាវីការពារក្តីឯកឧត្តម សម រង្ស៊ី តំណាងរាស្ត្រមានអភ័យឯកសិទ្ធិសភាដែលកំពុងនិរទេសខ្លួន នៅក្រៅប្រទេសរូបនេះ បាននិយាយនៅថ្ងៃទី១ សីហានេះ ក្រោយពីលោកបានដាក់ពាក្យប្តឹងជំទាស់ នៅតុលាការក្រុងភ្នំពេញថា សេចក្តីសម្រេចរបស់តុលាការដំបូង ពុំអាចទទួលយកបានឡើយ ខណៈពេលមេធាវី និងឯកឧត្តម សម រង្ស៊ី អវត្តមានក្នុងសវនាការ។
យ៉ាងណា មេធាវីការពារមេបក្សប្រឆាំងខាងលើ ហាក់ពុំជឿជាក់លើឯករាជ្យភាពរបស់តុលាការកម្ពុជាឡើយ។ «តែយើងរង់ចាំមើលសាលាឧទ្ធរណ៍ពិនិត្យផ្លូវច្បាប់សិន»។ លោក សំ សុខគង់ បញ្ជាក់យ៉ាងខ្លី បន្ថែមលើសេចក្តីសម្រេចពិន័យ ឯកឧត្តម សម រង្ស៊ី ឲ្យបង់ថវិកាចំនួន១០លានរៀលជូនរដ្ឋ និងសងសំណងជំងឺចិត្តចំនួន ១៥០លានរៀលជូនសម្តេច ហេង សំរិន តាមមាត្រា ៣០៥ នៃក្រមព្រហ្មទណ្ឌ។
ពាក់ព័ន្ធករណីនេះ មេធាវីតំណាងរបស់សម្តេច ហេង សំរិន លោក គី តិច ពុំទាន់គិតពីការប្តឹងឯកឧត្តម សម រង្ស៊ី ដោយចោទថា ការផ្សព្វផ្សាយនេះពុំបានឆ្លុះបញ្ចាំងពីការពិត និងគ្មានឯកសារច្បាស់លាស់ បន្តទៅសាលាឧទ្ធរណ៍នោះទេ។
លោកបានប្រាប់អ្នកសារព័ត៌មាន ក្រោយលោកដាក់ពាក្យឯកឧត្តម សម រង្ស៊ី មួយករណីទៀត ដែលចោទសម្តេច ហ៊ុន សែន ថា ជាអ្នកសម្លាប់លោក កែម ឡី នៅថ្ងៃទី១ សីហានេះ មុខតុលាការភ្នំពេញថា លោកនឹងសួរសម្តេច ហេង សំរិន យល់ព្រមទទួលសាលក្រមនេះបានទេ? មុនពេលលោកប្តឹង ទាស់ឧទ្ធរណ៍ថែមទៀត។
ចៅក្រមសាលាដំបូងរាជធានីភ្នំពេញ បានសម្រេចភ្លាមៗនៅថ្ងៃទី២៨ ខែកក្កដា ឆ្នាំ២០១៦ ឲ្យឯកឧត្តម សម រង្ស៊ី ចាញ់ក្តីសម្តេច ហេង សំរិន ក្រោយបើកសវនាការជិត ១ម៉ោង។ លោក រស់ ពិសិដ្ឋ បានបង្គាប់ប្រធានគណបក្សប្រឆាំងឲ្យបង់ថវិកាចំនួន ១០ លានរៀលជូនរដ្ឋ និង ១៥០ លានរៀល ស្មើនឹងជាង ៣ម៉ឺនដុល្លារជូនប្រធានរដ្ឋសភា។ លោកសំអាងថា ឯកឧត្តម សម រង្ស៊ី គ្មានភស្តុតាងច្បាស់លាស់ជូនតុលាការ។ ការសម្រេចនេះធ្វើឡើងតាមពាក្យបណ្តឹងប្តឹងទារជំងឺចិត្ត ៣០០ លានរៀលរបស់លោក គី តិច មេធាវីការពារក្តីសម្តេច ហេង សំរិន។
ឯកឧត្តម សម រង្ស៊ី បានរិះគន់របបការកើតថ្ងៃ៧មករា ១៩៧៩ តាមរយៈទំព័រហ្វេសប៊ុករបស់លោកកាលពីថ្ងៃទី១៧ ខែវិច្ឆិកា ឆ្នាំ២០១៥ថា របបរដ្ឋកម្ពុជា ដឹកនាំដោយសម្តេច ហេង សំរិន បានបង្គាប់តុលាការឲ្យកាត់ទោសប្រហារជីវិតសម្តេចព្រះ នរោត្តម សីហនុ ដោយចោទព្រះអង្គជាជនក្បត់ជាតិ។
គួរជម្រាបជូនថា ក្រៅពីបទចោទខាងលើ ឯកឧត្តម សម រង្ស៊ី ដែលកំពុងស្ថិតនៅក្រៅប្រទេសនោះ មានក្តីក្តាំនៅតុលាការនូវសំណុំរឿង ៣ ផ្សេងទៀត មិនទាន់ចប់ផងដែរ ក្នុងនោះ រួមមាន ទី១. បទសមគំនិតក្នុងអំពើបន្លំឯកសារសាធារណៈ ប្រើប្រាស់ឯកសារសាធារណៈក្លែង និងញុះញង់ឲ្យមានភាពវឹកវរដល់សង្គម។ ទី២. បទបរិហារកេរ្តិ៍ លោក ហោ ណាំហុង អតីតរដ្ឋមន្ត្រីក្រសួងការបរទេស ដែលឯកឧត្តម សម រង្ស៊ី ចោទប្រកាន់លោក ហោ ណាំហុង ថា បានឃុបឃិតជាមួយក្រុមខ្មែរក្រហម ពេលដែលលោក ហោ ណាំហុង នៅជាប់ក្នុងពន្ធនាគារបឹងត្របែក។ ទី ៣ រឿងក្តីក្តាំទាក់នឹងបទបរិហារកេរ្តិ៍ ដែលប្តឹងដោយលោក សោម សឿន រដ្ឋមន្ត្រីអមនាយករដ្ឋមន្ត្រី ដោយសារឯកឧត្តម សម រង្ស៊ី លើកឡើងថា លោក សម សឿន ឲ្យមន្ត្រីរាជការ កងកម្លាំងប្រដាប់អាវុធ បង្កើតហ្វេសប៊ុកសប្បនិមិត្តចុច Like ទំព័រហ្វេសប៊ុកសម្តេច ហ៊ុន សែន៕
Tag:
សម រង្ស៊ី
ហេង សំរិន
តុលាការ
© រក្សាសិទ្ធិដោយ thmeythmey.com
