ជាតិ
តម្លៃដីហក់ឡើងខ្លាំងក្រោយពេលរដ្ឋាភិបាលប្រកាសកាត់ដីចេញពីតំបន់អប្សរា
×![]()
សៀមរាប៖ រយៈពេលចុងក្រោយនេះ ឈ្មួញបានសម្រុកទៅទិញដីក្នុងតំបន់បុរីសណ្ឋាគារអង្គរសៀមរាប ដែលព័ត៌មានច្បាស់ការបាននិយាយថា រដ្ឋាភិបាលសម្រេចកាត់ចេញពីការគ្រប់គ្រងរបស់អាជ្ញាធរជាតិអប្សរា។ កន្លងមក តំបន់នេះត្រូវបានហាមឃាត់សាងសង់លំនៅដ្ឋាននិងអាគារផ្សេងៗ រាប់ទាំងកន្លែងបើកអាជីវកម្មផងដែរ ដោយអាជ្ញាធរលើកហេតុផលថា អាចប៉ះពាល់ដល់សម្បត្តិបេតិកភណ្ឌក្នុងតំបន់នោះ។
បង្គោលរបងព្រំដីជាច្រើនជួរ និងច្រើនខ្សែ ត្រូវបានគេឃើញក្នុងតំបន់បុរីសណ្ឋាគារអង្គរ។ ពីមុនដីនេះ គ្រាន់តែជាវាលស្រែ វាលចំការ ខ្លះទៀត ត្រូវបានម្ចាស់ទុកចោល ដោយពុំមានហ៊ុំរបងអ្វីនោះឡើយ។ រយៈពេលចុងក្រោយនេះ ទីតាំងទាំងនោះមានភាពអ៊ូអរ និងមានកម្មករកំពុងដាំបង្គោលរបងជាច្រើនកន្លែង ទំនងជាវាត្រូវបានលក់ ឫម្ចាស់ដីមានសិទ្ធិអភិវឌ្ឍន៍ផ្ទាល់នៅទីនោះ។
បុរីសណ្ឋាគារអង្គរសៀមរាប គឺជាផ្នែកមួយដែលស្ថិតក្រោមការគ្រប់គ្រងរបស់អាជ្ញាធរជាតិអប្សរា តាមរយៈអនុក្រិត្យរបស់រាជរដ្ឋាភិបាល។ ប្រជាជនក្នុងតំបន់នោះ មានសិទ្ធិរស់នៅ តែពួកគេត្រូវបានហាមឃាត់មិនអោយសង់ផ្ទះបន្ថែម ឫបើមានការជួសជុល ត្រូវស្នើសុំច្បាប់ទៅអាជ្ញាធរជាតិអប្សរាជាមុន។
លោក តឹម ដារឿន ប្រធានសាខាក្រុមហ៊ុន ប៊ុណ្ណា រៀលធី ប្រចាំខេត្តសៀមរាប បានឲ្យដឹងថា តម្លៃដីឡើងខ្លាំង ចាប់រង្វង់មូលអប្សរា (ផ្លូវ៦០ម៉ែត្រ) រហូតដល់រង្វង់មូលព្រៃគុយ។ លោក តឹម ដារឿន លម្អិតថា សព្វថ្ងៃនេះ តម្លៃដីគឺចាប់ពី៦០ទៅ៨០ដុល្លារក្នុងមួយម៉ែត្រការ៉េ និងឈ្មួញខ្លះហ៊ានឲ្យតម្លៃលើស១០០ដុល្លារក៏មាន។ ខុសពីមុន ដែលតំបន់ទាំងនោះ ស្ថិតក្នុងការគ្រប់គ្រងរបស់អាជ្ញាធរជាតិអប្សរានៅឡើយ គឺតម្លៃចន្លោះពី ២០ទៅ៣០ដុល្លារតែប៉ុណ្ណោះ។ នេះជាការបញ្ជាក់របស់លោក តឹម ដារឿន។
តាមការបញ្ជាក់ពីអ្នកជំនាញវាយតម្លៃអចលនទ្រព្យ តម្លៃក្នុងបុរីសណ្ឋាគារអង្គរសៀមរាប បានចាប់ផ្តើមកក្រើកឡើង ចាប់ពីចុងឆ្នាំ២០១៥ និងដើមឆ្នាំ២០១៦មកម្លេះ។ ព្រោះថា សំណង់អាគារសាលាខេត្តថ្មី ត្រូវបានសាងសង់ក្នុងតំបន់នោះ។ «ធម្មតា នៅកន្លែងណាដែលមានសាលាខេត្ត វានឹងទាញតម្លៃដីក្នុងតំបន់នោះឲ្យកាន់តែខ្ពស់។ តំបន់នោះ គឺជាផ្លូវជាតិលេខ៦Aទី២ ព្រោះវាធំ។ តំបន់នេះ គេអាចសង់ជាសណ្ឋាគារ ភោជនីយដ្ឋាន។ល។ ហើយវាកាន់តែឡើងថ្លៃថែមទៀត ប្រសិនបើម្ចាស់ដីចាប់ផ្តើមចាក់ដីបំពេញ»។
បុរីសណ្ឋាគារអង្គរសៀមរាប ដែលស្ថិតក្រោមការគ្រប់គ្រងរបស់អាជ្ញាធរជាតិអប្សរា ក្របដណ្តប់លើសង្កាត់៣ក្នុងក្រុងសៀមរាប មានសង្កាត់នគរធំ សង្កាត់ស្លក្រាម និងសង្កាត់អំពិល។ យោងតាមអនុក្រឹត្យលេខ១៥៨ របស់រាជរដ្ឋាភិបាលកម្ពុជា ចុះថ្ងៃទី២៥ កក្កដា ឆ្នាំ២០១៦ បានសម្រេចប្រទានកម្មសិទ្ធិគ្រប់គ្រងទៅឲ្យប្រជាពលរដ្ឋ ដែលអាស្រ័យផល និងកាន់កាប់ជាក់ស្តែង លើកលែងតែដីដែលបានដោះស្រាយតាមគោលនយោបាយរួចរាល់តែប៉ុណ្ណោះ។ នេះជាអនុក្រឹត្យទី៣ហើយ ដែលគេនៅចាំថា កាលពីខែមេសាឆ្នាំ២០១៥ ក្នុងពិធីចូលរួមបើកព្រឹត្តិការណ៍អង្គរសង្ក្រាន្ត សម្តេច ហ៊ុន សែន បានចេញអនុក្រឹត្យលេខ ៥១ និង៥២ សម្រេចកាត់ដីច្រើនកន្លែងក្នុងតំបន់ខាងលើនេះ ទៅឲ្យប្រជាពលរដ្ឋ ដែលសរុបជាង ២០០ហិកតា៕
បង្គោលរបងព្រំដីជាច្រើនជួរ និងច្រើនខ្សែ ត្រូវបានគេឃើញក្នុងតំបន់បុរីសណ្ឋាគារអង្គរ។ ពីមុនដីនេះ គ្រាន់តែជាវាលស្រែ វាលចំការ ខ្លះទៀត ត្រូវបានម្ចាស់ទុកចោល ដោយពុំមានហ៊ុំរបងអ្វីនោះឡើយ។ រយៈពេលចុងក្រោយនេះ ទីតាំងទាំងនោះមានភាពអ៊ូអរ និងមានកម្មករកំពុងដាំបង្គោលរបងជាច្រើនកន្លែង ទំនងជាវាត្រូវបានលក់ ឫម្ចាស់ដីមានសិទ្ធិអភិវឌ្ឍន៍ផ្ទាល់នៅទីនោះ។
បុរីសណ្ឋាគារអង្គរសៀមរាប គឺជាផ្នែកមួយដែលស្ថិតក្រោមការគ្រប់គ្រងរបស់អាជ្ញាធរជាតិអប្សរា តាមរយៈអនុក្រិត្យរបស់រាជរដ្ឋាភិបាល។ ប្រជាជនក្នុងតំបន់នោះ មានសិទ្ធិរស់នៅ តែពួកគេត្រូវបានហាមឃាត់មិនអោយសង់ផ្ទះបន្ថែម ឫបើមានការជួសជុល ត្រូវស្នើសុំច្បាប់ទៅអាជ្ញាធរជាតិអប្សរាជាមុន។
លោក តឹម ដារឿន ប្រធានសាខាក្រុមហ៊ុន ប៊ុណ្ណា រៀលធី ប្រចាំខេត្តសៀមរាប បានឲ្យដឹងថា តម្លៃដីឡើងខ្លាំង ចាប់រង្វង់មូលអប្សរា (ផ្លូវ៦០ម៉ែត្រ) រហូតដល់រង្វង់មូលព្រៃគុយ។ លោក តឹម ដារឿន លម្អិតថា សព្វថ្ងៃនេះ តម្លៃដីគឺចាប់ពី៦០ទៅ៨០ដុល្លារក្នុងមួយម៉ែត្រការ៉េ និងឈ្មួញខ្លះហ៊ានឲ្យតម្លៃលើស១០០ដុល្លារក៏មាន។ ខុសពីមុន ដែលតំបន់ទាំងនោះ ស្ថិតក្នុងការគ្រប់គ្រងរបស់អាជ្ញាធរជាតិអប្សរានៅឡើយ គឺតម្លៃចន្លោះពី ២០ទៅ៣០ដុល្លារតែប៉ុណ្ណោះ។ នេះជាការបញ្ជាក់របស់លោក តឹម ដារឿន។
តាមការបញ្ជាក់ពីអ្នកជំនាញវាយតម្លៃអចលនទ្រព្យ តម្លៃក្នុងបុរីសណ្ឋាគារអង្គរសៀមរាប បានចាប់ផ្តើមកក្រើកឡើង ចាប់ពីចុងឆ្នាំ២០១៥ និងដើមឆ្នាំ២០១៦មកម្លេះ។ ព្រោះថា សំណង់អាគារសាលាខេត្តថ្មី ត្រូវបានសាងសង់ក្នុងតំបន់នោះ។ «ធម្មតា នៅកន្លែងណាដែលមានសាលាខេត្ត វានឹងទាញតម្លៃដីក្នុងតំបន់នោះឲ្យកាន់តែខ្ពស់។ តំបន់នោះ គឺជាផ្លូវជាតិលេខ៦Aទី២ ព្រោះវាធំ។ តំបន់នេះ គេអាចសង់ជាសណ្ឋាគារ ភោជនីយដ្ឋាន។ល។ ហើយវាកាន់តែឡើងថ្លៃថែមទៀត ប្រសិនបើម្ចាស់ដីចាប់ផ្តើមចាក់ដីបំពេញ»។
បុរីសណ្ឋាគារអង្គរសៀមរាប ដែលស្ថិតក្រោមការគ្រប់គ្រងរបស់អាជ្ញាធរជាតិអប្សរា ក្របដណ្តប់លើសង្កាត់៣ក្នុងក្រុងសៀមរាប មានសង្កាត់នគរធំ សង្កាត់ស្លក្រាម និងសង្កាត់អំពិល។ យោងតាមអនុក្រឹត្យលេខ១៥៨ របស់រាជរដ្ឋាភិបាលកម្ពុជា ចុះថ្ងៃទី២៥ កក្កដា ឆ្នាំ២០១៦ បានសម្រេចប្រទានកម្មសិទ្ធិគ្រប់គ្រងទៅឲ្យប្រជាពលរដ្ឋ ដែលអាស្រ័យផល និងកាន់កាប់ជាក់ស្តែង លើកលែងតែដីដែលបានដោះស្រាយតាមគោលនយោបាយរួចរាល់តែប៉ុណ្ណោះ។ នេះជាអនុក្រឹត្យទី៣ហើយ ដែលគេនៅចាំថា កាលពីខែមេសាឆ្នាំ២០១៥ ក្នុងពិធីចូលរួមបើកព្រឹត្តិការណ៍អង្គរសង្ក្រាន្ត សម្តេច ហ៊ុន សែន បានចេញអនុក្រឹត្យលេខ ៥១ និង៥២ សម្រេចកាត់ដីច្រើនកន្លែងក្នុងតំបន់ខាងលើនេះ ទៅឲ្យប្រជាពលរដ្ឋ ដែលសរុបជាង ២០០ហិកតា៕
© រក្សាសិទ្ធិដោយ thmeythmey.com
