ជាតិ
នយោបាយជាតិ
មេដឹកនាំ CNRP ៨ រូបកំពុងរួបរឹតដោយបណ្តឹង ក្នុងនោះឯកឧត្តម សម រង្ស៊ី ជាប់បណ្តឹង ៥ តែម្នាក់ឯង
×![]()
គិតមកដល់ត្រឹមថ្ងៃទី ១ ខែសីហា ឆ្នាំ ២០១៦ នេះ មន្ត្រីជាន់ខ្ពស់របស់គណបក្សសង្គ្រោះជាតិចំនួន ៨ រូបកំពុងមានក្តីក្តាំនៅតុលាការ ហើយអ្នកខ្លះកំពុងតែឃុំខ្លួននៅក្នុងពន្ធនាគារ និងស្នាក់ការបក្ស ព្រមទាំងនិរទេសខ្លួននៅក្រៅប្រទេស។ ក្នុងចំណោមមន្ត្រីដែលកំពុងរួបរឹតដោយបណ្តឹង ឯកឧត្តម សម រង្ស៊ី ប្រធានគណបក្សសង្គ្រោះជាតិ កំពុងជាប់ដោយបណ្តឹងចំនួន ៥ តែម្នាក់ឯង។
មន្ត្រីជាន់ខ្ពស់គណបក្សសង្គ្រោះជាតិទាំង ៨ រូបដែលកំពុងរួបរឹតដោយបណ្តឹងនោះ មានដូចជា ឯកឧត្តម សម រង្ស៊ី ប្រធានគណបក្សសង្គ្រោះជាតិ ឯកឧត្តម កឹម សុខា អនុប្រធានបក្ស លោក អ៊ុំ សំអាន តំណាងរាស្ត្រគណបក្ស លោក ហុង សុខហួរ សមាជិកព្រឹទ្ធសភាគណបក្សសម រង្ស៊ី លោកមៀច សុវណ្ណារ៉ា សមាជិកគណៈកម្មាធិការនាយកបក្ស លោក ពិន រតនា តំណាងរាស្ត្រ និងជាសមាជិកគណៈកម្មាធិការនាយកបក្ស និងលោក តុ វ៉ាន់ច័ន្ទ តំណាងរាស្ត្រ និងអគ្គនាយករងហិរញ្ញវត្ថុបក្ស ព្រមទាំងអ្នកស្រី ថាក់ ឡានី សមាជិកព្រឹទ្ធសភាគណបក្សសម រង្ស៊ី។
ឯកឧត្តម សម រង្ស៊ី ប្រធានគណបក្សសង្គ្រោះជាតិ បានរងនូវ បណ្តឹងចំនួន ៥ តែម្នាក់ឯង ក្នុងរយៈពេលមិនដល់មួយឆ្នាំផង ដែលឯកឧត្តមកំពុងស្នាក់នៅនិរទេសខ្លួននៅបរទេស។ សូមជម្រាបដោយសង្ខេបថា មនុស្សសំខាន់ៗ ដែលប្តឹងឯកឧត្តម សម រង្ស៊ី មានដូចជា ទី ១ លោក ហោ ណាំហុងប្តឹងឯកឧត្តម សម រង្ស៊ីពីបទបរិហាកេរ្តិ៍ និងញុះញង់ឲ្យមានការស្អប់ខ្ពើមជាតិសាសន៍។ បណ្តឹងទី ២ សម្តេច ហេង សំរិន ប្រធានរដ្ឋសភា ប្តឹងឯកឧត្តម សម រង្ស៊ី ពីបទបរិកេរ្តិ៍ជាសាធារណៈ។ បណ្តឹងទី ៣ រដ្ឋាភិបាលប្តឹងប្រធានគណបក្សសង្គ្រោះជាតិ ពីបទសមគំនិតក្នុងអំពើបន្លំឯកសារសាធារណៈ ប្រើប្រាស់ឯកសារសាធារណៈក្លែង និងញុះញង់ឲ្យមានភាពវឹកវរដល់សង្គម។ បណ្តឹងទី ៤ ប្តឹងដោយលោក សោម សឿន រដ្ឋមន្ត្រីអមនាយករដ្ឋមន្ត្រី ដោយប្តឹងឯកឧត្តម សម រង្ស៊ី ពីបរិហារកេរ្តិ៍ជាសាធារណៈ ពីព្រោះតែឯកឧត្តម សម រង្ស៊ី ចោទមន្ត្រីរូបនេះថា បញ្ជាឲ្យមន្ត្រីរាជការ កងកម្លាំងប្រដាប់អាវុធ បង្កើតហ្វេសប៊ុកក្លែងក្លាយចុចLikes Page សម្តេច ហ៊ុន សែន។ បណ្តឹងទី ៥ ដែលជាបណ្តឹងទើបតែដាក់ទៅតុលាការនៅថ្ងៃចន្ទទី ១ ខែសីហានេះ គឺជាបណ្តឹងរបស់សម្តេច ហ៊ុន សែន ប្តឹងឯកឧត្តម សម រង្ស៊ី ចំពោះការចោទប្រកាន់របស់ប្រធានគណបក្សឆាំងថា រដ្ឋាភិបាលជាអ្នករៀបចំអំពើភេរវកម្មសម្លាប់លោក កែម ឡី។
ចេញពីករណីឯកឧត្តម សម រង្ស៊ី មកចាប់អារម្មណ៍ពីករណីឯកឧត្តម កឹម សុខា វិញម្តង។ បច្ចុប្បន្នឯកឧត្តម កឹម សុខា អនុប្រធានគណបក្ស កំពុងពាក់ព័ន្ធនឹងបទចោទប្រកាន់នៃបទល្មើស «ការបដិសេធមិនចូលខ្លួន» ដែលត្រូវបានតុលាការចោទប្រកាន់កាលពីចុងខែឧសភា ឆ្នាំ ២០១៦ កន្លងទៅ។ ការចោទប្រកាន់ឯកឧត្តម កឹម សុខា ដោយសារលោកប្រធានស្តីទីគណបក្សប្រឆាំងរូបនេះ មិនព្រមចូលខ្លួនទៅភ្លឺក្នុងនាមជាសាក្សីជុំវិញសំណុំរឿងកញ្ញា ខុម ចាន់តារាទី ហៅស្រីមុំ តាមការកោះហៅរបស់តុលាការ។ មកដល់ពេលនេះ អស់រយៈជាង ២ ខែហើយ ដែលឯកឧត្តម កឹម សុខា ឃុំខ្លួនឯងនៅក្នុងទីស្នាក់ការកណ្តាលបក្ស។
បន្តមកចាប់អារម្មណ៍ករណីមន្ត្រីជាន់ខ្ពស់គណបក្សសង្គ្រោះជាតិទី ៣ គឺករណីឯកឧត្តម ហុង សុខហួរ សមាជិកព្រឹទ្ធសភាគណបក្សសម រង្ស៊ី ដែលកំពុងឃុំខ្លួននៅពន្ធនាគារព្រៃស ត្រូវតុលាការចោទប្រកាន់ពីបទក្លែងឯកសារសាធារណៈ ប្រើប្រាស់ឯកសារសាធារណៈក្លែងក្លាយ និងញុះញង់ ឲ្យមានការប្រព្រឹត្តបទឧក្រិដ្ឋ ជាអាទិ៍ ដោយសាររូបលោកនិយាយទាក់ទងនឹង សន្ធិសញ្ញាមិត្តភាពរវាងរដ្ឋាភិបាលក្នុងសម័យសាធារណរដ្ឋប្រជាមានិតកម្ពុជា និងរដ្ឋាភិបាលសង្គមនិយមវៀតណាម ដែលធ្វើឲ្យកម្ពុជាខាតបង់ទឹកដី ហើយបង្ហោះនៅលើទំព័រហ្វេសប៊ុករបស់ឯកឧត្តម សម រង្ស៊ី។ ទាក់ទងនឹងរឿងទឹកដីនេះដែរ ក៏ធ្វើឲ្យមន្ត្រីជាន់ខ្ពស់គណបក្សសង្គ្រោះជាតិមួយរូបទៀត គឺលោក អ៊ុំ សំអាន ជាប់ពន្ធនាគារដែរ។ លោក អ៊ុំ សំអាន ជាមន្ត្រីទី ៤ ដែលពូកែរិះគន់រឿងព្រំដែន ត្រូវបានតុលាការចោទប្រកាន់ពីបទ ញុះញង់ឲ្យប្រព្រឹត្តបទឧក្រិដ្ឋជាអាទិ៍ និង ញុះញង់ឲ្យមានការរើសអើង កាលពីអំឡុងឆ្នាំ២០១៥ រហូតដល់ថ្ងៃទី១០ខែមេសា ឆ្នាំ២០១៦ ដែលពាក់ព័ន្ធនឹងការបញ្ចេញទស្សនៈពីបញ្ហាព្រំដែន តាមហ្វេសប៊ុក។
មន្ត្រីជាន់ខ្ពស់ទី ៥ គឺលោក មៀច សុវណ្ណារ៉ា កំពុងតែជាប់ពន្ធនាគារព្រៃស ដោយសារតុលាការ ចោទប្រកាន់លោក ពីបទដឹកនាំធ្វើកុប្បកម្ម ញុះញង់ ឲ្យប្រព្រឹត្តបទឧក្រិដ្ឋ និងផ្តើមគំនិត ក្នុងអំពើហិង្សា ដោយចេតនា មានស្ថានទម្ងន់ទោស នៅក្នុងហេតុការណ៍ប៉ះទង្គិចគ្នា នៅលើស្ពាននាគ កាលពីថ្ងៃទី ១៥ ខែកក្កដា ឆ្នាំ ២០១៤ កន្លងទៅ។ មន្ត្រីជាន់ខ្ពស់ទី ៦ និងទី ៧ គឺ លោក តុ វ៉ាន់ចាន់ និងលោក ពិន រតនា កំពុងជាប់សង្ស័យពាក់ព័ន្ធអំពើពេស្យាចារ ក្នុងករណីកញ្ញាស្រីមុំ និងឯកឧត្តម កឹម សុខា ។ កាលពីពេលថ្មីៗនេះ លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ បានដាក់លិខិតជូនសម្តេច ហេង សំរិន ប្រធានរដ្ឋសភា ដើម្បីសុំឲ្យរដ្ឋសភាលើកអភ័យឯកសិទ្ធិ ក្នុងគោលបំណងបើកដៃឲ្យតុលាការបន្តនីតិវិធីលើតំណាងរាស្ត្រទាំង២រូបនេះ។
ករណីទី ៨ គឺអ្នកស្រី ថាក់ ឡានី មន្ត្រីជាន់ខ្ពស់គណបក្សសង្គ្រោះជាតិ និងជាសមាជិកព្រឹទ្ធសភាគណបក្សសម រង្ស៊ី ទើបត្រូវបានសម្តេច ហ៊ុន សែន ប្តឹងទៅតុលាការនៅថ្ងៃចន្ទ ទី ១ ខែសីហានេះ ដោយសារសម្តេចនាយករដ្ឋមន្ត្រីទទួលព័ត៌មានថា អ្នកស្រីចោទប្រកាន់សម្តេច ហ៊ុន សែន ថា ជាអ្នកសម្លាប់លោក កែម ឡី។
ទាក់ទឹងនឹងបញ្ហានេះ លោក អេង ឆៃអ៊ាង មន្ត្រីជាន់ខ្ពស់គនបក្សសង្គ្រោះជាតិ បានចោទរដ្ឋាភិបាលដែលដឹកនាំដោយគណបក្សប្រជាជនកម្ពុជាថា ជាអ្នកប្រើប្រាស់ប្រព័ន្ធតុលាការ ដើម្បីធ្វើបាបមន្ត្រីគណបក្សសង្គ្រោះជាតិ។ លោកថា ប្រសិនបើគណបក្សប្រជាជនកម្ពុជា ចង់បានការគាំទ្រពីព្រជាពលរដ្ឋ គណបក្សនេះ ប្រើអំណាចខ្លួនធ្វើអំពើល្អ រកយុត្តិធម៌ជូនពលរដ្ឋដែលរងគ្រោះវិញ។ តែយ៉ាងណាកន្លងមកទាំងសម្តេច ហ៊ុន សែន និងអ្នកនាំពាក្យគណបក្សប្រជាជនកម្ពុជា សុទ្ធតែអះអាងថា ករណីមន្ត្រីបក្សប្រឆាំងដែលកំពុងមានក្តីក្តាំនៅតុលាការ គឺជារឿងបុគ្គលដែលធ្វើខុសនឹងច្បាប់ប៉ុណ្ណោះ ហើយគណបក្សប្រជាជនកម្ពុជា មិនបានប្រើប្រាស់ប្រព័ន្ធតុលាការ ដើម្បីធ្វើបាននរណាម្នាក់នោះឡើយ៕
មន្ត្រីជាន់ខ្ពស់គណបក្សសង្គ្រោះជាតិទាំង ៨ រូបដែលកំពុងរួបរឹតដោយបណ្តឹងនោះ មានដូចជា ឯកឧត្តម សម រង្ស៊ី ប្រធានគណបក្សសង្គ្រោះជាតិ ឯកឧត្តម កឹម សុខា អនុប្រធានបក្ស លោក អ៊ុំ សំអាន តំណាងរាស្ត្រគណបក្ស លោក ហុង សុខហួរ សមាជិកព្រឹទ្ធសភាគណបក្សសម រង្ស៊ី លោកមៀច សុវណ្ណារ៉ា សមាជិកគណៈកម្មាធិការនាយកបក្ស លោក ពិន រតនា តំណាងរាស្ត្រ និងជាសមាជិកគណៈកម្មាធិការនាយកបក្ស និងលោក តុ វ៉ាន់ច័ន្ទ តំណាងរាស្ត្រ និងអគ្គនាយករងហិរញ្ញវត្ថុបក្ស ព្រមទាំងអ្នកស្រី ថាក់ ឡានី សមាជិកព្រឹទ្ធសភាគណបក្សសម រង្ស៊ី។
ឯកឧត្តម សម រង្ស៊ី ប្រធានគណបក្សសង្គ្រោះជាតិ បានរងនូវ បណ្តឹងចំនួន ៥ តែម្នាក់ឯង ក្នុងរយៈពេលមិនដល់មួយឆ្នាំផង ដែលឯកឧត្តមកំពុងស្នាក់នៅនិរទេសខ្លួននៅបរទេស។ សូមជម្រាបដោយសង្ខេបថា មនុស្សសំខាន់ៗ ដែលប្តឹងឯកឧត្តម សម រង្ស៊ី មានដូចជា ទី ១ លោក ហោ ណាំហុងប្តឹងឯកឧត្តម សម រង្ស៊ីពីបទបរិហាកេរ្តិ៍ និងញុះញង់ឲ្យមានការស្អប់ខ្ពើមជាតិសាសន៍។ បណ្តឹងទី ២ សម្តេច ហេង សំរិន ប្រធានរដ្ឋសភា ប្តឹងឯកឧត្តម សម រង្ស៊ី ពីបទបរិកេរ្តិ៍ជាសាធារណៈ។ បណ្តឹងទី ៣ រដ្ឋាភិបាលប្តឹងប្រធានគណបក្សសង្គ្រោះជាតិ ពីបទសមគំនិតក្នុងអំពើបន្លំឯកសារសាធារណៈ ប្រើប្រាស់ឯកសារសាធារណៈក្លែង និងញុះញង់ឲ្យមានភាពវឹកវរដល់សង្គម។ បណ្តឹងទី ៤ ប្តឹងដោយលោក សោម សឿន រដ្ឋមន្ត្រីអមនាយករដ្ឋមន្ត្រី ដោយប្តឹងឯកឧត្តម សម រង្ស៊ី ពីបរិហារកេរ្តិ៍ជាសាធារណៈ ពីព្រោះតែឯកឧត្តម សម រង្ស៊ី ចោទមន្ត្រីរូបនេះថា បញ្ជាឲ្យមន្ត្រីរាជការ កងកម្លាំងប្រដាប់អាវុធ បង្កើតហ្វេសប៊ុកក្លែងក្លាយចុចLikes Page សម្តេច ហ៊ុន សែន។ បណ្តឹងទី ៥ ដែលជាបណ្តឹងទើបតែដាក់ទៅតុលាការនៅថ្ងៃចន្ទទី ១ ខែសីហានេះ គឺជាបណ្តឹងរបស់សម្តេច ហ៊ុន សែន ប្តឹងឯកឧត្តម សម រង្ស៊ី ចំពោះការចោទប្រកាន់របស់ប្រធានគណបក្សឆាំងថា រដ្ឋាភិបាលជាអ្នករៀបចំអំពើភេរវកម្មសម្លាប់លោក កែម ឡី។
ចេញពីករណីឯកឧត្តម សម រង្ស៊ី មកចាប់អារម្មណ៍ពីករណីឯកឧត្តម កឹម សុខា វិញម្តង។ បច្ចុប្បន្នឯកឧត្តម កឹម សុខា អនុប្រធានគណបក្ស កំពុងពាក់ព័ន្ធនឹងបទចោទប្រកាន់នៃបទល្មើស «ការបដិសេធមិនចូលខ្លួន» ដែលត្រូវបានតុលាការចោទប្រកាន់កាលពីចុងខែឧសភា ឆ្នាំ ២០១៦ កន្លងទៅ។ ការចោទប្រកាន់ឯកឧត្តម កឹម សុខា ដោយសារលោកប្រធានស្តីទីគណបក្សប្រឆាំងរូបនេះ មិនព្រមចូលខ្លួនទៅភ្លឺក្នុងនាមជាសាក្សីជុំវិញសំណុំរឿងកញ្ញា ខុម ចាន់តារាទី ហៅស្រីមុំ តាមការកោះហៅរបស់តុលាការ។ មកដល់ពេលនេះ អស់រយៈជាង ២ ខែហើយ ដែលឯកឧត្តម កឹម សុខា ឃុំខ្លួនឯងនៅក្នុងទីស្នាក់ការកណ្តាលបក្ស។
បន្តមកចាប់អារម្មណ៍ករណីមន្ត្រីជាន់ខ្ពស់គណបក្សសង្គ្រោះជាតិទី ៣ គឺករណីឯកឧត្តម ហុង សុខហួរ សមាជិកព្រឹទ្ធសភាគណបក្សសម រង្ស៊ី ដែលកំពុងឃុំខ្លួននៅពន្ធនាគារព្រៃស ត្រូវតុលាការចោទប្រកាន់ពីបទក្លែងឯកសារសាធារណៈ ប្រើប្រាស់ឯកសារសាធារណៈក្លែងក្លាយ និងញុះញង់ ឲ្យមានការប្រព្រឹត្តបទឧក្រិដ្ឋ ជាអាទិ៍ ដោយសាររូបលោកនិយាយទាក់ទងនឹង សន្ធិសញ្ញាមិត្តភាពរវាងរដ្ឋាភិបាលក្នុងសម័យសាធារណរដ្ឋប្រជាមានិតកម្ពុជា និងរដ្ឋាភិបាលសង្គមនិយមវៀតណាម ដែលធ្វើឲ្យកម្ពុជាខាតបង់ទឹកដី ហើយបង្ហោះនៅលើទំព័រហ្វេសប៊ុករបស់ឯកឧត្តម សម រង្ស៊ី។ ទាក់ទងនឹងរឿងទឹកដីនេះដែរ ក៏ធ្វើឲ្យមន្ត្រីជាន់ខ្ពស់គណបក្សសង្គ្រោះជាតិមួយរូបទៀត គឺលោក អ៊ុំ សំអាន ជាប់ពន្ធនាគារដែរ។ លោក អ៊ុំ សំអាន ជាមន្ត្រីទី ៤ ដែលពូកែរិះគន់រឿងព្រំដែន ត្រូវបានតុលាការចោទប្រកាន់ពីបទ ញុះញង់ឲ្យប្រព្រឹត្តបទឧក្រិដ្ឋជាអាទិ៍ និង ញុះញង់ឲ្យមានការរើសអើង កាលពីអំឡុងឆ្នាំ២០១៥ រហូតដល់ថ្ងៃទី១០ខែមេសា ឆ្នាំ២០១៦ ដែលពាក់ព័ន្ធនឹងការបញ្ចេញទស្សនៈពីបញ្ហាព្រំដែន តាមហ្វេសប៊ុក។
មន្ត្រីជាន់ខ្ពស់ទី ៥ គឺលោក មៀច សុវណ្ណារ៉ា កំពុងតែជាប់ពន្ធនាគារព្រៃស ដោយសារតុលាការ ចោទប្រកាន់លោក ពីបទដឹកនាំធ្វើកុប្បកម្ម ញុះញង់ ឲ្យប្រព្រឹត្តបទឧក្រិដ្ឋ និងផ្តើមគំនិត ក្នុងអំពើហិង្សា ដោយចេតនា មានស្ថានទម្ងន់ទោស នៅក្នុងហេតុការណ៍ប៉ះទង្គិចគ្នា នៅលើស្ពាននាគ កាលពីថ្ងៃទី ១៥ ខែកក្កដា ឆ្នាំ ២០១៤ កន្លងទៅ។ មន្ត្រីជាន់ខ្ពស់ទី ៦ និងទី ៧ គឺ លោក តុ វ៉ាន់ចាន់ និងលោក ពិន រតនា កំពុងជាប់សង្ស័យពាក់ព័ន្ធអំពើពេស្យាចារ ក្នុងករណីកញ្ញាស្រីមុំ និងឯកឧត្តម កឹម សុខា ។ កាលពីពេលថ្មីៗនេះ លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ បានដាក់លិខិតជូនសម្តេច ហេង សំរិន ប្រធានរដ្ឋសភា ដើម្បីសុំឲ្យរដ្ឋសភាលើកអភ័យឯកសិទ្ធិ ក្នុងគោលបំណងបើកដៃឲ្យតុលាការបន្តនីតិវិធីលើតំណាងរាស្ត្រទាំង២រូបនេះ។
ករណីទី ៨ គឺអ្នកស្រី ថាក់ ឡានី មន្ត្រីជាន់ខ្ពស់គណបក្សសង្គ្រោះជាតិ និងជាសមាជិកព្រឹទ្ធសភាគណបក្សសម រង្ស៊ី ទើបត្រូវបានសម្តេច ហ៊ុន សែន ប្តឹងទៅតុលាការនៅថ្ងៃចន្ទ ទី ១ ខែសីហានេះ ដោយសារសម្តេចនាយករដ្ឋមន្ត្រីទទួលព័ត៌មានថា អ្នកស្រីចោទប្រកាន់សម្តេច ហ៊ុន សែន ថា ជាអ្នកសម្លាប់លោក កែម ឡី។
ទាក់ទឹងនឹងបញ្ហានេះ លោក អេង ឆៃអ៊ាង មន្ត្រីជាន់ខ្ពស់គនបក្សសង្គ្រោះជាតិ បានចោទរដ្ឋាភិបាលដែលដឹកនាំដោយគណបក្សប្រជាជនកម្ពុជាថា ជាអ្នកប្រើប្រាស់ប្រព័ន្ធតុលាការ ដើម្បីធ្វើបាបមន្ត្រីគណបក្សសង្គ្រោះជាតិ។ លោកថា ប្រសិនបើគណបក្សប្រជាជនកម្ពុជា ចង់បានការគាំទ្រពីព្រជាពលរដ្ឋ គណបក្សនេះ ប្រើអំណាចខ្លួនធ្វើអំពើល្អ រកយុត្តិធម៌ជូនពលរដ្ឋដែលរងគ្រោះវិញ។ តែយ៉ាងណាកន្លងមកទាំងសម្តេច ហ៊ុន សែន និងអ្នកនាំពាក្យគណបក្សប្រជាជនកម្ពុជា សុទ្ធតែអះអាងថា ករណីមន្ត្រីបក្សប្រឆាំងដែលកំពុងមានក្តីក្តាំនៅតុលាការ គឺជារឿងបុគ្គលដែលធ្វើខុសនឹងច្បាប់ប៉ុណ្ណោះ ហើយគណបក្សប្រជាជនកម្ពុជា មិនបានប្រើប្រាស់ប្រព័ន្ធតុលាការ ដើម្បីធ្វើបាននរណាម្នាក់នោះឡើយ៕
Tag:
CNRP
សម រង្ស៊ី
តុលាការ
© រក្សាសិទ្ធិដោយ thmeythmey.com
