ក្រសួងនឹងផ្អាកបណ្ដោះអាសន្ន ចំពោះការដ្ឋានសំណង់ដែលពុំមានមន្ត្រីចុះពិនិត្យការបោះបបង្គាលទីតាំង

ជាតិ

សេដ្ឋកិច្ច

ក្រសួងនឹងផ្អាកបណ្ដោះអាសន្ន ចំពោះការដ្ឋានសំណង់ដែលពុំមានមន្ត្រីចុះពិនិត្យការបោះបបង្គាលទីតាំង

01, Aug 2016 , 9:59 pm

រូបភាព

ដោយ:

ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ ព្រមានផ្អាកជាបណ្ដោះអាសន្ន ចំពោះការដ្ឋានសំណង់ទាំងឡាយណា ដែលបានចាប់ផ្ដើមសាងសង់ ដោយពុំមានមន្ត្រីជំនាញចុះត្រួតពិនិត្យការបោះបង្គោលទីតាំងសំណង់។ នេះបើតាមសេចក្ដីណែនាំរបស់ក្រសួងរៀបចំដែនដី។

ដើម្បីធានាការគោរពច្បាប់ក្នុងវិស័យសំណង់, ទប់ស្កាត់ការសាងសង់ខុសគម្លាត, វិវាទ និងគ្រោះថ្នាក់ជាយថាហេតុ ក្រសួងរៀបចំដែនដី នគរូបនីយកម្ម និងសំណង់ បានណែនាំដល់ប្រធានមន្ទីរក្រោមឱវាទឲ្យអនុវត្តវិធានការមួយចំនួន។

នៅក្នុងសេចក្ដីណែនាំរបស់ខ្លួន ក្រសួងរៀបចំដែនដី បានបញ្ជាដល់ប្រធានមន្ទីរក្រោមឱវាទ ឲ្យចាត់មន្ត្រីជំនាញចុះត្រួតពិនិត្យការបោះបង្គោលទីតាំងសំណង់ នៅគ្រប់ការដ្ឋានសំណង់ ដោយត្រូវកំណត់និយាមការច្បាស់លាស់តាមគម្រោងប្លង់ដែលបានអនុញ្ញាត។

ក្រសួងបានបញ្ជាផងដែរ ឲ្យផ្អាកជាបណ្ដោះអាសន្ន ចំពោះការដ្ឋានសំណង់ណាមួយ ដែលចាប់ផ្ដើមសាងសង់ ដោយពុំមានមន្ត្រីជំនាញចុះត្រួតពិនិត្យការបោះបង្គោលទីតាំងនៃសំណង់នោះ។

ទន្ទឹមនឹងនេះ មន្ទីរត្រូវណែនាំពីបញ្ហាផ្លូវច្បាប់ដល់ម្ចាស់សំណង់ និងត្រូវពិនិត្យតាមដានពីភាពស្របច្បាប់នៃការដ្ឋានសំណង់ដែលកំពុងមានដំណើរទាំងនោះ។ នេះបើតាមសេចក្ដីណែនាំដដែលនេះ៕