ជាតិ
សេដ្ឋកិច្ច
×![]()
ភ្នំពេញ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន បង្ហាញការព្រួយបារម្ភខ្លាំងចំពោះការនាំចូលសាច់សត្វខូចគុណភាពតាមច្រករបៀងនានា ដែលលោកថ្លែងថាត្រូវមានវិធានការរឹតបន្តឹងលំហូរផលិតផលទាំងនេះ។ 
លោក វេង សាខុន មានប្រសាសន៍ថា ការនាំចូលផលិតផលសាច់សត្វខូចគុណភាពក្នុងទីផ្សារកម្ពុជា បានបង្ករគ្រោះថ្នាក់ធ្ងន់ធ្ងរដល់សុខភាពប្រជាពលរដ្ឋ។ លោកថ្លែងថា៖«ចំណុចនេះ (ការហូរចូលសាច់សត្វ) គឺសំខាន់ណាស់ ដែលមិនត្រឹមតែធ្វើឲ្យកសិករយើងខកចិត្តពីការចិញ្ចឹមសត្វនោះទេ ប៉ុន្តែវាពាក់ព័ន្ធសុខភាពសាធារណជន»។ លោកបន្តទៀតថា៖«ការនាំចូល ដោយគ្មានការត្រួតពិនិត្យច្បាស់លាស់ វាមិនអាចប្រាកដថាសាច់សត្វទាំងអស់នោះ ប្រកបដោយគុណភាពនោះទេ»។ ការថ្លែងរបស់រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទរូបនេះ ធ្វើឡើងក្នុងពិធីផ្សព្វផ្សាយច្បាប់ស្ដីពីសុខភាពសត្វ និងផលិតកម្ម នៅថ្ងៃទី១ខែសីហានេះ នៅសណ្ឋាគារអ៊ីនធើខុន។
លោក វេង សាខុន គូសបញ្ជាក់ជាពិសេសលើផលិតផលប្រហិត ក្នុងចំណោមសាច់សត្វនាំចូល ដែលអាចខូចគុណភាព។ លោកប្រាប់ថា រូបលោកផ្ទាល់ធ្លាប់បរិភោគហតដកនៅ ពេលលោកទៅខេត្តកោះកុង ដែលប៉ះចំហតដកខូចគុណភាព ដែលធ្វើទុក្ខដល់សុខភាពរបស់លោកភ្លាមៗ។
លោកថ្លែងថា ការត្រួតពិនិត្យការនាំចូលសាច់សត្វនៅតាមច្រកព្រំដែន នៅមានភាពខ្វះចន្លោះនៅឡើយ ដែលចាំបាច់ត្រូវរឹតបណ្ដឹងលើបញ្ហានេះ។ លោកនិយាយដូច្នេះថា៖«ខ្ញុំឃើញថា បច្ចុប្បន្ននេះ យើងច្បាស់ជា ថាមិនបានគិតទៅដល់ការត្រួតពិនិត្យឲ្យបានគ្រប់ជ្រុងជ្រោយនៅឡើយទេ»។ លោកបន្ថែមទៀតថា៖«ខ្ញុំចង់រម្លឹកដល់មន្ត្រីយើង ដែលមានខេត្តជាប់ព្រំដែន ត្រូវតែរឹតបណ្ដឹងឲ្យបានមែនទែនទាក់ទងចំណុចនេះ។ ខ្ញុំមើលឃើញថា មានបញ្ហាគ្រោះថ្នាក់ធំណាស់»។
លោក វេង សាខុន ក៏បានក្រើនរម្លឹកដល់មន្ត្រី ដែលមានសម្ថកិច្ចត្រួតពិនិត្យការនាំចូលសាច់សត្វទាំងនោះ ឲ្យបំពេញការងារឲ្យបានត្រឹមត្រូវតាមច្បាប់។ លោកថ្លែងដូចនេះថា៖« ត្រូវតែមានវិធានការតឹងរ៉ឹងមែនទែន កុំឲ្យយកបញ្ហាដោះស្រាយជីវភាព ឬបញ្ហាលុយកាក់ជាធំឲ្យសោះ»។
លោក វេង សាខុន អះអាងថា កន្លងមក ក្រសួងបានជំរុញឲ្យមានមន្ទីរភូតគាមអនាម័យនៅតាមច្រកព្រំដែនសំខាន់ៗ ដើម្បីពិនិត្យគុណភាពសាច់សត្វនាំចូលទាំងនោះ៕
លោក វេង សាខុន មានប្រសាសន៍ថា ការនាំចូលផលិតផលសាច់សត្វខូចគុណភាពក្នុងទីផ្សារកម្ពុជា បានបង្ករគ្រោះថ្នាក់ធ្ងន់ធ្ងរដល់សុខភាពប្រជាពលរដ្ឋ។ លោកថ្លែងថា៖«ចំណុចនេះ (ការហូរចូលសាច់សត្វ) គឺសំខាន់ណាស់ ដែលមិនត្រឹមតែធ្វើឲ្យកសិករយើងខកចិត្តពីការចិញ្ចឹមសត្វនោះទេ ប៉ុន្តែវាពាក់ព័ន្ធសុខភាពសាធារណជន»។ លោកបន្តទៀតថា៖«ការនាំចូល ដោយគ្មានការត្រួតពិនិត្យច្បាស់លាស់ វាមិនអាចប្រាកដថាសាច់សត្វទាំងអស់នោះ ប្រកបដោយគុណភាពនោះទេ»។ ការថ្លែងរបស់រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទរូបនេះ ធ្វើឡើងក្នុងពិធីផ្សព្វផ្សាយច្បាប់ស្ដីពីសុខភាពសត្វ និងផលិតកម្ម នៅថ្ងៃទី១ខែសីហានេះ នៅសណ្ឋាគារអ៊ីនធើខុន។
លោក វេង សាខុន គូសបញ្ជាក់ជាពិសេសលើផលិតផលប្រហិត ក្នុងចំណោមសាច់សត្វនាំចូល ដែលអាចខូចគុណភាព។ លោកប្រាប់ថា រូបលោកផ្ទាល់ធ្លាប់បរិភោគហតដកនៅ ពេលលោកទៅខេត្តកោះកុង ដែលប៉ះចំហតដកខូចគុណភាព ដែលធ្វើទុក្ខដល់សុខភាពរបស់លោកភ្លាមៗ។
លោកថ្លែងថា ការត្រួតពិនិត្យការនាំចូលសាច់សត្វនៅតាមច្រកព្រំដែន នៅមានភាពខ្វះចន្លោះនៅឡើយ ដែលចាំបាច់ត្រូវរឹតបណ្ដឹងលើបញ្ហានេះ។ លោកនិយាយដូច្នេះថា៖«ខ្ញុំឃើញថា បច្ចុប្បន្ននេះ យើងច្បាស់ជា ថាមិនបានគិតទៅដល់ការត្រួតពិនិត្យឲ្យបានគ្រប់ជ្រុងជ្រោយនៅឡើយទេ»។ លោកបន្ថែមទៀតថា៖«ខ្ញុំចង់រម្លឹកដល់មន្ត្រីយើង ដែលមានខេត្តជាប់ព្រំដែន ត្រូវតែរឹតបណ្ដឹងឲ្យបានមែនទែនទាក់ទងចំណុចនេះ។ ខ្ញុំមើលឃើញថា មានបញ្ហាគ្រោះថ្នាក់ធំណាស់»។
លោក វេង សាខុន ក៏បានក្រើនរម្លឹកដល់មន្ត្រី ដែលមានសម្ថកិច្ចត្រួតពិនិត្យការនាំចូលសាច់សត្វទាំងនោះ ឲ្យបំពេញការងារឲ្យបានត្រឹមត្រូវតាមច្បាប់។ លោកថ្លែងដូចនេះថា៖« ត្រូវតែមានវិធានការតឹងរ៉ឹងមែនទែន កុំឲ្យយកបញ្ហាដោះស្រាយជីវភាព ឬបញ្ហាលុយកាក់ជាធំឲ្យសោះ»។
លោក វេង សាខុន អះអាងថា កន្លងមក ក្រសួងបានជំរុញឲ្យមានមន្ទីរភូតគាមអនាម័យនៅតាមច្រកព្រំដែនសំខាន់ៗ ដើម្បីពិនិត្យគុណភាពសាច់សត្វនាំចូលទាំងនោះ៕
Tag:
វេង សាខុន
សាច់សត្វខូចគុណភាព
© រក្សាសិទ្ធិដោយ thmeythmey.com
