ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អន្តរជាតិ
សេតវិមាន និងលោក លី សៀនឡុង ផ្លាស់ប្តូរគណនី Instagram គ្នាទៅវិញទៅមក
03, Aug 2016 ,
12:10 pm
រូបភាព
×
ដោយ:
គឺជារឿងជាមួយដ៏គួរឲ្យកត់សម្គាល់ដែលនាយករដ្ឋមន្ត្រីសិង្ហបុរីលោក លី សៀន ឡុង (Lee Hsien Loong) ជាមួយនឹងសេតវិមានអាមេរិក បានផ្លាស់ប្តូរគណនីបណ្តាញសង្គម Instagram ដែលគេនិយមប្រើប្រាស់ដើម្បីបង្ហោះរូបភាពគ្នាទៅវិញទៅមកក្នុងពេលដែលប្រមុខរដ្ឋាភិបាលសិង្ហបុរីរូបនេះកំពុងតែបំពេញទស្សនកិច្ចផ្លូវការទៅកាន់អាមេរិក។ ឥរិយាបថនេះ បានបង្ហាញពីភាពជិតស្និទគ្នាកាន់តែស៊ីជម្រៅរវាងរដ្ឋបាលលោកប្រធានាធិបតីជិតផុតអាណត្តិ បារ៉ាក់ អូបាម៉ា (Barack Obama) និងនាយករដ្ឋមន្ត្រីសិង្ហបុរី។
« សួស្តីគ្រប់គ្នា ! លី សៀន ឡុង នាយករដ្ឋមន្ត្រីសិង្ហបុរី គឺនៅទីនេះ។ ខ្ញុំ កំពុងនៅក្នុងសេតវិមានអាមេរិក នាឱកាសនៃដំណើរទស្សនកិច្ចផ្លូវការ។ យើង នឹងជួបប្រជុំជាមួយនឹងលោកប្រធានាធិបតី បារ៉ាក់ អូបាម៉ា និងមន្ត្រីរដ្ឋាភិបាលមួយចំនួនផ្សេងទៀតផងដែរ។...អាមេរិក និងសិង្ហបុរី មានសោមនស្សលើមិត្តភាពជិតស្និទ្ធ និងយូរអង្វែង។ ... សូមរង់ចាំតាមដានសកម្មភាពរបស់យើងនៅថ្ងៃនេះ ដ្បិត សេតវិមាន និងខ្ញុំ បានផ្លាស់ប្តូរគណនី Instagram គ្នាទៅវិញទៅមក»។ នេះគឺជា
ការពណ៌នារបស់លោកនាយករដ្ឋមន្ត្រី លី សៀនឡុង
នៅក្នុងគណនី Instagram របស់សេតវិមានអាមេរិក។
« សួស្តី សិង្ហបុរី ! នេះ គឺជាសេតវិមាន ដែលកំពុងតែប្រើប្រាស់គណនី Instagram របស់លោកនាយករដ្ឋមន្ត្រី លី សៀន ឡុង។ នាយករដ្ឋមន្ត្រីរបស់អ្នក បានផ្លាស់ប្តូរគណនីរបស់យើងនៅព្រឹកនេះដើម្បីអាចឲ្យអ្នកគ្រប់គ្នាអាចមើលឃើញពីទិដ្ឋភាពទូទៅចំពោះការមកដល់របស់លោកនៅក្នុងទឹកដីអាមេរិក ហើយ ឥលូវយើងកំពុងតែកាន់គណនីរបស់លោកដើម្បីបង្ហាញអ្នកពីរបៀបនៃការរៀបចំរបស់យើងសម្រាប់ពិធីសាយភោជលើកទី១៣របស់រដ្ឋបាលលោកអូបាម៉ា។» នេះគឺជាការពណ៌នារបស់
សេតវិមានអាមេរិកនៅក្នុងគណនីInstagram
របស់លោក លី សៀនឡុង។
សូមជម្រាបផងដែរថា លោកនាយករដ្ឋមន្ត្រី លី សៀន ឡុង កំពុងតែបំពេញទស្សនកិច្ចផ្លូវការទៅកាន់អាមេរិកដែលបានចាប់ផ្តើមតាំងពីថ្ងៃទីទី៣១ ខែកក្កដា និងបញ្ចប់នៅថ្ងៃទី០៥ ខែសីហា សប្តាហ៍នេះ។ ដំណើរទស្សនកិច្ចនេះ គឺជាដំណើរទស្សនកិច្ចផ្លូវការជាលើកដំបូងក្នុងរយៈពេល៣១ឆ្នាំចុងក្រោយក្នុងគោលបំណងដើម្បីបង្កើនទំនាក់ទំនងទ្វេភាគីប្រទេសទាំងពីរ និងជាពិសេសនោះដើម្បីធានាពីការមិនប្រែប្រួលនៃទំនាក់ទំនងជិតស្និទ្ធរវាងប្រទេសទាំងពីរ បើទោះបីជាប្រធានាធិបតីថ្មីអាមេរិក មកពីបក្សណាក៏ដោយ។
ក្នុងក្រសែភ្នែកអាមេរិកដែលកំពុងតែដឹកនាំដោយរដ្ឋបាលលោកប្រធានាធិបតីអាមេរិក អូបាម៉ា សិង្ហបុរី គឺជា«សម្ព័ន្ធមិត្តដ៏ខ្លាំងក្លា និងទុកចិត្តបំផុត»នៅអាស៊ីប៉ាស៊ីហ្វិក៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
សិង្ហបុរី
អាមេរិក
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
14 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម