ពីនេះ ពីនោះ
ព័ត៍មានសុខភាព
ចង់ឲ្យជីវិតផ្លូវភេទ កាន់តែពុះកញ្ជ្រោលរហូត គួរធ្វើយ៉ាងណា?
× តើអ្នកគិតថា ជីវិតផ្លូវភេទអ្នក មានភាពសោះកក្រោះដែរទេ ក្រោយពីរៀបការរួចច្រើនឆ្នាំមកនេះ? ការស្គាល់គ្នារយៈពេលយូរបែបនេះ គួរតែអាចបង្កើតនូវអ្វីៗកាន់តែល្អ ជាពិសេស ភាពពុះកញ្ជ្រោលខ្លាំងចំពោះជីវិតសមរភូមិលើគ្រែ។ ប៉ុន្តែ បើសិនជាអ្នកគិតថា វាមិនអាចកើតឡើងទេនោះ ខ្ញុំនឹងបង្ហាញអំពីវិធីខ្លះៗ ដែលអាចជួយអ្នកបាន។
ចែករំលែកការស្រមើស្រមៃរបស់អ្នក
សិចដែលអស្ចារ្យ ចាប់ផ្តើមកើតឡើងជាមួយនឹង ការនិយាយសន្ទនាគ្នាដ៏អស្ចារ្យមួយ។ ដូច្នេះ អ្នកគួរតែនិយាយប្រាប់ដៃគូ អំពីការស្រមើស្រមៃឆ្គួតៗ និងការចង់បានរបស់អ្នកឲ្យគាត់ដឹងផង។ ជួនកាល ការស្រមើស្រមៃអ្នក អាចធ្វើឲ្យជីវិតផ្លូវភេទ ពោរពេញទៅដោយការផ្សងព្រេងដ៏អស្ចារ្យបំផុត ផងក៏មានដែរ។
ការស្លៀកពាក់
ការស្លៀកពាក់នេះ ចង់សំដៅទៅលើធ្វើយ៉ាងម៉េច មើលទៅទាក់ភ្នែក។ ទាក់ភ្នែកនេះដែរ ចង់សំដៅទៅលើធ្វើឲ្យអ្នកមើល និងឃើញមានអារម្មណ៍ផ្លូវភេទ ចំពោះអ្នកតែម្តង។ ដូច្នេះ យកល្អ គួរតែស្លៀកពាក់អាវទ្រនាប់ដ៏សិចស៊ី ឬខោទ្រនាប់ ដែលមើលទៅផ្តល់ភាពស្រើបស្រាលដល់ដៃគូទៅ។
ប្រតិកម្មបែបលឿនៗ
បើសិនជាអ្នកជាដៃគូស្នេហា ដែលមានភាពមរមាញឹកច្រើន និងមិនមានពេលវេលាគ្រប់គ្រាន់ សម្រាប់រួមភេទជាមួយគ្នាទេ អ្នកអាចធ្វើប្រតិកម្មរួមភេទមួយបែបលឿនៗ មុនពេលចេញទៅធ្វើការព្រឹកឡើងបាន។ រឿងនេះនឹងជួយពង្រឹងដល់ អារម្មណ៍អ្នកបានយ៉ាងល្អផងដែរ។ អ្នក និងដៃគូរអាចនឹងមានពេលវេលានេះម្តងទៀត នៅពេលល្ងាច ឬត្រឡប់ពីធ្វើការវិញ។
ព្យាយាមប្រើក្បាច់រួមភេទថ្មី
រឿងនេះមិនខុសគ្នា នឹងអ្វីៗផ្សេងឡើង ព្រោះជីវិតផ្លូវភេទ ក៏ត្រូវការការផ្លាស់ប្តូរ ឬអ្វីផ្សេង ដើម្បីបន្ថែមគ្រឿង ដល់ការងារលើគ្រែកាន់តែមានរសជាតិ។ អ្នកអាចសាកល្បងក្បាច់រួមភេទផ្សេងៗដូចជា ខាងស្រីនៅពីលើ ឬ Magic Mountain (ក្បាច់រួមភេទដូច Doggy Style ដែរ តែគ្រាន់តែខាងស្រីត្រូវការកល់ខ្នើយក្រោមទ្រូងខ្ពស់)។ ពេលនោះអ្នកនឹងមើលឃើញភាពរីករាយច្រើនជាងមុនមិនខាន។
លេងហ្គេម
ការលេងហ្គេមបៀដូចជា Strip Poker អាចបង្កជាការរីករាយ និងមានភាពស្រើបស្រាលខ្លាំងណាស់។ ការលេងហ្គេមនេះ គឺតម្រូវឲ្យដៃគូដោះសម្លៀកបំពាក់ម្តងមួយៗ គ្រប់ពេលគេលេងចាញ់។
អានរឿងស្រើបស្រាល
ការអានរឿងសិច អាចជួយអ្នកបង្កើតបាន នូវការស្រមើស្រមៃលើរឿងនោះ។ រាល់ពាក្យពេចន៍ ដែលសរសេរនោះ នឹងជួយឲ្យអ្នកមានអារម្មណ៍កាន់តែសិចស៊ី និងផ្តល់ជាគំនិតច្រើន ដើម្បីអនុវត្ត ចំពោះជីវិតផ្លូវភេទអ្នកដោយផ្ទាល់ ដើម្បីបង្កើតបានជាភាពភ្ញាក់ផ្អើល។
និយាយពាក្យឆ្អេះឆ្អាប
តាមពិតទៅ ពាក្យសម្តីអាសអាភាសន៍នេះ មិនគួរណានិយាយជាមួយអ្នកដទៃ ក្នុងទីសាធារណៈឡើយ ព្រោះវាជាពាក្យមិនគួរសម និងឈ្លើយ ប៉ុន្តែ បើសិនជាអ្នកនៅតែពីរនាក់ និងត្រូវការរួមភេទជាមួយគ្នាទៀតនោះ វាពិតជាមិនមែនជារឿងមិនគួរសម និងឈ្លើយទៀតឡើយ ដូច្នេះ កុំមានភាពអៀនខ្មាសក្នុងការនិយាយវាជាមួយដៃគូអី។ អ្វីដែលសំខាន់ គឺគេអាចនឹងចូលចិត្ត វាខ្លាំងទៀតផង។ អ្នកអាចនិយាយថា ថ្ងៃនេះអូនស្លៀកពាក់ចឹង គួរឲ្យចង់ស្ទាបអង្អែលដល់ហើយ។
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com