ជាតិ
រូបភាពពីហ្វេសប៊ុក គជប
×![]()
ដោយ: ម៉ៅ សុផា
ភ្នំពេញ៖ រហូតមកដល់ពេលនេះ សម្ភារបច្ចេកទេសប្រមាណ៩៥ភាគរយ ដែលជាជំនួយរបស់សហភាពអឺរ៉ុប បានធ្លាក់ដល់ដៃគណៈកម្មាធិការជាតិរៀបចំការបោះឆ្នោត (គជប) ហើយ។ ចំណែកសម្ភារផ្សេងៗទៀត ដែលនៅសេសសល់ សហភាពអឺរ៉ុប នឹងបញ្ជូនទៅកាន់គជប ជាបន្តបន្ទាប់។ សម្ភារបច្ចេទេសទាំងនោះ គឺជាជំនួយដ៏សំខាន់ ក្នុងការរៀបចំបោះឆ្នោត ឲ្យប្រព្រឹត្តទៅដោយរលូន និងមានប្រសិទ្ធភាពខ្ពស់។
កំព្យូទ័រចំនួន២៦០០គ្រឿង ត្រូវបានសហភាពអឺរ៉ុប ប្រគល់ជូនគជប រួចរាល់ហើយ កាលពីថ្ងៃទី៣ ខែសីហា ឆ្នាំ២០១៦។ ក្នុងចំណោមកំព្យូទ័រទាំងនោះ កំព្យូរយួរដៃ (laptop) មានចំនួន ២៤០០គ្រឿង ហើយកំព្យូរលើតុ (Desktop) មានចំនួន២០០គ្រឿង។ កំព្យូទ័រខាងលើ គឺសុទ្ធតែជាម៉ាកអេចភី (HP) ទាំងអស់។ នេះបើតាមការអះអាងរបស់លោក ហង្ស ពុទ្ធា អ្នកនាំពាក្យរបស់គជប។
ថ្លែងប្រាប់សារព័ត៌មានថ្មីៗនៅព្រឹកនេះ លោក ហង្ស ពុទ្ធា លើកឡើងថា ក្រៅពីកំព្យូទ័រ សហភាពអឺរ៉ុប ក៏បានផ្តល់សម្ភារជាច្រើនទៀត ដល់គជប ផងដែរ ដូចជា កាមេរ៉ាសុវត្ថិភាព (Security Camera), ម៉ាស៊ីនព្រីន (Printer), ទឹកខ្មៅ, ឧបករណ៍ផ្ទុកភ្លើង (Power Bank), ឧបករណ៍ផ្ទុកឯកសារ (Flash) និងឧបករណ៍ស្កេនមេដៃ ជាដើម។ យ៉ាងណាក៏ដោយ លោក ហង្ស ពុទ្ធា បញ្ជាក់ថា ក្នុងចំណោមសម្ភារទាំងនោះ កំព្យូទ័រ មានសារសំខាន់ជាងគេ ក្នុងការបំពេញកិច្ចការបោះឆ្នោត។
បើទោះបីជា សហភាពអឺរ៉ុប មិនទាន់ប្រគល់សម្ភារបច្ចេកទេសឲ្យគ្រប់ចំនួន១០០ ភាគរយក៏ពិតមែន តែលោក ហង្ស ពុទ្ធា ចាត់ទុកថា គជប ហាក់ដូចជាទទួលបានជំនួយផ្នែកសម្ភារគ្រប់គ្រាន់ហើយ សម្រាប់ការបំពេញការងារបោះឆ្នោត។ លោក មានប្រសាសន៍ទៀតថា សម្ភារដែលសហភាពអឺរ៉ុប មិនទាន់បញ្ជូនទៅកាន់គជប មិនសូវជាសំខាន់ពេកនោះទេ ហើយក៏មិនចោទជាបញ្ហាធ្ងន់ធ្ងរដែរ។
អ្នកនាំពាក្យរូបនេះ សង្កត់ធ្ងន់ថា កំព្យូទ័រទាំងនោះ នឹងត្រូវបានបែងចែកទៅកាន់គ្រប់ឃុំ-សង្កាត់ នៅទូទាំងប្រទេសកម្ពុជា។ លោកបន្ថែមថា កំព្យូទ័រទាំងនោះ នឹងត្រូវបានប្រើប្រាស់ក្នុងគោលដៅធំៗចំនួន២ គឺការចុះឈ្មោះបោះឆ្នោត និងការបណ្តុះបណ្តាលធនធានមនុស្ស ពាក់ព័ន្ធនឹងការបោះឆ្នោត នេះឯង។
បើតាមការអះអាងរបស់លោក ហង្ស ពុទ្ធា ដដែល កំព្យូទ័រ រួមទាំងសម្ភារបច្ចេកទេសទាំងអស់ ដែលសហភាពអឺរ៉ុបផ្តល់ឲ្យគ.ជ.ប មានតម្លៃប្រមាណជា៧លានដុលា្លរ។ លោក លើកឡើងថា នៅពេលគ.ជ.ប ទទួលបានសម្ភារខាងលើរួចហើយ ដំណើរការរៀបចំការបោះឆ្នោត នឹងប្រព្រឹត្តទៅកាន់តែរលូត និងមានប្រសិទ្ធភាពកាន់តែខ្ពស់។
សូមបញ្ជាក់ថា គ.ជ.ប បានត្រៀមថវិកាចំនួន២៣លានដុល្លារផងដែរ ដើម្បីចាយវាយក្នុងអំឡុងពេលនៃការចុះឈ្មោះបោះឆ្នោតថ្នាក់ឃុំ-សង្កាត់ នាឆ្នាំ២០១៧ ខាងមុខ។ រហូតមកដល់ពេលនេះ គ.ជ.ប បានចេញសេចក្តីជូនដំណឹងជាផ្លូវការហើយ ជុំវិញកាលបរិច្ឆេទនៃការចុះឈ្មោះបោះឆ្នោត។ យោងតាមសេចក្តីជូនដំណឹងនោះ គ.ជ.ប នឹងចាប់ផ្តើមចុះឈ្មោះបោះឆ្នោត នៅថ្ងៃទី១ កញ្ញា ឆ្នាំ២០១៦ តទៅ៕
កំព្យូទ័រចំនួន២៦០០គ្រឿង ត្រូវបានសហភាពអឺរ៉ុប ប្រគល់ជូនគជប រួចរាល់ហើយ កាលពីថ្ងៃទី៣ ខែសីហា ឆ្នាំ២០១៦។ ក្នុងចំណោមកំព្យូទ័រទាំងនោះ កំព្យូរយួរដៃ (laptop) មានចំនួន ២៤០០គ្រឿង ហើយកំព្យូរលើតុ (Desktop) មានចំនួន២០០គ្រឿង។ កំព្យូទ័រខាងលើ គឺសុទ្ធតែជាម៉ាកអេចភី (HP) ទាំងអស់។ នេះបើតាមការអះអាងរបស់លោក ហង្ស ពុទ្ធា អ្នកនាំពាក្យរបស់គជប។
ថ្លែងប្រាប់សារព័ត៌មានថ្មីៗនៅព្រឹកនេះ លោក ហង្ស ពុទ្ធា លើកឡើងថា ក្រៅពីកំព្យូទ័រ សហភាពអឺរ៉ុប ក៏បានផ្តល់សម្ភារជាច្រើនទៀត ដល់គជប ផងដែរ ដូចជា កាមេរ៉ាសុវត្ថិភាព (Security Camera), ម៉ាស៊ីនព្រីន (Printer), ទឹកខ្មៅ, ឧបករណ៍ផ្ទុកភ្លើង (Power Bank), ឧបករណ៍ផ្ទុកឯកសារ (Flash) និងឧបករណ៍ស្កេនមេដៃ ជាដើម។ យ៉ាងណាក៏ដោយ លោក ហង្ស ពុទ្ធា បញ្ជាក់ថា ក្នុងចំណោមសម្ភារទាំងនោះ កំព្យូទ័រ មានសារសំខាន់ជាងគេ ក្នុងការបំពេញកិច្ចការបោះឆ្នោត។
បើទោះបីជា សហភាពអឺរ៉ុប មិនទាន់ប្រគល់សម្ភារបច្ចេកទេសឲ្យគ្រប់ចំនួន១០០ ភាគរយក៏ពិតមែន តែលោក ហង្ស ពុទ្ធា ចាត់ទុកថា គជប ហាក់ដូចជាទទួលបានជំនួយផ្នែកសម្ភារគ្រប់គ្រាន់ហើយ សម្រាប់ការបំពេញការងារបោះឆ្នោត។ លោក មានប្រសាសន៍ទៀតថា សម្ភារដែលសហភាពអឺរ៉ុប មិនទាន់បញ្ជូនទៅកាន់គជប មិនសូវជាសំខាន់ពេកនោះទេ ហើយក៏មិនចោទជាបញ្ហាធ្ងន់ធ្ងរដែរ។
អ្នកនាំពាក្យរូបនេះ សង្កត់ធ្ងន់ថា កំព្យូទ័រទាំងនោះ នឹងត្រូវបានបែងចែកទៅកាន់គ្រប់ឃុំ-សង្កាត់ នៅទូទាំងប្រទេសកម្ពុជា។ លោកបន្ថែមថា កំព្យូទ័រទាំងនោះ នឹងត្រូវបានប្រើប្រាស់ក្នុងគោលដៅធំៗចំនួន២ គឺការចុះឈ្មោះបោះឆ្នោត និងការបណ្តុះបណ្តាលធនធានមនុស្ស ពាក់ព័ន្ធនឹងការបោះឆ្នោត នេះឯង។
បើតាមការអះអាងរបស់លោក ហង្ស ពុទ្ធា ដដែល កំព្យូទ័រ រួមទាំងសម្ភារបច្ចេកទេសទាំងអស់ ដែលសហភាពអឺរ៉ុបផ្តល់ឲ្យគ.ជ.ប មានតម្លៃប្រមាណជា៧លានដុលា្លរ។ លោក លើកឡើងថា នៅពេលគ.ជ.ប ទទួលបានសម្ភារខាងលើរួចហើយ ដំណើរការរៀបចំការបោះឆ្នោត នឹងប្រព្រឹត្តទៅកាន់តែរលូត និងមានប្រសិទ្ធភាពកាន់តែខ្ពស់។
សូមបញ្ជាក់ថា គ.ជ.ប បានត្រៀមថវិកាចំនួន២៣លានដុល្លារផងដែរ ដើម្បីចាយវាយក្នុងអំឡុងពេលនៃការចុះឈ្មោះបោះឆ្នោតថ្នាក់ឃុំ-សង្កាត់ នាឆ្នាំ២០១៧ ខាងមុខ។ រហូតមកដល់ពេលនេះ គ.ជ.ប បានចេញសេចក្តីជូនដំណឹងជាផ្លូវការហើយ ជុំវិញកាលបរិច្ឆេទនៃការចុះឈ្មោះបោះឆ្នោត។ យោងតាមសេចក្តីជូនដំណឹងនោះ គ.ជ.ប នឹងចាប់ផ្តើមចុះឈ្មោះបោះឆ្នោត នៅថ្ងៃទី១ កញ្ញា ឆ្នាំ២០១៦ តទៅ៕
Tag:
គជប
សហភាពអឺរ៉ុប
ហង្ស ពុទ្ធា
© រក្សាសិទ្ធិដោយ thmeythmey.com
