អន្តរជាតិ
អាមេរិក៖ កូរ៉េខាងជើងបាញ់មីស៊ីល មិនមែនដោយសារខែលការពារនៅកូរ៉េខាងត្បូងឡើយ
×![]()
ដោយ: តន ចាន់រិទ្ធារ៉ា
ក្រុមប្រឹក្សាសន្តិសុខអង្គការសហប្រជាជាតិ បានកោះប្រជុំបន្ទាន់មួយ បន្ទាប់ពីកូរ៉េខាងជើងបាញ់មីស៊ីល ដែលធ្លាក់ចូលទៅក្នុងដែនសមុទ្រជប៉ុន។ ឆ្លៀតពេលប្រជុំនោះ អគ្គរដ្ឋទូតអាមេរិកប្រចាំអង្គការសហប្រជាជាតិ បានទាត់ចោលការលើកឡើងថា ការសម្រេចចិត្តពង្រាយខែលការពារមីស៊ីលនៅកូរ៉េខាងត្បូង ជាដើមចមដែលនាំឲ្យកូរ៉េខាងជើងបាញ់មីស៊ីលបាលីស្ទិកថ្ងៃទី៣ ខែសីហា។
សូមស្ដាប់ព័ត៌មានលម្អិត៖
គ្រាប់មីស៊ីលរបស់កូរ៉េខាងជើង ដែលបាញ់ធ្លាក់ចូលដែនទឹកជប៉ុនជាលើកដំបូង ធ្វើឲ្យជប៉ុន កូរ៉េខាងត្បូង និងអាមេរិក ខ្វាយខ្វល់យ៉ាងខ្លាំង។ ភ្លាមៗបន្ទាប់ពីការបាញ់នោះ ក្រុងវ៉ាស៊ីនតោន និងក្រុងតូក្យូ បានស្នើបើកកិច្ចប្រជុំក្រុមប្រឹក្សាសន្តិសុខ ជុំវិញបញ្ហានេះ ហើយប្រេសិតអាមេរិកប្រចាំអង្គការសហប្រជាជាតិ ក៏បានបដិសេធការចោទប្រកាន់មកលើខ្លូន ថា ខែលការពារ (THAAD) ជាមូលហេតុនៃការបាញ់នេះ។
ថ្លែងទៅកាន់កិច្ចប្រជុំបន្ទាន់ក្រុមប្រឹក្សាសន្តិសុខ លោកស្រី Samantha Power អគ្គរដ្ឋទូតអាមេរិកប្រចាំ UN និយាយការពារការសម្រេចចិត្តរបស់អាមេរិកថា ការពង្រាយខែលការពារមីស៊ីល គឺដើម្បីការពារការគំរាមណាមួយរបស់កូរ៉េខាងជើង។ លោកស្រី បានប្រាប់អ្នករាយការណ៍ព័ត៌មានទៀតថា ការអះអាងណាមួយរបស់មេដឹកនាំកូរ៉េខាងជើង ឬក៏ប្រទេសនេះផ្ទាល់ លើការពង្រាយប្រព័ន្ធការពារនេះ គ្មានមូលដ្ឋានជាក់ស្ដែងនោះទេ។
កាលពីខែមុន សម្ព័ន្ធមិត្តរបស់កូរ៉េខាងជើង គឺចិន បានបង្ហាញការព្រួយបារម្ភចំពោះការពង្រាយប្រព័ន្ធការពាររបស់អាមេរិកលើទឹកដីកូរ៉េខាងត្បូង។ ចំពោះចិន ខែលការពារមីស៊ីលនេះ នឹងធ្វើឲ្យស្ថានការណ៍នៅឧបទ្វីបកូរ៉េកាន់តែតានតឹង ខណៈដែលរបបក្រុងព្យុងយ៉ាង ក៏បានគំរាមវាយបកនឹងការពង្រាយនេះដែរ។ និយាយប្រាប់អ្នកសារព័ត៌មានបន្ទាប់ពីកិច្ចប្រជុំ ប្រេសិតចិនប្រចាំ UN លោក Liu Jieyi បញ្ជាក់ថា សកម្មភាពណាមួយ មិនគួរធ្វើឡើង ដែលវាអាចនាំឲ្យភាពតានតឹងកើនឡើងនោះឡើយ។
ចំណែកជប៉ុន និងកូរ៉េខាងត្បូង ក៏ឆ្លៀតពេលកិច្ចប្រជុំបញ្ចេញប្រតិកម្មខ្លាំងលើការបាញ់មីស៊ីលនេះដែរ។ បើតាម Reuters អគ្គរដ្ឋទូតជប៉ុន លោក Koro Bessho ប្រាប់អ្នកព័ត៌មានថា មីស៊ីលបានធ្លាក់ចូលតំបន់សេដ្ឋកិច្ចផ្ដាច់មុខរបស់ជប៉ុន ដោយគ្មានការព្រមានទុកមុនអ្វីទេ ហើយនេះជាការគំរាមធ្ងន់ធ្ងរ សម្រាប់សន្តិសុខ និងសុវត្ថិភាពក្នុងតំបន់។
ទន្ទឹមនឹងគ្នានេះ តំណាងកូរ៉េខាងត្បូងប្រចាំ UN លោក Oh Joon និយាយដែរថា ក្នុងឆ្នាំនេះ កូរ៉េខាងជើងបានសាកល្បងមីស៊ីលបាលីស្ទិក១៣ដង និងបាញ់មីស៊ីល២៩ គ្រាប់ផ្សេងគ្នា។ តំណាងកូរ៉េខាងត្បូងអះអាងថា ក្រុងព្យុងយ៉ាង ធ្វើរឿងទាំងនេះ ដោយមានគោលដៅជាប្រព័ន្ធ ក្នុងការអភិវឌ្ឍបច្ចេកវិទ្យាមីស៊ីលរបស់ខ្លួន ហើយបញ្ហានេះ ពិតជាបង្កគ្រោះថ្នាក់ដល់ប្រទេសទាំងអស់ក្នុងតំបន់៕
សូមស្ដាប់ព័ត៌មានលម្អិត៖
គ្រាប់មីស៊ីលរបស់កូរ៉េខាងជើង ដែលបាញ់ធ្លាក់ចូលដែនទឹកជប៉ុនជាលើកដំបូង ធ្វើឲ្យជប៉ុន កូរ៉េខាងត្បូង និងអាមេរិក ខ្វាយខ្វល់យ៉ាងខ្លាំង។ ភ្លាមៗបន្ទាប់ពីការបាញ់នោះ ក្រុងវ៉ាស៊ីនតោន និងក្រុងតូក្យូ បានស្នើបើកកិច្ចប្រជុំក្រុមប្រឹក្សាសន្តិសុខ ជុំវិញបញ្ហានេះ ហើយប្រេសិតអាមេរិកប្រចាំអង្គការសហប្រជាជាតិ ក៏បានបដិសេធការចោទប្រកាន់មកលើខ្លូន ថា ខែលការពារ (THAAD) ជាមូលហេតុនៃការបាញ់នេះ។
ថ្លែងទៅកាន់កិច្ចប្រជុំបន្ទាន់ក្រុមប្រឹក្សាសន្តិសុខ លោកស្រី Samantha Power អគ្គរដ្ឋទូតអាមេរិកប្រចាំ UN និយាយការពារការសម្រេចចិត្តរបស់អាមេរិកថា ការពង្រាយខែលការពារមីស៊ីល គឺដើម្បីការពារការគំរាមណាមួយរបស់កូរ៉េខាងជើង។ លោកស្រី បានប្រាប់អ្នករាយការណ៍ព័ត៌មានទៀតថា ការអះអាងណាមួយរបស់មេដឹកនាំកូរ៉េខាងជើង ឬក៏ប្រទេសនេះផ្ទាល់ លើការពង្រាយប្រព័ន្ធការពារនេះ គ្មានមូលដ្ឋានជាក់ស្ដែងនោះទេ។
កាលពីខែមុន សម្ព័ន្ធមិត្តរបស់កូរ៉េខាងជើង គឺចិន បានបង្ហាញការព្រួយបារម្ភចំពោះការពង្រាយប្រព័ន្ធការពាររបស់អាមេរិកលើទឹកដីកូរ៉េខាងត្បូង។ ចំពោះចិន ខែលការពារមីស៊ីលនេះ នឹងធ្វើឲ្យស្ថានការណ៍នៅឧបទ្វីបកូរ៉េកាន់តែតានតឹង ខណៈដែលរបបក្រុងព្យុងយ៉ាង ក៏បានគំរាមវាយបកនឹងការពង្រាយនេះដែរ។ និយាយប្រាប់អ្នកសារព័ត៌មានបន្ទាប់ពីកិច្ចប្រជុំ ប្រេសិតចិនប្រចាំ UN លោក Liu Jieyi បញ្ជាក់ថា សកម្មភាពណាមួយ មិនគួរធ្វើឡើង ដែលវាអាចនាំឲ្យភាពតានតឹងកើនឡើងនោះឡើយ។
ចំណែកជប៉ុន និងកូរ៉េខាងត្បូង ក៏ឆ្លៀតពេលកិច្ចប្រជុំបញ្ចេញប្រតិកម្មខ្លាំងលើការបាញ់មីស៊ីលនេះដែរ។ បើតាម Reuters អគ្គរដ្ឋទូតជប៉ុន លោក Koro Bessho ប្រាប់អ្នកព័ត៌មានថា មីស៊ីលបានធ្លាក់ចូលតំបន់សេដ្ឋកិច្ចផ្ដាច់មុខរបស់ជប៉ុន ដោយគ្មានការព្រមានទុកមុនអ្វីទេ ហើយនេះជាការគំរាមធ្ងន់ធ្ងរ សម្រាប់សន្តិសុខ និងសុវត្ថិភាពក្នុងតំបន់។
ទន្ទឹមនឹងគ្នានេះ តំណាងកូរ៉េខាងត្បូងប្រចាំ UN លោក Oh Joon និយាយដែរថា ក្នុងឆ្នាំនេះ កូរ៉េខាងជើងបានសាកល្បងមីស៊ីលបាលីស្ទិក១៣ដង និងបាញ់មីស៊ីល២៩ គ្រាប់ផ្សេងគ្នា។ តំណាងកូរ៉េខាងត្បូងអះអាងថា ក្រុងព្យុងយ៉ាង ធ្វើរឿងទាំងនេះ ដោយមានគោលដៅជាប្រព័ន្ធ ក្នុងការអភិវឌ្ឍបច្ចេកវិទ្យាមីស៊ីលរបស់ខ្លួន ហើយបញ្ហានេះ ពិតជាបង្កគ្រោះថ្នាក់ដល់ប្រទេសទាំងអស់ក្នុងតំបន់៕
Tag:
អាមេរិក
កូរ៉េខាងជើង
THAAD
© រក្សាសិទ្ធិដោយ thmeythmey.com
