ជាតិ
×![]()
ភ្នំពេញ៖ អគ្គនាយកដ្ឋានអន្តោប្រវេសន៍នៃក្រសួងមហាផ្ទៃ នឹងបង្ហាញលទ្ធផលជំរឿនជនអន្តោប្រវេសន៍ជាផ្លូវការ នៅក្នុងអំឡុងខែសីហា ឆ្នាំ២០១៦ នេះ នៅទីស្តីការក្រសួងមហាផ្ទៃ។ 
អគ្គនាយកដ្ឋានអន្តោប្រវេសន៍ បានបញ្ចប់ការជំរឿនទិន្នន័យជនអន្តោប្រវេសន៍ទូទាំងប្រទេសរួចរាល់ហើយ ហើយក្រសួងមហាផ្ទៃនឹងប្រកាសលទ្ធផលនេះជាសាធារណៈ ក្នុងអំឡុងខែសីហា ឆ្នាំ២០១៦ ។ នេះបើតាមប្រសាសន៍របស់លោក សុខ ផល អគ្គនាយកនៃអគ្គនាយកដ្ឋានអន្តោប្រវេសន៍។ លោក សុខ ផល បានប្រាប់សារព័ត៌មានថ្មីៗ តាមទូរសព្ទនៅរសៀលនេះថា លោកកំពុងរង់ចាំចំណារឯកភាពពីសម្តេច ស ខេង រដ្ឋមន្ត្រីក្រសួងមហាផ្ទៃ សិន មុនពេលលោកកោះអញ្ជើញអភិបាលរាជធានី-ខេត្ត ស្នងការនគរបាលទូទាំងប្រទេសប្រជុំអនុវត្តផែនការគ្រប់គ្រងជនអន្តោប្រវេសន៍បន្តទៀត។
យ៉ាងណា លោក សុខ ផល ដែលជាអគ្គស្នងការរងនគរបាលជាតិផងនោះ បដិសេធពុំទាន់ទម្លាយរបាយការណ៍ចំនួនជនអន្តោប្រវេសន៍ប្រាប់សារព័ត៌មានថ្មីៗតែម្តង នៅថ្ងៃទី៨ ខែសីហានេះឡើយ ព្រោះលោកចង់ឲ្យអ្នកសារព័ត៌មានទទួលរបាយការណ៍នេះ ក្នុងពេលតែមួយតែម្តង។ លោក សុខ ផល បញ្ជាក់យ៉ាងនេះថា៖«យើងបានបញ្ជូនរបាយការណ៍ទិន្នន័យជូនសម្តេចក្រឡាហោមពិនិត្យសម្រេច រួចយើងនឹងប្រជុំធំ ដើម្បីប្រកាសជាសាធារណៈ ប្រាប់អ្នកសារព័ត៌មានជាតិ និងអន្តរជាតិទាំងអស់ព្រមគ្នាតែម្តង អាចនឹងនៅចុងសប្តាហ៍នេះ ឬដើមសប្តាហ៍ក្រោយ»។
កាលពីពេលកន្លងទៅ រដ្ឋមន្ត្រីក្រសួងមហាផ្ទៃ សម្តេច ស ខេង ធ្លាប់បានយកឱកាសពិធីសាទរខួប លើកទី៧១ ថ្ងៃកំណើតនគរបាលជាតិកម្ពុជា ដាក់បញ្ជាដល់មន្ត្រីទទួលបន្ទុកជនអន្តោប្រវេសន៍ឲ្យធ្វើការប្រមូល ទិន្នន័យជនអន្តោប្រវេសន៍ឲ្យបានត្រឹមត្រូវ ដើម្បីចៀសវាងនូវការលើកឡើងខុសៗគ្នាអំពីតួលេខ និងងាយស្រួលគ្រប់គ្រងជនបរទេស។
សម្តេចបានជំរុញមន្ត្រីមានសមត្ថកិច្ច កាលពីថ្ងៃទី១៦ ខែឧសភា ឆ្នាំ២០១៦ នៅទីស្តីការក្រសួងមហាផ្ទៃ ឲ្យបញ្ចប់ការងារជំរឿនជនអន្តោប្រវេសន៍ក្នុងឆ្នាំ២០១៦ រួច ក្រសួងនឹងបង្កើតគណៈកម្មការចំពោះកិច្ចមួយ ពិភាក្សាពីបញ្ហាអន្តោប្រវេសន៍ ដើម្បីសុំគោលការណ៍ផ្លូវច្បាប់ ពីរដ្ឋាភិបាល។ ក្រៅពីនេះ សម្តេចបានជំរុញមន្ត្រី ឲ្យរឹតបន្តឹងការត្រួតពិនិត្យជនអន្តោប្រវេសន៍ ក្នុងប្រទេស និងច្រករបៀងតូចៗ តាមព្រំដែន ផងដែរ។
គួរម្លឹកផងដែរ អគ្គនាយកនៃអគ្គនាយកដ្ឋានអន្តោប្រវេសន៍លោក សុខ ផល ធ្លាប់បានបង្ហាញរបាយការណ៍ជនអន្តោប្រវេសន៍ខុសច្បាប់ក្នុងពិធីផ្សព្វផ្សាយ របាយការណ៍អន្តោប្រវេសន៍នៅកម្ពុជា កាលពីខែកក្កដា ឆ្នាំ២០១៥ ថា ជនអន្តោប្រវេសន៍ខុសច្បាប់វៀតណាមបានកើនឡើងពី ៧ម៉ឺននាក់ក្នុងឆ្នាំ២០០២ មកដល់១៦ម៉ឺននាក់ក្នុងឆ្នាំ២០១៤នេះ ក្រៅជនបរទេសសញ្ជាតិដទៃ។ វាជាចំនួនកើនឡើងដែលធ្វើឲ្យលោកអគ្គនាយកកត់សម្គាល់យ៉ាងខ្លាំង។
ទោះបីជាយ៉ាងណាក្តី បើតាមការអះអាងរបស់មេប៉ូលីសអន្តោប្រវេសន៍ ចំនួន ១៦ម៉ឺននាក់នៃជនអន្តោប្រវេសន៍ខុសច្បាប់វៀតណាមនេះ ក៏មិនទាន់ជាចំនួនសរុបចុងក្រោយនោះដែរ៕
អគ្គនាយកដ្ឋានអន្តោប្រវេសន៍ បានបញ្ចប់ការជំរឿនទិន្នន័យជនអន្តោប្រវេសន៍ទូទាំងប្រទេសរួចរាល់ហើយ ហើយក្រសួងមហាផ្ទៃនឹងប្រកាសលទ្ធផលនេះជាសាធារណៈ ក្នុងអំឡុងខែសីហា ឆ្នាំ២០១៦ ។ នេះបើតាមប្រសាសន៍របស់លោក សុខ ផល អគ្គនាយកនៃអគ្គនាយកដ្ឋានអន្តោប្រវេសន៍។ លោក សុខ ផល បានប្រាប់សារព័ត៌មានថ្មីៗ តាមទូរសព្ទនៅរសៀលនេះថា លោកកំពុងរង់ចាំចំណារឯកភាពពីសម្តេច ស ខេង រដ្ឋមន្ត្រីក្រសួងមហាផ្ទៃ សិន មុនពេលលោកកោះអញ្ជើញអភិបាលរាជធានី-ខេត្ត ស្នងការនគរបាលទូទាំងប្រទេសប្រជុំអនុវត្តផែនការគ្រប់គ្រងជនអន្តោប្រវេសន៍បន្តទៀត។
យ៉ាងណា លោក សុខ ផល ដែលជាអគ្គស្នងការរងនគរបាលជាតិផងនោះ បដិសេធពុំទាន់ទម្លាយរបាយការណ៍ចំនួនជនអន្តោប្រវេសន៍ប្រាប់សារព័ត៌មានថ្មីៗតែម្តង នៅថ្ងៃទី៨ ខែសីហានេះឡើយ ព្រោះលោកចង់ឲ្យអ្នកសារព័ត៌មានទទួលរបាយការណ៍នេះ ក្នុងពេលតែមួយតែម្តង។ លោក សុខ ផល បញ្ជាក់យ៉ាងនេះថា៖«យើងបានបញ្ជូនរបាយការណ៍ទិន្នន័យជូនសម្តេចក្រឡាហោមពិនិត្យសម្រេច រួចយើងនឹងប្រជុំធំ ដើម្បីប្រកាសជាសាធារណៈ ប្រាប់អ្នកសារព័ត៌មានជាតិ និងអន្តរជាតិទាំងអស់ព្រមគ្នាតែម្តង អាចនឹងនៅចុងសប្តាហ៍នេះ ឬដើមសប្តាហ៍ក្រោយ»។
កាលពីពេលកន្លងទៅ រដ្ឋមន្ត្រីក្រសួងមហាផ្ទៃ សម្តេច ស ខេង ធ្លាប់បានយកឱកាសពិធីសាទរខួប លើកទី៧១ ថ្ងៃកំណើតនគរបាលជាតិកម្ពុជា ដាក់បញ្ជាដល់មន្ត្រីទទួលបន្ទុកជនអន្តោប្រវេសន៍ឲ្យធ្វើការប្រមូល ទិន្នន័យជនអន្តោប្រវេសន៍ឲ្យបានត្រឹមត្រូវ ដើម្បីចៀសវាងនូវការលើកឡើងខុសៗគ្នាអំពីតួលេខ និងងាយស្រួលគ្រប់គ្រងជនបរទេស។
សម្តេចបានជំរុញមន្ត្រីមានសមត្ថកិច្ច កាលពីថ្ងៃទី១៦ ខែឧសភា ឆ្នាំ២០១៦ នៅទីស្តីការក្រសួងមហាផ្ទៃ ឲ្យបញ្ចប់ការងារជំរឿនជនអន្តោប្រវេសន៍ក្នុងឆ្នាំ២០១៦ រួច ក្រសួងនឹងបង្កើតគណៈកម្មការចំពោះកិច្ចមួយ ពិភាក្សាពីបញ្ហាអន្តោប្រវេសន៍ ដើម្បីសុំគោលការណ៍ផ្លូវច្បាប់ ពីរដ្ឋាភិបាល។ ក្រៅពីនេះ សម្តេចបានជំរុញមន្ត្រី ឲ្យរឹតបន្តឹងការត្រួតពិនិត្យជនអន្តោប្រវេសន៍ ក្នុងប្រទេស និងច្រករបៀងតូចៗ តាមព្រំដែន ផងដែរ។
គួរម្លឹកផងដែរ អគ្គនាយកនៃអគ្គនាយកដ្ឋានអន្តោប្រវេសន៍លោក សុខ ផល ធ្លាប់បានបង្ហាញរបាយការណ៍ជនអន្តោប្រវេសន៍ខុសច្បាប់ក្នុងពិធីផ្សព្វផ្សាយ របាយការណ៍អន្តោប្រវេសន៍នៅកម្ពុជា កាលពីខែកក្កដា ឆ្នាំ២០១៥ ថា ជនអន្តោប្រវេសន៍ខុសច្បាប់វៀតណាមបានកើនឡើងពី ៧ម៉ឺននាក់ក្នុងឆ្នាំ២០០២ មកដល់១៦ម៉ឺននាក់ក្នុងឆ្នាំ២០១៤នេះ ក្រៅជនបរទេសសញ្ជាតិដទៃ។ វាជាចំនួនកើនឡើងដែលធ្វើឲ្យលោកអគ្គនាយកកត់សម្គាល់យ៉ាងខ្លាំង។
ទោះបីជាយ៉ាងណាក្តី បើតាមការអះអាងរបស់មេប៉ូលីសអន្តោប្រវេសន៍ ចំនួន ១៦ម៉ឺននាក់នៃជនអន្តោប្រវេសន៍ខុសច្បាប់វៀតណាមនេះ ក៏មិនទាន់ជាចំនួនសរុបចុងក្រោយនោះដែរ៕
Tag:
ក្រសួងមហាផ្ទៃ
សុខ ផល
អន្តោប្រវេសន៍
© រក្សាសិទ្ធិដោយ thmeythmey.com
