អន្តរជាតិ
×![]()
ដោយ: តន ចាន់រិទ្ធារ៉ា
ទំនាក់ទំនងរវាងជប៉ុន និងចិន បានធ្លាក់ចូលក្នុងស្ថានភាពកាន់តែតានតឹង បន្ទាប់ពីកប៉ាល់រដ្ឋាភិបាលចិនជាច្រើនគ្រឿង ធ្វើដំណើរចូលទៅកាន់ដែនទឹកនៅសមុទ្រចិនខាងកើត ដែលជប៉ុនអះអាងថា ជារបស់ខ្លួន។ ជាមួយនឹងការតវ៉ាខ្លាំងៗ ក្រុងតូក្យូថែមទាំងប្រកាសឆ្លើយតបនឹងសកម្មភាពខុសច្បាប់នេះ និងទទូចឲ្យរដ្ឋាភិបាលចិន មិនត្រូវធ្វើឲ្យជម្លោះដែនទឹកនេះកាន់តែគ្រោះថ្នាក់នោះឡើយ។
មន្ត្រីជាន់ខ្ពស់ជប៉ុន នៅថ្ងៃទី៨ ខែសីហា និយាយថា ខ្លួននឹងតបតយ៉ាងម៉ឺងម៉ាត់បំផុត ចំពោះកប៉ាល់ចិន ដែលចូលដែនទឹករបស់ខ្លួនក្បែរតំបន់ជម្លោះនៅសមុទ្រចិនខាងកើត ជាច្រើនលើកនៅចុងសប្ដាហ៍កន្លងទៅ។ ប្រធានលេខាធិការគណៈរដ្ឋមន្ត្រីជប៉ុន លោក Yoshihide Suga និយាយទៀតថា ទន្ទឹមនឹងឆ្លើយតបនឹងសកម្មភាពខុសច្បាប់បែបបនេះ ក្រុងតួក្យូ ក៏ទទូចទៅក្រុងប៉េកាំង មិនធ្វើឲ្យជម្លោះនៅតំបន់នេះរាលដាលធំឡើងឡើយ។
ថ្លែងក្នុងសន្និសីទកាសែត លោក Yoshihide Suga បញ្ជាក់ថា កប៉ាល់រដ្ឋាភិបាលចិនចំនួន១៤គ្រឿង បានចូលក្នុងតំបន់ជាប់ឆ្នេរសមុទ្រ ដែលជប៉ុនចាត់ទុកជាដែនទឹករបស់ខ្លួន ហើយសកម្មភាពបំពាននេះអាចត្រូវបានចាត់វិធានការក្រោមច្បាប់គយនិងអន្តោប្រវេសន៍របស់ជប៉ុន។ លោកបន្តថា មកទល់ព្រឹកថ្ងៃទី៨ គេសង្កេតឃើញកប៉ាល់ចំនួន១២ បន្តនៅទីនោះនៅឡើយ ហើយកងឆ្មាំការពារឆ្នេរ និងអង្គភាពដទៃទៀត នឹងរួមគ្នាដោះស្រាយបញ្ហានេះ។
សកម្មភាពកប៉ាល់ចិន នៅក្បែរកោះ Senkaku (Diaoyu ជាភាសាចិន) ដែលមាន ជម្លោះ នៅសមុទ្រចិនខាងកើត បានដុតកម្ដៅទំនាក់ទំនងរវាងជប៉ុន និងចិន តាំងពីថ្ងៃទី៥ ខែសីហាមក។ បើតាមសារព័ត៌មាន The Japanese Times រដ្ឋាភិបាលក្រុងតូក្យូ បានប្រតិកម្មខ្លាំងៗនៅសកម្មភាពនេះ ហើយគ្រាន់តែថ្ងៃទី៧ ខែសីហាមួយថ្ងៃ ជប៉ុន បានធ្វើការតវ៉ាដល់ទៅបីដងទៅហើយ។
ភាពតានតឹងនៅសមុទ្រចិនខាងកើត បានឡើងកម្ដៅជាថ្មី បន្ទាប់ពីតុលាការអន្តរជាតិក្រុងឡាអេ ចេញសេចក្ដីសម្រេចទាក់ទងនឹងជម្លោះនៅសមុទ្រចិនខាងត្បូង ដែលប្ដឹងដោយហ្វីលីពីន។ ក្រុងប៉េកាំង បានបដិសេធទទួលយកការសម្រេចនេះ ប៉ុន្តែក្រុងតូក្យូ ស្នើឲ្យក្រុងប៉េកាំងទទួលយកការសម្រេចនេះ ដោយអះអាងថា មានលក្ខណៈចងភ្ជាប់ផ្លូវច្បាប់។ យ៉ាងណាក្ដី ចិនប្រាប់ជប៉ុនវិញថា ត្រូវនៅឲ្យឆ្ងាយពីរឿងនេះ។
សូមរម្លឹកថា ចិន និងជប៉ុន ដែលជាមហាអំណាចសេដ្ឋកិច្ចទីពីរ និងទីបី តែងតែមានគំនិតផ្ទុយគ្នា ដ្បិតមហាយក្សទាំងពីរនេះ នៅតែមើលមុខគ្នាមិនត្រូវដោយសារជម្លោះដែនដីនៅសមុទ្រចិនខាងកើត។ មួយវិញទៀត បញ្ហាប្រវត្តិសាស្ត្រនៅសម័យសង្គ្រាមលោកលើកទីពីរ ក៏ជារបាំងក្នុងទំនាក់ទំនងចិន និងជប៉ុនដែរ៕
មន្ត្រីជាន់ខ្ពស់ជប៉ុន នៅថ្ងៃទី៨ ខែសីហា និយាយថា ខ្លួននឹងតបតយ៉ាងម៉ឺងម៉ាត់បំផុត ចំពោះកប៉ាល់ចិន ដែលចូលដែនទឹករបស់ខ្លួនក្បែរតំបន់ជម្លោះនៅសមុទ្រចិនខាងកើត ជាច្រើនលើកនៅចុងសប្ដាហ៍កន្លងទៅ។ ប្រធានលេខាធិការគណៈរដ្ឋមន្ត្រីជប៉ុន លោក Yoshihide Suga និយាយទៀតថា ទន្ទឹមនឹងឆ្លើយតបនឹងសកម្មភាពខុសច្បាប់បែបបនេះ ក្រុងតួក្យូ ក៏ទទូចទៅក្រុងប៉េកាំង មិនធ្វើឲ្យជម្លោះនៅតំបន់នេះរាលដាលធំឡើងឡើយ។
ថ្លែងក្នុងសន្និសីទកាសែត លោក Yoshihide Suga បញ្ជាក់ថា កប៉ាល់រដ្ឋាភិបាលចិនចំនួន១៤គ្រឿង បានចូលក្នុងតំបន់ជាប់ឆ្នេរសមុទ្រ ដែលជប៉ុនចាត់ទុកជាដែនទឹករបស់ខ្លួន ហើយសកម្មភាពបំពាននេះអាចត្រូវបានចាត់វិធានការក្រោមច្បាប់គយនិងអន្តោប្រវេសន៍របស់ជប៉ុន។ លោកបន្តថា មកទល់ព្រឹកថ្ងៃទី៨ គេសង្កេតឃើញកប៉ាល់ចំនួន១២ បន្តនៅទីនោះនៅឡើយ ហើយកងឆ្មាំការពារឆ្នេរ និងអង្គភាពដទៃទៀត នឹងរួមគ្នាដោះស្រាយបញ្ហានេះ។
សកម្មភាពកប៉ាល់ចិន នៅក្បែរកោះ Senkaku (Diaoyu ជាភាសាចិន) ដែលមាន ជម្លោះ នៅសមុទ្រចិនខាងកើត បានដុតកម្ដៅទំនាក់ទំនងរវាងជប៉ុន និងចិន តាំងពីថ្ងៃទី៥ ខែសីហាមក។ បើតាមសារព័ត៌មាន The Japanese Times រដ្ឋាភិបាលក្រុងតូក្យូ បានប្រតិកម្មខ្លាំងៗនៅសកម្មភាពនេះ ហើយគ្រាន់តែថ្ងៃទី៧ ខែសីហាមួយថ្ងៃ ជប៉ុន បានធ្វើការតវ៉ាដល់ទៅបីដងទៅហើយ។
ភាពតានតឹងនៅសមុទ្រចិនខាងកើត បានឡើងកម្ដៅជាថ្មី បន្ទាប់ពីតុលាការអន្តរជាតិក្រុងឡាអេ ចេញសេចក្ដីសម្រេចទាក់ទងនឹងជម្លោះនៅសមុទ្រចិនខាងត្បូង ដែលប្ដឹងដោយហ្វីលីពីន។ ក្រុងប៉េកាំង បានបដិសេធទទួលយកការសម្រេចនេះ ប៉ុន្តែក្រុងតូក្យូ ស្នើឲ្យក្រុងប៉េកាំងទទួលយកការសម្រេចនេះ ដោយអះអាងថា មានលក្ខណៈចងភ្ជាប់ផ្លូវច្បាប់។ យ៉ាងណាក្ដី ចិនប្រាប់ជប៉ុនវិញថា ត្រូវនៅឲ្យឆ្ងាយពីរឿងនេះ។
សូមរម្លឹកថា ចិន និងជប៉ុន ដែលជាមហាអំណាចសេដ្ឋកិច្ចទីពីរ និងទីបី តែងតែមានគំនិតផ្ទុយគ្នា ដ្បិតមហាយក្សទាំងពីរនេះ នៅតែមើលមុខគ្នាមិនត្រូវដោយសារជម្លោះដែនដីនៅសមុទ្រចិនខាងកើត។ មួយវិញទៀត បញ្ហាប្រវត្តិសាស្ត្រនៅសម័យសង្គ្រាមលោកលើកទីពីរ ក៏ជារបាំងក្នុងទំនាក់ទំនងចិន និងជប៉ុនដែរ៕
Tag:
ចិន
ជប៉ុន
សមុទ្រចិនខាងកើត
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
15 ម៉ោង
