អន្តរជាតិ
×![]()
ដោយ: តន ចាន់រិទ្ធារ៉ា
ការិយាល័យប្រធានាធិបតីមីយ៉ាន់ម៉ា ប្រកាសថា ទីប្រឹក្សារដ្ឋ លោកស្រី អ៊ុងសាន ស៊ូជី នឹងធ្វើដំណើរទស្សនកិច្ចផ្លូវការទៅកាន់ចិន នាសប្ដាហ៍ក្រោយ តាមការអញ្ជើញរបស់ថ្នាក់ដឹកនាំចិន។ គេមិនទាន់ដឹងច្បាស់ពីប្រធានបទនៃដំណើទស្សនកិច្ចនេះឡើយ ប៉ុន្តែទស្សនកិច្ច ហាក់ចំពេលដែលទាំងចិន ទាំងអាមេរិក កំពុងប្រជែងគ្នាខ្លាំងដើម្បីដណ្ដើមឥទ្ធិពលនៅក្នុងតំបន់។
អ្នកនាំពាក្យការិយាល័យប្រធានាធិបតី លោក Zaw Htay និយាយថា លោកស្រី អ៊ុងសាន ស៊ូជី នឹងទស្សនកិច្ចរយៈពេលបួនថ្ងៃទៅកាន់ប្រទេសចិន ដែលចាប់ផ្ដើមនៅថ្ងៃទី១៧ ខែសីហា។ យ៉ាងណាក្ដី អ្នកនាំពាក្យរូបនេះ មិនបានផ្ដល់ព័ត៌មានលម្អិតអ្វីឡើយ ដោយអះអាងថា ព័ត៌មានបន្ថែមនឹងត្រូវប្រកាសពេលក្រោយទៀត។
យោងតាមសារព័ត៌មាន The Irrawaddy អនុរដ្ឋមន្ត្រីសន្តិសុខចិន លោក Geng Huichang ជាអ្នកអញ្ជើញលោកស្រី ស៊ូជី ក្នុងជំនួបក្នុងរដ្ឋធានីណៃពិដោ កាលពីថ្ងៃទី៨ ខែកក្កដា។ ទស្សនកិច្ចបួនថ្ងៃនៅចិន នឹងក្លាយជាដំណើទៅកាន់បរទេសលើកទីបីរបស់លោកស្រី ស៊ូជី ដែលកាន់តំណែងជារដ្ឋមន្ត្រីការបរទេសដែរនោះ។ លោកស្រី បានទៅទស្សនកិច្ចនៅឡាវក្នុងខែឧសភា និងទស្សនកិច្ចនៅថៃក្នុងមិថុនា។
មួយវិញទៀត ទស្សនកិច្ចលើកនេះ ក៏ជាដំណើលើកទីពីរទៅកាន់ចិន ចាប់តាំងពីទស្សនកិច្ចទៅក្រុងប៉េកាំងកាលពីខែមិថុនា ឆ្នាំ២០១៥។ កាលនោះ ម្ចាស់ពានរង្វាន់ណូបែលសន្តិភាពឆ្នាំ១៩៩១ ទៅកាន់ចិនតាមការអញ្ជើញរបស់បក្សកុម្មុយនីស្តចិន ក្នុងនាមជាប្រធានគណបក្សសម្ព័ន្ធភាពដើម្បីប្រជាធិបតេយ្យ ដែលនៅជាបក្សប្រឆាំងនៅឡើយ។ លោកស្រី បានជួបជាមួយប្រធានាធិបតី លោក ស៊ី ជិនពីង និងលោកនាយករដ្ឋមន្ត្រី លី ខឺឈាំង។
ទន្ទឹមនឹងការទទួលការអញ្ជើញពីសំណាក់មហាយក្សចិន មេដឹកនាំ de facto របស់មីយ៉ាន់ម៉ារូបនេះ ក៏បានទទួលការអញ្ជើញពីប្រធានាធិបតីអាមេរិក លោក បារ៉ាក់ អូបាម៉ា ដែលជិតចប់អាណត្តិទៅហើយនោះ។ ប្រភពព័ត៌មានខាងលើបន្តថា ដំណើទស្សនកិច្ចរបស់លោកស្រី ស៊ូជី ទៅកាន់អាមេរិក អាចនឹងធ្វើឡើព្រមគ្នានឹងកិច្ចប្រជុំប្រចាំឆ្នាំរបស់អង្គការសហប្រជាជាតិ ក្នុងខែកញ្ញាខាងមុខនេះ។
ការសម្រេចចិត្តទស្សនកិច្ចទៅចិន មុនទៅអាមេរិក ត្រូវមើលឃើញថា ជាការសម្រេចចិត្តលំបាកមួយសម្រាប់មេដឹកនាំមីយ៉ាន់ម៉ា ស្របពេលការប្រជែងឥទ្ធិពលរវាងមហាយក្សទាំងពីរ កាន់តែលេចច្បាស់ទៅហើយនោះ។ រដ្ឋបាលរបស់លោកស្រី ស៊ូជី ក៏ត្រូវរក្សាតុល្យភាពរវាងមហាអំណាចទាំងពីរដែរ។ ចិន ជាដៃគូពាណិជ្ជកម្មយ៉ាងសំខាន់របស់មីយ៉ាន់ម៉ា និងជាប្រភពនៃការវិនិយោគដោយផ្ទាល់ធំជាងគេផងដែរ។ ប៉ុន្តែ លោកស្រី ស៊ូជី ដែលមានងារជាអ្នកគោរពប្រជាធិបតេយ្យ ក៏មានទំនាក់ទំនងល្អជាមួយលោកខាងលិចដែរ៕
អ្នកនាំពាក្យការិយាល័យប្រធានាធិបតី លោក Zaw Htay និយាយថា លោកស្រី អ៊ុងសាន ស៊ូជី នឹងទស្សនកិច្ចរយៈពេលបួនថ្ងៃទៅកាន់ប្រទេសចិន ដែលចាប់ផ្ដើមនៅថ្ងៃទី១៧ ខែសីហា។ យ៉ាងណាក្ដី អ្នកនាំពាក្យរូបនេះ មិនបានផ្ដល់ព័ត៌មានលម្អិតអ្វីឡើយ ដោយអះអាងថា ព័ត៌មានបន្ថែមនឹងត្រូវប្រកាសពេលក្រោយទៀត។
យោងតាមសារព័ត៌មាន The Irrawaddy អនុរដ្ឋមន្ត្រីសន្តិសុខចិន លោក Geng Huichang ជាអ្នកអញ្ជើញលោកស្រី ស៊ូជី ក្នុងជំនួបក្នុងរដ្ឋធានីណៃពិដោ កាលពីថ្ងៃទី៨ ខែកក្កដា។ ទស្សនកិច្ចបួនថ្ងៃនៅចិន នឹងក្លាយជាដំណើទៅកាន់បរទេសលើកទីបីរបស់លោកស្រី ស៊ូជី ដែលកាន់តំណែងជារដ្ឋមន្ត្រីការបរទេសដែរនោះ។ លោកស្រី បានទៅទស្សនកិច្ចនៅឡាវក្នុងខែឧសភា និងទស្សនកិច្ចនៅថៃក្នុងមិថុនា។
មួយវិញទៀត ទស្សនកិច្ចលើកនេះ ក៏ជាដំណើលើកទីពីរទៅកាន់ចិន ចាប់តាំងពីទស្សនកិច្ចទៅក្រុងប៉េកាំងកាលពីខែមិថុនា ឆ្នាំ២០១៥។ កាលនោះ ម្ចាស់ពានរង្វាន់ណូបែលសន្តិភាពឆ្នាំ១៩៩១ ទៅកាន់ចិនតាមការអញ្ជើញរបស់បក្សកុម្មុយនីស្តចិន ក្នុងនាមជាប្រធានគណបក្សសម្ព័ន្ធភាពដើម្បីប្រជាធិបតេយ្យ ដែលនៅជាបក្សប្រឆាំងនៅឡើយ។ លោកស្រី បានជួបជាមួយប្រធានាធិបតី លោក ស៊ី ជិនពីង និងលោកនាយករដ្ឋមន្ត្រី លី ខឺឈាំង។
ទន្ទឹមនឹងការទទួលការអញ្ជើញពីសំណាក់មហាយក្សចិន មេដឹកនាំ de facto របស់មីយ៉ាន់ម៉ារូបនេះ ក៏បានទទួលការអញ្ជើញពីប្រធានាធិបតីអាមេរិក លោក បារ៉ាក់ អូបាម៉ា ដែលជិតចប់អាណត្តិទៅហើយនោះ។ ប្រភពព័ត៌មានខាងលើបន្តថា ដំណើទស្សនកិច្ចរបស់លោកស្រី ស៊ូជី ទៅកាន់អាមេរិក អាចនឹងធ្វើឡើព្រមគ្នានឹងកិច្ចប្រជុំប្រចាំឆ្នាំរបស់អង្គការសហប្រជាជាតិ ក្នុងខែកញ្ញាខាងមុខនេះ។
ការសម្រេចចិត្តទស្សនកិច្ចទៅចិន មុនទៅអាមេរិក ត្រូវមើលឃើញថា ជាការសម្រេចចិត្តលំបាកមួយសម្រាប់មេដឹកនាំមីយ៉ាន់ម៉ា ស្របពេលការប្រជែងឥទ្ធិពលរវាងមហាយក្សទាំងពីរ កាន់តែលេចច្បាស់ទៅហើយនោះ។ រដ្ឋបាលរបស់លោកស្រី ស៊ូជី ក៏ត្រូវរក្សាតុល្យភាពរវាងមហាអំណាចទាំងពីរដែរ។ ចិន ជាដៃគូពាណិជ្ជកម្មយ៉ាងសំខាន់របស់មីយ៉ាន់ម៉ា និងជាប្រភពនៃការវិនិយោគដោយផ្ទាល់ធំជាងគេផងដែរ។ ប៉ុន្តែ លោកស្រី ស៊ូជី ដែលមានងារជាអ្នកគោរពប្រជាធិបតេយ្យ ក៏មានទំនាក់ទំនងល្អជាមួយលោកខាងលិចដែរ៕
Tag:
អ៊ុងសាន ស៊ូជី
ចិន
អាមេរិក
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
12 ម៉ោង
