អន្តរជាតិ
×![]()
ដោយ: តន ចាន់រិទ្ធារ៉ា
ក្រសួងការបរទេសអាមេរិក នៅថ្ងៃទី៨ ខែសីហា បានទទូចដល់រដ្ឋាភិបាលយោធាថៃ ឲ្យគោរពសិទ្ធិសេរីភាពស៊ីវិលឡើងវិញ បន្ទាប់ពីរបបថៃបានរឹតត្បិតសិទ្ធិសេរីភាពរបស់ប្រជាជនថៃ មិនឲ្យមានការរិះគន់លើការគ្រប់គ្រងរបស់ខ្លួន។ ក្រៅពីនោះ អាមេរិក ក៏ស្នើឲ្យអាជ្ញាធរថៃពន្លឿនដំណើការឈានទៅរកប្រជាធិបតេយ្យពិតប្រាកដទៀតផង ក្រោយពីធ្វើប្រជាមតិលើសេចក្ដីព្រាងរដ្ឋធម្មនុញ្ញរួចរាល់មក។
សូមស្ដាប់ព័ត៌មានលម្អិត៖
នៅក្នុងសង្ខេបព័ត៌មានប្រចាំថ្ងៃ លោកស្រី Elizabeth Trudeau នាយកការិយាល័យព័ត៌មាននៃក្រសួងការបរទេសអាមេរិក បានឆ្លើយនឹងសំណួររបស់អ្នកកាសែតពាក់ព័ន្ធនឹងស្ថានការណ៍នយោបាយនៅប្រទេសថៃ ដែលកំពុងគ្រប់គ្រងដោយយោធា។ លោកស្រី Trudeau បានអំពាវនាវឲ្យរបបយោធារបស់លោកឧត្តមសេនីយ៍ ប្រាយុទ្ធ ចន្ទអូចា ត្រូវបន្ធូរបន្ថយការហាមឃាត់លើសិទ្ធិសេរីភាពស៊ីវិលរបស់ប្រជាជន។
នាយកការិយាល័យព័ត៌មានរូបនេះនិយាយថា ជាផ្នែកមួយនៃផ្លូវទៅកាន់ប្រជាធិបតេយ្យពេញលេញ រដ្ឋាភិបាលថៃ គួរតែលើកលែងការរឹតត្បិតការទាំងឡាយលើសេរីភាពស៊ីវិលរបស់ប្រជាជនថៃ ដែលរួមទាំងសេរីភាពបញ្ចេញមតិ និងសិទ្ធិប្រមូលផ្ដុំជាដើមនោះ។ លោកស្រី Trudeau បន្តថា ការលុបចោលការហាមឃាត់នេះ ធ្វើឲ្យប្រជាជនថៃអាចចូលរួមក្នុងការសន្ទនាពីអនាគតប្រទេសជាតិ ដោយចំហ និងគ្មានការបន្ទុចបង្អាក់។
ទន្ទឹមនឹងអំពាវនាឲ្យរបបយោធាថៃ គោរពសិទ្ធិពលរដ្ឋឡើងវិញ លោកស្រី Trudeau ក៏ស្នើទៅរដ្ឋាភិបាលថៃ ឈានទៅមុខបន្តទៀតដើម្បីអនុវត្តគោលការណ៍ប្រជាធិបតេយ្យ តាមរយៈផ្ទេរអំណាចទៅរដ្ឋាភិបាលស៊ីវិល និងជ្រើសតាំងតាមរយៈការបោះឆ្នោត ឲ្យលឿនតាមតែអាចធ្វើបាន។ ហើយអាមេរិក ក៏បង្ហាញការព្រួយបារម្ភរបស់ខ្លួនទាក់ទិននិងដំណើការព្រាងរដ្ឋធម្មនុញ្ញថ្មីនេះ ដែលទើបតែត្រូវបានយល់ព្រមពីអ្នកបោះឆ្នោតថៃ ក្នុងប្រជាមតិថ្ងៃទី៧ ខែសីហា។
លោកស្រី Trudeau បញ្ជាក់ថា ភាគីមួយចំនួន ត្រូវបានផាត់ចេញពីដំណើការព្រាងរដ្ឋធម្មនុញ្ញថ្មីនេះ ហើយការពិភាក្សាណាមួយជុំវិញបញ្ហានេះ ក៏មិនត្រូវបានអនុញ្ញាតដោយរបបយោធានោះដែរ។ សេចក្ដីព្រាងរដ្ឋធម្មនុញ្ញ ដែលទទួលបានការគាំទ្រពីអ្នកបោះឆ្នោតភាគច្រើន មានចែងពីការជ្រើសតាំងសមាជិកព្រឹទ្ធសភា ដោយមិនចាំបាច់មកពីការបោះឆ្នោត ដែលនេះជាព្រួយបារម្ភរបស់អាមេរិក។
សូមរម្លឹកថា លទ្ធផលបឋមនៃប្រជាមតិថ្ងៃទី៧ ខែសីហា បង្ហាញថា សេចក្ដីព្រាងរដ្ឋធម្មនុញ្ញថ្មី ដែលសរសេរដោយរបបយោធាថៃ នឹងក្លាយជារដ្ឋធម្មនុញ្ញថ្មីទី២០របស់ថៃ ស្របពេលដែលអ្នកនយោបាយធំៗក្នុងស្រុក សំដែងការប្រឆាំងនឹងសេចក្ដីព្រាងនេះក្ដី ដោយលើកឡើងថា មិនមានលក្ខណៈប្រជាធិបតេយ្យ និងបម្រើផលប្រយោជន៍យោធា ដោយសារមានប្រការខ្លះចែងបើកផ្លូវឲ្យរបបយោធា អន្តរាគមន៍ចូលនយោបាយបានដដែល៕
សូមស្ដាប់ព័ត៌មានលម្អិត៖
នៅក្នុងសង្ខេបព័ត៌មានប្រចាំថ្ងៃ លោកស្រី Elizabeth Trudeau នាយកការិយាល័យព័ត៌មាននៃក្រសួងការបរទេសអាមេរិក បានឆ្លើយនឹងសំណួររបស់អ្នកកាសែតពាក់ព័ន្ធនឹងស្ថានការណ៍នយោបាយនៅប្រទេសថៃ ដែលកំពុងគ្រប់គ្រងដោយយោធា។ លោកស្រី Trudeau បានអំពាវនាវឲ្យរបបយោធារបស់លោកឧត្តមសេនីយ៍ ប្រាយុទ្ធ ចន្ទអូចា ត្រូវបន្ធូរបន្ថយការហាមឃាត់លើសិទ្ធិសេរីភាពស៊ីវិលរបស់ប្រជាជន។
នាយកការិយាល័យព័ត៌មានរូបនេះនិយាយថា ជាផ្នែកមួយនៃផ្លូវទៅកាន់ប្រជាធិបតេយ្យពេញលេញ រដ្ឋាភិបាលថៃ គួរតែលើកលែងការរឹតត្បិតការទាំងឡាយលើសេរីភាពស៊ីវិលរបស់ប្រជាជនថៃ ដែលរួមទាំងសេរីភាពបញ្ចេញមតិ និងសិទ្ធិប្រមូលផ្ដុំជាដើមនោះ។ លោកស្រី Trudeau បន្តថា ការលុបចោលការហាមឃាត់នេះ ធ្វើឲ្យប្រជាជនថៃអាចចូលរួមក្នុងការសន្ទនាពីអនាគតប្រទេសជាតិ ដោយចំហ និងគ្មានការបន្ទុចបង្អាក់។
ទន្ទឹមនឹងអំពាវនាឲ្យរបបយោធាថៃ គោរពសិទ្ធិពលរដ្ឋឡើងវិញ លោកស្រី Trudeau ក៏ស្នើទៅរដ្ឋាភិបាលថៃ ឈានទៅមុខបន្តទៀតដើម្បីអនុវត្តគោលការណ៍ប្រជាធិបតេយ្យ តាមរយៈផ្ទេរអំណាចទៅរដ្ឋាភិបាលស៊ីវិល និងជ្រើសតាំងតាមរយៈការបោះឆ្នោត ឲ្យលឿនតាមតែអាចធ្វើបាន។ ហើយអាមេរិក ក៏បង្ហាញការព្រួយបារម្ភរបស់ខ្លួនទាក់ទិននិងដំណើការព្រាងរដ្ឋធម្មនុញ្ញថ្មីនេះ ដែលទើបតែត្រូវបានយល់ព្រមពីអ្នកបោះឆ្នោតថៃ ក្នុងប្រជាមតិថ្ងៃទី៧ ខែសីហា។
លោកស្រី Trudeau បញ្ជាក់ថា ភាគីមួយចំនួន ត្រូវបានផាត់ចេញពីដំណើការព្រាងរដ្ឋធម្មនុញ្ញថ្មីនេះ ហើយការពិភាក្សាណាមួយជុំវិញបញ្ហានេះ ក៏មិនត្រូវបានអនុញ្ញាតដោយរបបយោធានោះដែរ។ សេចក្ដីព្រាងរដ្ឋធម្មនុញ្ញ ដែលទទួលបានការគាំទ្រពីអ្នកបោះឆ្នោតភាគច្រើន មានចែងពីការជ្រើសតាំងសមាជិកព្រឹទ្ធសភា ដោយមិនចាំបាច់មកពីការបោះឆ្នោត ដែលនេះជាព្រួយបារម្ភរបស់អាមេរិក។
សូមរម្លឹកថា លទ្ធផលបឋមនៃប្រជាមតិថ្ងៃទី៧ ខែសីហា បង្ហាញថា សេចក្ដីព្រាងរដ្ឋធម្មនុញ្ញថ្មី ដែលសរសេរដោយរបបយោធាថៃ នឹងក្លាយជារដ្ឋធម្មនុញ្ញថ្មីទី២០របស់ថៃ ស្របពេលដែលអ្នកនយោបាយធំៗក្នុងស្រុក សំដែងការប្រឆាំងនឹងសេចក្ដីព្រាងនេះក្ដី ដោយលើកឡើងថា មិនមានលក្ខណៈប្រជាធិបតេយ្យ និងបម្រើផលប្រយោជន៍យោធា ដោយសារមានប្រការខ្លះចែងបើកផ្លូវឲ្យរបបយោធា អន្តរាគមន៍ចូលនយោបាយបានដដែល៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
16 ម៉ោង
