អន្តរជាតិ
×![]()
អាមេរិកអនុញ្ញាតឲ្យមានការលក់សព្វាវុធឲ្យអារ៉ាប៊ីសាអូឌីតក្នុងតម្លៃ ១.១៥ពាន់លានដុល្លារ។ សព្វាវុធអារ៉ាប៊ីសាអូឌីតសុំទិញពីអាមេរិកមានរថក្រោះ កាំភ្លើងយន្ត រថយន្តយោធា និងសម្ភាៈយោធាផ្សេងទៀតជាច្រើន។ តែការសម្រេចនេះកើតឡើងស្របពេលដែលរដ្ឋអារ៉ាប់នេះចាប់ផ្តើមប្រតិបត្តិការវាយប្រហារតាមផ្លូវអាកាសឡើងវិញនៅក្នុងប្រទេសយេម៉ែននោះ។ 
សូមស្ដាប់ព័ត៌មានលម្អិត៖
ថ្ងៃអង្គារទី ៩ខែសីហា មន្ទីរប៉ង់តាហ្កូនបានលើកឡើងថា ក្រសួងការបរទេសអាមេរិកបានអនុញ្ញាតឲ្យមានការលក់សព្វាវុធទៅឲ្យប្រទេសអារ៉ាប៊ីសាអូឌីតរួចរាល់ហើយ។ សព្វាវុធជាច្រើនប្រភេទដែលមានទំហំ១.១៥ពាន់លានដុល្លារនេះ រួមមានទាំងរថក្រោះ កាំភ្លើងយន្ត រថយន្តយោធាជាច្រើនគ្រឿង ក៏ដូចជាសម្ភារៈយោធាផ្សេងទៀតស្ថិតក្នុងបញ្ជីនៃការបញ្ជាទិញនេះដែរ។
យោងតាមទីភ្នាក់ងារព័ត៌មាន AFP ដែលដកស្រង់សម្តីទីភ្នាក់ងារកិច្ចសហប្រតិបត្តិការសន្តិសុខការពារជាតិ រដ្ឋាភិបាលក្រុងរីយ៉ាដបានស្នើសុំទិញរថក្រោះ M1A1/A2 ចំនួន ១៣៣គ្រឿង ហើយប្រទេសនេះត្រូវការរថក្រោះ ២០គ្រឿងបន្ថែមទៀតដើម្បីជំនួសឲ្យរថក្រោះដែលខូចខាតផងដែរ។
ក្រៅពីរថក្រោះ រដ្ឋាភិបាលនេះត្រូវការកាំភ្លើងយន្តប្រភេទ M2.50-Calibre ចំនួន ១៥៣ដើម, កាំភ្លើងយន្តប្រភេទ M240 ចំនួន ២៦៦ដើម, គ្រាប់បែកផ្សែង, រថយន្តយោធា ក៏ដូចជាសម្ភារៈយោធាជាច្រើនផ្សេងទៀតផងដែរ។
តាមពិតទៅក្រសួងការបរទេសបានសម្រេចជូនដំណឹងដល់សភាអាមេរិករួចរាល់ហើយ ក្រោយអនុញ្ញាតឲ្យមានការចុះកិច្ចព្រមព្រៀងទិញលក់សព្វាវុធនេះ។ ហើយសភាអាមេរិកមានរយៈពេល៣០ថ្ងៃ ក្នុងការសម្រេចថាគួរប្រើប្រាស់សិទ្ធិអំណាចហាមលក់សព្វាវុធនេះឬអត់។ ប៉ុន្តែវាជារឿងមិនអាចទៅរួចឡើយដែលសភានឹងហាមឃាត់ការលក់សព្វាវុធនេះព្រោះអារ៉ាប៊ីសាអូឌីតជាសម្ព័ន្ធមិត្តអាមេរិកស្រាប់ហើយ។
ទីភ្នាក់ងារកិច្ចសហប្រតិបត្តិការសន្តិសុខការពារជាតិខាងលើបានអះអាងថា៖«សំណើរសុំលក់សព្វាវុធនេះនឹងជួយដល់ការអនុវត្តនយោបាយការបរទេសនិងរក្សាសន្តិសុខជាតិអាមេរិក ដោយការជួយធ្វើឲ្យសន្តិសុខនៃដៃគូយុទ្ធសាស្ត្ររបស់អាមេរិកនៅក្នុងតំបន់កាន់តែប្រសើរ។ ហើយដៃគូយុទ្ធសាស្ត្រអាមេរិកនេះកំពុងបន្តចូលរួមរក្សាស្ថិរភាពនយោបាយនិងការលូតលាស់នៃសេដ្ឋកិច្ចនៅក្នុងតំបន់មជ្ឈិមបូព៌ានោះ។
យ៉ាងណាមិញ អាមេរិកដូចជាមិនបានហើបមាត់និយាយរឿងវាយប្រហារនៅយេម៉ែនឡើយ។ ការចាប់ផ្តើមទិញអាវុធនេះកើតឡើងស្របពេលដែលអារ៉ាប៊ីសាអូឌីតបន្តការវាយប្រហារតាមផ្លូវអាកាសនៅក្នុងប្រទេសយេម៉ែនដើម្បីប្រឆាំងក្រុមឧទ្ទាម Houthis និងក្រុមកងកម្លាំងដែលគាំទ្រអតីតប្រធានាធិបតី Ali Abdullah Saleh ។ បើតាមរបាយការណ៍អង្គការសហប្រជាជាតិ ការវាយប្រហារតាមផ្លូវអាកាសរបស់អារ៉ាប៊ីសាអូឌីត ដែលចាប់ផ្តើមតាំងពីខែមីនាឆ្នាំមុននោះ បានសម្លាប់មនុស្សច្រើនជាង ៦៤០០នាក់ ដែលពួកគេភាគច្រើនជាជនស៊ីវិល៕
សូមស្ដាប់ព័ត៌មានលម្អិត៖
ថ្ងៃអង្គារទី ៩ខែសីហា មន្ទីរប៉ង់តាហ្កូនបានលើកឡើងថា ក្រសួងការបរទេសអាមេរិកបានអនុញ្ញាតឲ្យមានការលក់សព្វាវុធទៅឲ្យប្រទេសអារ៉ាប៊ីសាអូឌីតរួចរាល់ហើយ។ សព្វាវុធជាច្រើនប្រភេទដែលមានទំហំ១.១៥ពាន់លានដុល្លារនេះ រួមមានទាំងរថក្រោះ កាំភ្លើងយន្ត រថយន្តយោធាជាច្រើនគ្រឿង ក៏ដូចជាសម្ភារៈយោធាផ្សេងទៀតស្ថិតក្នុងបញ្ជីនៃការបញ្ជាទិញនេះដែរ។
យោងតាមទីភ្នាក់ងារព័ត៌មាន AFP ដែលដកស្រង់សម្តីទីភ្នាក់ងារកិច្ចសហប្រតិបត្តិការសន្តិសុខការពារជាតិ រដ្ឋាភិបាលក្រុងរីយ៉ាដបានស្នើសុំទិញរថក្រោះ M1A1/A2 ចំនួន ១៣៣គ្រឿង ហើយប្រទេសនេះត្រូវការរថក្រោះ ២០គ្រឿងបន្ថែមទៀតដើម្បីជំនួសឲ្យរថក្រោះដែលខូចខាតផងដែរ។
ក្រៅពីរថក្រោះ រដ្ឋាភិបាលនេះត្រូវការកាំភ្លើងយន្តប្រភេទ M2.50-Calibre ចំនួន ១៥៣ដើម, កាំភ្លើងយន្តប្រភេទ M240 ចំនួន ២៦៦ដើម, គ្រាប់បែកផ្សែង, រថយន្តយោធា ក៏ដូចជាសម្ភារៈយោធាជាច្រើនផ្សេងទៀតផងដែរ។
តាមពិតទៅក្រសួងការបរទេសបានសម្រេចជូនដំណឹងដល់សភាអាមេរិករួចរាល់ហើយ ក្រោយអនុញ្ញាតឲ្យមានការចុះកិច្ចព្រមព្រៀងទិញលក់សព្វាវុធនេះ។ ហើយសភាអាមេរិកមានរយៈពេល៣០ថ្ងៃ ក្នុងការសម្រេចថាគួរប្រើប្រាស់សិទ្ធិអំណាចហាមលក់សព្វាវុធនេះឬអត់។ ប៉ុន្តែវាជារឿងមិនអាចទៅរួចឡើយដែលសភានឹងហាមឃាត់ការលក់សព្វាវុធនេះព្រោះអារ៉ាប៊ីសាអូឌីតជាសម្ព័ន្ធមិត្តអាមេរិកស្រាប់ហើយ។
ទីភ្នាក់ងារកិច្ចសហប្រតិបត្តិការសន្តិសុខការពារជាតិខាងលើបានអះអាងថា៖«សំណើរសុំលក់សព្វាវុធនេះនឹងជួយដល់ការអនុវត្តនយោបាយការបរទេសនិងរក្សាសន្តិសុខជាតិអាមេរិក ដោយការជួយធ្វើឲ្យសន្តិសុខនៃដៃគូយុទ្ធសាស្ត្ររបស់អាមេរិកនៅក្នុងតំបន់កាន់តែប្រសើរ។ ហើយដៃគូយុទ្ធសាស្ត្រអាមេរិកនេះកំពុងបន្តចូលរួមរក្សាស្ថិរភាពនយោបាយនិងការលូតលាស់នៃសេដ្ឋកិច្ចនៅក្នុងតំបន់មជ្ឈិមបូព៌ានោះ។
យ៉ាងណាមិញ អាមេរិកដូចជាមិនបានហើបមាត់និយាយរឿងវាយប្រហារនៅយេម៉ែនឡើយ។ ការចាប់ផ្តើមទិញអាវុធនេះកើតឡើងស្របពេលដែលអារ៉ាប៊ីសាអូឌីតបន្តការវាយប្រហារតាមផ្លូវអាកាសនៅក្នុងប្រទេសយេម៉ែនដើម្បីប្រឆាំងក្រុមឧទ្ទាម Houthis និងក្រុមកងកម្លាំងដែលគាំទ្រអតីតប្រធានាធិបតី Ali Abdullah Saleh ។ បើតាមរបាយការណ៍អង្គការសហប្រជាជាតិ ការវាយប្រហារតាមផ្លូវអាកាសរបស់អារ៉ាប៊ីសាអូឌីត ដែលចាប់ផ្តើមតាំងពីខែមីនាឆ្នាំមុននោះ បានសម្លាប់មនុស្សច្រើនជាង ៦៤០០នាក់ ដែលពួកគេភាគច្រើនជាជនស៊ីវិល៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
14 ម៉ោង
