ជាតិ
រដ្ឋមន្ត្រីទេសចរណ៍កំពុងឆ្ងល់ហេតុអ្វីទេសចរកូរ៉េធ្លាក់
× សៀមរាប៖ រដ្ឋមន្ត្រីក្រសួងទេសចរណ៍ លោក ថោង ខុន កំពុងមានការងឿងឆ្ងល់ ថាតើមានហេតុផលអ្វីខ្លះ ទើបធ្វើឲ្យទេសចរជនជាតិកូរ៉េមកកម្ពុជាធ្លាក់ចុះ។ ទន្ទឹមនឹងថា គ្រោងសិក្សាពីហេតុផលហើយនោះ លោករដ្ឋមន្ត្រីក៏បាននិយាយថា ទេសចរកូរ៉េងាកទៅរកទីផ្សារថ្មីច្រើន គឺទៅប្រទេសភូមា ឫមីយ៉ាន់ម៉ាតែម្តង។
«ហើយកូរ៉េ ថ្ងៃនេះ ឯកឧត្តមអគ្គកុងស៊ុលអញ្ជើញមក គាត់សកម្មណាស់ គាត់ថាធ្វើឲ្យកូរ៉េមកវិញ។ គាត់កំពុងសិក្សា ថាម៉េចបានកូរ៉េធ្លាក់។...គាត់ថា គាត់អត់សុខចិត្តទេ កូរ៉េមកស្រុកខ្មែរធ្លាក់។ មានអគ្គកុងស៊ុលហើយ រឿងអីពិបាកទៀត។ ចង់វីសា ចង់អីកូរ៉េអីនៅនេះទាំងអស់ មិនបាច់ទៅភ្នំពេញទេ...»។ នេះជាការលើកឡើងរបស់លោករដ្ឋមន្ត្រីក្រសួងទេសចរណ៍។
តាមការបញ្ជាក់របស់លោក ថោង ខុន ទេសចរជនជាតិកូរ៉េ ងាកទៅប្រទេសមីយ៉ាន់ម៉ា ដែលគេស្គាល់ថា ជាទីផ្សារទេសចរណ៍ថ្មីក្នុងអាស៊ី។ ទន្ទឹមនឹងមានសុទិដ្ឋិនិយម ថាអគ្គកុងស៊ុលកូរ៉េ នឹងប្រឹងប្រែងឲ្យទេសចរកូរ៉េ មកកម្សាន្តនៅកម្ពុជាឲ្យបានច្រើនឡើងវិញហើយនោះ លោក ថោង ខុន ស្នើឲ្យវិស័យឯកជន និងវិស័យពាក់ព័ន្ធទាំងអស់ ត្រូវស្គាល់ទីផ្សារឲ្យច្បាស់ មុននឹងចង់ទាក់ទាញទេសចរកូរ៉េ។
ខាងក្រោមនេះជាប្រសាសន៍របស់លោក ថោង ខុន ដែលលោកបាននិយាយក្នុងកិច្ចប្រជុំការងារទេសចរណ៍ជាមួយនិងវិស័យឯកជនកាលពីថ្ងៃទី៩ សីហាកន្លងទៅ នៅខេត្តសៀមរាប
© រក្សាសិទ្ធិដោយ thmeythmey.com