ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ភ្នំតាម៉ៅ មានសត្វព្រៃ១២០០ក្បាល និង១០០ប្រភេទ
13, Aug 2016 ,
7:39 pm
រូបភាព
×
ដោយ:
ថ្មីៗ
ភ្នំពេញ៖ លោក និក ម៉ាក នាយកសង្គ្រោះ និងថែរក្សាសត្វព្រៃ នៃអង្គការសម្ព័ន្ធមិត្តសត្វព្រៃ ដែលបានផ្តល់ជំនួយគាំទ្រដល់ឧទ្យានសួនសត្វភ្នំតាម៉ៅ បានប្រាប់សារព័ត៌មានថ្មីៗថា នៅភ្នំតាម៉ៅ មានសត្វព្រៃចំនួន១២០០ក្បាល និង១០០ប្រភេទ។ ក្នុងនោះ មានខ្លាចំនួន៤ក្បាល ប្រើស ឈ្លូស ឆ្កែចចក ប្រភេទសត្វស្លាប ល្មូន ពពួកស្វា ទោច និងប្រភេទសត្វដទៃទៀត។
ឧទ្យានសួនសត្វភ្នំតាម៉ៅ និងមជ្ឈមណ្ឌលសង្គ្រោះសត្វព្រៃ គឺជាកន្លែងអភិរក្សសត្វព្រៃដ៏ធំនៅក្នុងប្រទេសកម្ពុជា ដែលមានសត្វព្រៃចំនួន១២០០ក្បាល និង១០០ប្រភេទ។ នេះបើតាមលោក និក ម៉ាក (Nick Marx) នាយកសង្គ្រោះ និងថែរក្សាសត្វព្រៃ របស់អង្គការសម្ព័ន្ធមិត្តសត្វព្រៃ(wildlife Alliance)។ បុរសជានជាតិអង់គ្លេសរូបនេះ បានបន្តថា នៅឧទ្យានសួនសត្វភ្នំតាម៉ៅក្រោមការឧបត្ថម្ភគាំទ្រថវិកាដោយអង្គការសម្ព័ន្ធមិត្តសត្វព្រៃតាំងពីឆ្នាំ២០០១មក គឺដើម្បីអភិរក្សសត្វព្រៃ និងព្រៃឈើនៅភ្នំតាម៉ៅ។ ក្នុងបទសម្ភាសន៍ផ្តាច់មុខជាមួយសារព័ត៌មានថ្មីៗ លោក និច ម៉ាក បានអះអាងបន្ថែមទៀតថា ជាប្រចាំ នៅភ្នំតាម៉ៅមានសត្វព្រៃ១២០០ក្បាល និង១០០ប្រភេទ។ កន្លងមក សត្វព្រៃជាង២០០០ក្បាលត្រូវបានសង្គ្រោះពីឈ្មួញនៅទូទាំងប្រទេសកម្ពុជា ដើម្បីយកមកអភិរក្សនៅភ្នំតាម៉ៅ។
នាយកសង្គ្រោះ និងថែរក្សាសត្វព្រៃដែលគ្រប់គ្រងឧទ្យានសួនសត្វភ្នំតាម៉ៅអស់រយៈ១៤ឆ្នាំរបស់អង្គការសម្ព័ន្ធមិត្តសត្វព្រៃរូបនេះ បានបញ្ជាក់យ៉ាងដូច្នេះថា៖«មានសត្វចេញចូលនៅភ្នំតាម៉ៅពី៣០០០ក្បាល ទៅ៤០០០ក្បាល ព្រោះសត្វដែលមានបញ្ហាសុខភាព គេយកមកព្យាបាលនៅភ្នំតាម៉ៅ។ មានសត្វខ្លះដែលមានសុខភាពល្អ ក៏ត្រូវដោះលែងនៅក្នុងព្រៃនៃបរិវេណឧទ្យានសួនសត្វភ្នំម៉ៅ តែក៏មានសត្វព្រៃជាច្រើនយកចេញក្រៅវិញ បន្ទាប់ពីព្យាបាលរួច។ សម្រាប់សត្វព្រៃមានជាប្រចាំ នៅភ្នំតាម៉ៅគឺមានចំនួន១២០០ក្បាល និង១០០ប្រភេទ»។
សូមបញ្ជាក់ថា ឧទ្យានសួនសត្វភ្នំតាម៉ៅ និងមជ្ឈមណ្ឌលសង្គ្រោះសត្វព្រៃ មានផ្ទៃដី២៣០០ហិចតា ស្ថិតនៅក្នុងឃុំត្រពាំងសាប ស្រុកបាទី ខេត្តតាកែវ ភាគខាងត្បូងរាជធានីភ្នំពេញ ប្រហែល៤០គីឡូមែត្រ។ ឧទ្យានសួនសត្វភ្នំតាម៉ៅ មិនត្រឹមតែជាកន្លែងអភិរក្សសត្វព្រៃដ៏ល្អប៉ុណ្ណោះទេ តែក៏ជាកន្លែងទេសចរណ៍សត្វព្រៃដ៏ពេញនិយមបំផុតនៅកម្ពុជាផងដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Nick Marx
សត្វព្រៃ
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
21 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម