ជាតិ
សិស្សវិទ្យាស្ថាន អន្តរទ្វីប អាមេរិកាំង ទទួលការបណ្តុះបណ្តាលស្តីពី “វិធីសាស្ត្រនៃការសិក្សាភាសាចិន លើកទី២”
×![]()
ដោយ: ថ្មីៗ
កាលពីសប្តាហ៍កន្លងទៅនេះ វិទ្យាស្ថាន អន្តរទ្វីប អាមេរិកាំង បានបើកសិក្ខាសាលាស្តីពី “វិធី សាស្ត្រនៃការសិក្សាភាសាចិន” ដល់សិស្សានុសិស្ស ដែលធ្វើបទបង្ហាញដោយលោក សាំង រី ប្រធាន កម្មវិធីសិក្សាភាសាចិន។ វគ្គសិក្ខាសាលានេះ ប្រារព្វឡើងនៅសាលប្រជុំ សូវ ហុងគុយ នៃវិទ្យាស្ថាន អន្តរទ្វីប អាមេរិកាំង។
លោក សាំង រី ជាវាគ្មិនធ្វើបទបង្ហាញបានលើកឡើងថា ការសិក្សាភាសាចិនគឺមានការលំបាក ច្រើនបើប្រៀបធៀបទៅនឹងការសិក្សាភាសាផ្សេងៗ ដូច្នេះការសិក្សា គឺទាមទារឱ្យសិស្សានុសិស្សមាន ការអត់ធ្មត់ និងខិតខំប្រឹងប្រែងសិក្សាខ្ពស់។ លោកក៏បានផ្តល់ជាវិធីសាស្ត្រដើម្បីឱ្យរៀនឆាប់ចេះដូច្នេះ ថា សិស្សានុសិស្សត្រូវរៀនពីវិធីប្រើប្រាស់សំឡេងទាំង4ក្នុងភាសាចិនឱ្យបានល្អ ឧស្សាហ៍ទន្ទេញពាក្យ ដែលត្រូវប្រើប្រាស់ប្រចាំថ្ងៃ រៀនអំពីល្បះសន្ទនាខ្លីៗ រៀនពីវិធីប្រើប្រាស់ភីនអ៊ីនឱ្យបានស្ទាត់ជំនាញ សិក្សាអំពីមូលដ្ឋានគ្រឹះវេយ្យាករណ៍ឱ្យបានល្អ ឧស្សាហ៍ហាត់អាន និងសរសេរអក្សរឱ្យបានច្រើន។ មិន តែប៉ុណ្ណោះសិស្សានុសិស្ស ត្រូវចេះសម្របខ្លួនទៅក្នុងមជ្ឈដ្ឋានភាសាចិន ដោយព្យាយាមរាប់អានមិត្ត ភ័ក្តិជាជនជាតិចិន ឬអ្នកចេះភាសាចិន ទស្សនាភាពយន្តជាភាសាចិន ឬដំណើរកម្សាន្តទៅប្រទេស ចិនជាដើម។ ជាមួយគ្នានេះដែរ ដើម្បីជួយពង្រឹងការសិក្សារបស់សិស្សានុសិស្ស វិទ្យាស្ថានតែងតែមាន វគ្គបណ្តុះបណ្តាលសិស្សអំពីគន្លឹះនៃការសិក្សាឱ្យទទួលបានជោគជ័យខ្ពស់ និងការបង្ហាត់បង្រៀនពី គ្រូបង្រៀនដែលមានជំនាញ និងគរុកោសល្យខ្ពស់ ក្នុងការបង្ហាត់សិស្ស និងតម្រង់ទិសដៅសិស្សឱ្យ សម្រេចនូវគោលដៅនៃការសិក្សា។
លោក សាំង រី ក៏បានលើកឡើងអំពីសារៈសំខាន់នៃការសិក្សាភាសាចិនថា ភាសាចិនគឺជា ភាសាដែលគេប្រើប្រាស់ច្រើននៅលើពិភពលោក។ រៀនភាសាចិនធើ្វឱ្យយើងរឹតតែយល់កាន់តែច្បាស់ អំពីវប្បធម៌ប្រទេសចិន ហើយភាសាចិនគឺជាភាសាដែលមានអក្សរសាស្ត្រដ៏គួរឱ្យចាប់អារម្មណ៍ និង ងាយស្រួលចំណាំ ចេះនិយាយ ភាសាចិនធើ្វឱ្យយើងមានអាទិភាពខ្លាំងក្នុងសង្គមដូចជា ការសិក្សា បន្តនៅបរទេស ទេសចរណ៍ការងារ ក៏ដូចជាការធើ្វជំនួញទាំងក្នុង ឬក្រៅប្រទេសជាដើម។ រៀនភាសា ចិនមានសារៈសំខាន់ចំពោះគុណភាពនៃជីវិត និងឱកាសការងារល្អៗសម្រាប់ថ្ងៃអនាគតរបស់យើង។
សិស្សានុសិស្សដែលចូលរួមក្នុងសិក្ខាសាលា បានឱ្យដឹងថា សិក្ខាសាលានេះ ពិតជាបាននាំមកនូវចំណេះដឹងថ្មីៗបន្ថែមទៀត ក្រៅអំពីការសិក្សានៅក្នុងថ្នាក់រៀន ពិសេសគឺបានយល់ដឹងកាន់តែច្បាស់អំពីវិធីសាស្ត្រក្នុងការរៀនភាសាចិនឱ្យឆាប់ចេះ។ សិស្សានុសិស្សទាំងអស់បានប្តេជ្ញាចិត្តថា នឹងខិតខំ ប្រឹងប្រែងរៀនសូត្រឱ្យបានពូកែ និងធ្វើខ្លួនជាសិស្សល្អ កូនល្អ មិត្តល្អ ដើម្បីចូលរួមចំណែកក្នុងការ លើកស្ទួយវិស័យអប់រំនៅកម្ពុជាឱ្យមានការរីកចម្រើន៕
(អត្ថបទសាលា)
លោក សាំង រី ជាវាគ្មិនធ្វើបទបង្ហាញបានលើកឡើងថា ការសិក្សាភាសាចិនគឺមានការលំបាក ច្រើនបើប្រៀបធៀបទៅនឹងការសិក្សាភាសាផ្សេងៗ ដូច្នេះការសិក្សា គឺទាមទារឱ្យសិស្សានុសិស្សមាន ការអត់ធ្មត់ និងខិតខំប្រឹងប្រែងសិក្សាខ្ពស់។ លោកក៏បានផ្តល់ជាវិធីសាស្ត្រដើម្បីឱ្យរៀនឆាប់ចេះដូច្នេះ ថា សិស្សានុសិស្សត្រូវរៀនពីវិធីប្រើប្រាស់សំឡេងទាំង4ក្នុងភាសាចិនឱ្យបានល្អ ឧស្សាហ៍ទន្ទេញពាក្យ ដែលត្រូវប្រើប្រាស់ប្រចាំថ្ងៃ រៀនអំពីល្បះសន្ទនាខ្លីៗ រៀនពីវិធីប្រើប្រាស់ភីនអ៊ីនឱ្យបានស្ទាត់ជំនាញ សិក្សាអំពីមូលដ្ឋានគ្រឹះវេយ្យាករណ៍ឱ្យបានល្អ ឧស្សាហ៍ហាត់អាន និងសរសេរអក្សរឱ្យបានច្រើន។ មិន តែប៉ុណ្ណោះសិស្សានុសិស្ស ត្រូវចេះសម្របខ្លួនទៅក្នុងមជ្ឈដ្ឋានភាសាចិន ដោយព្យាយាមរាប់អានមិត្ត ភ័ក្តិជាជនជាតិចិន ឬអ្នកចេះភាសាចិន ទស្សនាភាពយន្តជាភាសាចិន ឬដំណើរកម្សាន្តទៅប្រទេស ចិនជាដើម។ ជាមួយគ្នានេះដែរ ដើម្បីជួយពង្រឹងការសិក្សារបស់សិស្សានុសិស្ស វិទ្យាស្ថានតែងតែមាន វគ្គបណ្តុះបណ្តាលសិស្សអំពីគន្លឹះនៃការសិក្សាឱ្យទទួលបានជោគជ័យខ្ពស់ និងការបង្ហាត់បង្រៀនពី គ្រូបង្រៀនដែលមានជំនាញ និងគរុកោសល្យខ្ពស់ ក្នុងការបង្ហាត់សិស្ស និងតម្រង់ទិសដៅសិស្សឱ្យ សម្រេចនូវគោលដៅនៃការសិក្សា។
លោក សាំង រី ក៏បានលើកឡើងអំពីសារៈសំខាន់នៃការសិក្សាភាសាចិនថា ភាសាចិនគឺជា ភាសាដែលគេប្រើប្រាស់ច្រើននៅលើពិភពលោក។ រៀនភាសាចិនធើ្វឱ្យយើងរឹតតែយល់កាន់តែច្បាស់ អំពីវប្បធម៌ប្រទេសចិន ហើយភាសាចិនគឺជាភាសាដែលមានអក្សរសាស្ត្រដ៏គួរឱ្យចាប់អារម្មណ៍ និង ងាយស្រួលចំណាំ ចេះនិយាយ ភាសាចិនធើ្វឱ្យយើងមានអាទិភាពខ្លាំងក្នុងសង្គមដូចជា ការសិក្សា បន្តនៅបរទេស ទេសចរណ៍ការងារ ក៏ដូចជាការធើ្វជំនួញទាំងក្នុង ឬក្រៅប្រទេសជាដើម។ រៀនភាសា ចិនមានសារៈសំខាន់ចំពោះគុណភាពនៃជីវិត និងឱកាសការងារល្អៗសម្រាប់ថ្ងៃអនាគតរបស់យើង។
សិស្សានុសិស្សដែលចូលរួមក្នុងសិក្ខាសាលា បានឱ្យដឹងថា សិក្ខាសាលានេះ ពិតជាបាននាំមកនូវចំណេះដឹងថ្មីៗបន្ថែមទៀត ក្រៅអំពីការសិក្សានៅក្នុងថ្នាក់រៀន ពិសេសគឺបានយល់ដឹងកាន់តែច្បាស់អំពីវិធីសាស្ត្រក្នុងការរៀនភាសាចិនឱ្យឆាប់ចេះ។ សិស្សានុសិស្សទាំងអស់បានប្តេជ្ញាចិត្តថា នឹងខិតខំ ប្រឹងប្រែងរៀនសូត្រឱ្យបានពូកែ និងធ្វើខ្លួនជាសិស្សល្អ កូនល្អ មិត្តល្អ ដើម្បីចូលរួមចំណែកក្នុងការ លើកស្ទួយវិស័យអប់រំនៅកម្ពុជាឱ្យមានការរីកចម្រើន៕
(អត្ថបទសាលា)
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
